startimes

Karongi:Pasiteri yakubise umwana w’imyaka 15 amwangiza ubugabo

Amakuru   Yanditswe na: Martin Munezero 15 November 2019 Yasuwe: 4611

Umwana w’umuhungu ufite imyaka 15 wo mu murenge wa Bwishyura,mu karere ka Karongi aravuga ko yakubiswe n’umugabo witwa Hakorimana Aloys amushinja ku mwiba bikamuviramo kwangirika ubugabo.Ubuyobobozi bw’umurenge wa Bwishyura buvuga ko nta makuru ahagije bufiteho.



Uyu mwana ubwo yari ku bitaro bikuru bya Kibuye yavuze ko yakubiswe mu byumweru bibiri bishize n’umugabo uzwi ku izina rya pasiteri bikamuviramo uburwayi.

Yagize ati ”uwo mugabo yansanze mu Bupfune azanye n’undi mwana wari wamwibye avuga ngo nanjye twarafatanyije, atangira kunkubita imigeri n’inkoni bigera n’ubwo bigera ku gitsina, ariko nticyahise kibyimba banjyanye kuri polisi mpamara iminsi itanu, nyuma bajyana i Tongati (mu kigo ngororamuco), mamaze iminsi mike nibwo natangiye kubyimba mu gitsina banzana hano kwa muganga”.

Dr. Ayingeneye Violette, umuyobozi mukuru w’ibitaro bikuru by’ikitegererezo bya Kibuye avuga ko uwo mwana bamwakiriye, ati “Yatugezeho ibya rimwe ryaravuye mu mwanya wa ryo tugerageza kurisubiza mu mwanya waryo, ubu kuri uyu wa kane twamusezereye akazajya ajya kwipfukisha ku kigo nderabuzima”.

Abajijwe niba uwo mwana yaba yarakubiswe, yagize ati ” Ibyo ntibiri mu nshingano zacu twe icyo tureba ni ukuvura uje atugana dukurikije uburwayi twamubonyeho,ubwo ibyo gukubitwa byarebwa n’inzego zibishinzwe zikurikije raporo ya muganga tuzaziha”.

Niyigaba Bellarmin,umukozi ushinzwe ibibazo by’abaturage mu murenge wa Bwishyura, ubu ni umusigire w’umunyamabanga nshingwabikorwa uri mu kiruhuko cy’akazi, ku murongo wa telefoni yagize ati ”icyo kibazo nta makuru ahagije tugifiteho kuko ntawaturegeye ariko twumvise ko hari gukekwa ko uwitwa Hakorimana Aloys umenyerewe ku izina rya Pasteur ariwe waba yaramukubise,ariko hari amakuru twamenye ko yatangiye gukurikiranwa n’inzego z’ubugenzacyaha”.

Radio Isangano dukesha iyi nkuru yagerageje kuvugana n’ucyekwaho gukubita uyu mwana ntibyashoboka kuko yageze aho akorera ntiyahamusanga na telefoni ye yarifunze.

Amakuru radio Isangano ifite avuga ko uyu mwana yakubitiwe mu gace kazwi ku izina ryo mu Bupfune mu murenge wa Bishyura.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 1514 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1536 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1708 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 910 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1555 0

Umupasiteri wo mu Rwanda yatunguranye avuga uburyo yabaye inkone ya...

Amazina ye ni Pasiteri Jean de Dieu UWIRAGIYE akaba ari umpasiteri...
12 June 2020 Yasuwe: 3508 1