Karongi: Impanuka y’ ikamyo yahitanye batatu ibaye ikamyo ya 3 ihitanye abantu mu mezi 2

Amakuru   Yanditswe na: Nsanzimana Ernest 18 June 2017 Yasuwe: 4300

Ku mugoroba wo kuri uyu wa Gatandatu tariki 17 Kamena 2017, mu murenge wa Bwishyura w’ akarere ka Karongi habereye impanuka ikomeye y’ ikamyo ihitana abantu batatu. Ibaye impanuka ya gatatu y’ ikamyo ihitanye ubuzima bw’ abantu kuva muri Mata 2017.

Iyi kamyo yari itwawe na Nkundabagenzi Pascal yarenze umuhanda ikagonga umukingo igwa igaramye, abantu batatu bari bayirimo barimo n’umushoferi bahasiga ubuzima.

Iyi kamyo yari ipakiye ibijumba yavaga mu karere ka Nyamasheke yerekeza mu karere ka Karongi. Imirambo ya ba nyakwigendera yajyanywe mu bitaro bya Karongi.

Kuva muri Mata 2017 uyu mwaka impanuka zikomeye zimaze guhitana abagera kuri 25. Muri izi mpanuka inyinshi ziba mu mpera z’ icyumweru.

Ku cyumweru tariki 9 Mata, ikamyo yarimo abantu 8, yavaga Murenge wa Kitabi yerekeza mu Mujyi wa Nyamagabe yaribirinduye igwa mu mukoki abantu babiri bitaba Imana, abandi batandatu barakomereka bajyanwa mu bitaro.

Tariki 18 Mata 2017, ikamyo ya kampani yitwa NPD yahitanye ubuzima bw’ abantu bane mu kagari ka Gasange umurenge wa Nduba muri Gasabo.

Ku munsi wakurikiyeho tariki 19 ivatiri yavaga mu majyaruguru yerekeza mugi wa Kigali yagonze umunyeshuri ku rugabano rw’ akarere ka Gibumbi na Rulindo arapfa.

Ku wa Gatandatu tariki 27 Gicurasi impanuka ikomeye y’ imodoka ya kampani itwara abagenzi Kigali Safaris yabereye mu murenge wa Kanyinya muri Nyarugenge ihitana ubuzima bw’ abantu 15.

Mu zindi mpanuka zabaye muri uyu mwaka harimo ikamyo yaguye mu mugezi wa Mukungwa mu karere ka Musanze tariki 24 Gashyantare. Iyi mpanuka nta muntu yahitanye.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Nitheo

    Ariko rero iyinkuru ntabwo yuzuye nimujya mukoresha amafoto mujye mukoresha nyine amafoto yinkuru murigutangaza Ubu koko twemere KO iyo 10pine iryamye mumazi ariyo yari yikoreye ibijumba?

    June 2017

Inzindi nkuru

Ibyemezo by’Inama y’Abaminisitiri yo ku wa Gatanu tariki ya 19/01/2018

Ku wa Gatanu, tariki ya 19 Mutarama 2017, Inama y’Abaminisitiri idasanzwe...
20 January 2018 Yasuwe: 806 0

Arcbishop Rwaje wari umukuru w’ abangirikani yasimbujwe

Abangirikani bo mu Rwanda kuri uyu wa Gatatu tariki 17 Mutarama 2017...
17 January 2018 Yasuwe: 391 0

Umunyamakuru Kayumba Casmir yitabye Imana bitunguranye

Kayumba William Casmiry wari umaze igihe kinini akora mu itangazamakuru...
16 January 2018 Yasuwe: 1902 0

Minisitiri Uwacu yasabye abanyeshuri guhoza ku mutima indangaciro z’ umuco...

Minisitiri w’Umuco na Siporo Uwacu Julienne yasabye urubyiruko 150 rwavuye...
15 January 2018 Yasuwe: 182 0

Nyamirambo: Umugore bakundaga kwita Mama Fifi bamusanze mu nzu...

Munyana Aline bakundaga kwita Fifi waruzaga akabari , I Nyamirambo mu...
15 January 2018 Yasuwe: 2667 0

Ibyo Bishop Rugagi yahanuriye Umurundikazi byarasohoye UN irumirwa

Umurundikazi wakoreraga umuryango w’Abibumbye mu gihugu cya Sudan y’epfo...
13 January 2018 Yasuwe: 2233 1