startimes

KAYONZA:Umunyamabanga Nshingwabikorwa ’Gitifu’ yirukanwe azira kwaka ruswa umukecuru utishoboye

Amakuru   Yanditswe na: Martin Munezero 1 September 2019 Yasuwe: 1747

Umunyamabanga Nshingwabikorwa w’Akagari ka Kayonza mu Murenge wa Mukarange mu Karere ka Kayonza,witwa Ntivuguruzwa Oswald, yahagritswe ku mirimo yakoraga azira kwaka umukecuru utishoboye ruswa y’ibihumbi 50.



Uyu muyobozi hamwe n’ushinzwe imibereho myiza y’abaturage mu Murenge wa Kayonza witwa Murekatete Angelique, batse uyu mukecuru ruswa kugira ngo ahabwe amabati yo kumusanira inzu ye.

Ku wa Gatanu taliki 30 Kanama 2019, nibwo Ntivuguruzwa yashyikirijwe ibaruwa imuhagarika mu nshingano yari afite mu kagari.

Uyu mukecuru watse ruswa yatangaje ko aba bayobozi bamwatse ayo mafaranga bamubwira ko ari uruhare rwe kugira ngo nawe asanirwe.

Ati “Ushinzwe imibereho myiza yarampamagaye ambaza uruhare rwanjye urwo ari rwo noneho mfata mu mafaranga ya VUP mba aribo nyaha kugira ngo banyubakire ariko birangira batabikoze.”

Ntivuguruzwa avuga ko atiyumvisha uburyo ari we wirukanywe gusa mu gihe Murekatete Angelique Ushinzwe Imibereho myiza mu murenge wa Mukarange ari we wakiriye ayo mafaranga.

Ati “Nanjye byantunguye kuko Akagari ntikagira konti, ikindi kandi amafaranga yaciye kuri konti y’umuyobozi ushinzwe imibereho myiza aba ariwe ujya kuyakuraho kandi ni nawe wamuhamagaye ayamwaka nk’uruhare rwe, anajya kuyaguramo amabati n’ubwo yaguze 15 kandi hari hakenewe 36.”

Yongeyeho ko Umuyobozi w’Umurenge wa Mukarange akimara kumenya aya makuru yabasabye gusubiza uwo mukecuru amafaranga ye, anasaba ubuyobozi bw’Akarere ka Kayonza gukurikirana bukamenya neza uwakiriye ayo mafaranga kuko umuturage yabirenganiyemo.

Ushinzwe imibereho myiza mu Murenge wa Mukarange, Murekatete Angelique, we yahakanye ko atigeze yaka uyu mubyeyi ruswa.

Umunyamabanga Nshingwabikorwa w’Umurenge wa Mukarange we avuga ko akimara kumenya aya makuru yahise abasaba gusubiza uwo muturage amafaranga ye.

Meya w’Akarere ka Kayonza, Murenzi Jean Claude, yavuze ko n’uyu muyobozi ushinzwe imibereho y’abaturage ibye bitararangira.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 1560 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1546 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1712 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 916 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1555 0

Umupasiteri wo mu Rwanda yatunguranye avuga uburyo yabaye inkone ya...

Amazina ye ni Pasiteri Jean de Dieu UWIRAGIYE akaba ari umpasiteri...
12 June 2020 Yasuwe: 3509 1