Kayonza: Umusaza w’ imyaka 75 yapfiriye mu kiraro cy’ inka ayitabara nayo irapfa

Amakuru   Yanditswe na: 9 January 2017 Yasuwe: 2319

Mu kagari ka Nyamugari Umurenge wa Mwiri ho mu karere ka Kayonza umusaza w’ imyaka 75 yagwiriwe n’ ikiraro cy’ inka ahita ashiramo umwuka ubwo yagerageza kuyihungisha inkongi y’ umuriro.

Saa moya z’ umugoroba kuri uyu wa 8 Mutarama 2017 nibwo Ntigurirwa Thomas w’ imyaka 75 yari iwe mu rugo n’ umukecuru we bonyine bacaniye inka yabo ikiraro gifatwa n’ inkongi y’ umuriro kiratokombera.

Uyu musaza akimara kubona ikiraro cy’ inka ye gitangiye gushya yahise ajya mu kiraro agira ngo ayirekure idahitamo, hanyuma kuko ikiraro cyari gishaje, kinasakaje ibirere gihita kimugwira we n’ inka yari agiye kurokora ntibabasha kurokoka iyo nkongi.

Umuvugizi wa Polisi y’ u Rwanda mu ntara y’ iburasirazuba IP Emmanuel Kayigi yabwiye Umuryango ko nta mugizi wa nabi ubyihishe inyuma ahubwo ko ari ibyago uyu muryango wahuye nabyo.

Yagize ati “Umusaza w’ imyaka 75 yabonye ikiraro cy’ inka gishya, noneho yinjiyemo n’ umuriro n’ iki agira ngo arebe uko yakuramo inka, ikiraro kiramugwira ariwe arashya n’ inka irashya”

Yongeyeho ati “ Yitabye Imana, ni ibyago byabayeho nyine nta kuvuga ngo ni umugizi wa nabi, ni umuriro waturutse ku gicaniro kirukana isazi ku nka”

Uyu musaza yahiye umukecuru babanaga areba ariko abura icyo yabikoraho kuko nawe intege zatangiye kumubana nkeya bitewe no gukura.

Nyakwigendera yashyinguwe kuri uyu wa 9 Mutarama bitabaye ngombwa ko ajyanwa mu bitaro ngo hasuzumwe icyateye urupfu rwe.

IP Kayigi avuga ko iyo nta rujijo ku cyateye urupfu, umurambo ushyingurwa bitabaye ngombwa ko ujyanwa gusuzumwa n’ abaganga ngo bemeze icyateye urupfu.

Abaturage baragirwa inama yo kubaka ibiraro bikomeye kandi bakagira isuku mu ngo zabo birinda imyanda hafi y’ ibiraro kuko igihe bacaniye inka umuyaga ushobora kukongeza iyo myanda bigatera inkongi.

Ngo uretse n’ icyo isuku nkeya hafi y’ ibiraro ishobora gutera uburwayi ku matungo na ba nyirayo.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uko Isi yiriwe tariki 25 Gicurasi 2018 [AMAFOTO]

Inshamake y’ uko isi yiriwe kuri uyu wa 25 Gicurasi 2018 harimo uko Perezida...
25 May 2018 Yasuwe: 1801 0

Gicumbi: Meya n’ abari bamwungirije begurijwe rimwe kubera amakosa...

Inama njyanama idasanzwe y’Akarere ka Gicumbi yeguje MUDAHERANWA Juvenal...
25 May 2018 Yasuwe: 1172 0

Ubukungu bwose Afurika ikeneye ngo dutere imbere turabufite – Min....

Minisitiri w’Umuco na Siporo Uwacu Julienne asanga abanyafurika batakwiye...
24 May 2018 Yasuwe: 387 0

Uko isi yiriwe tariki 22 Gicurasi 2018 [AMAFOTO]

Mu nshamake y’ uko Isi yiriwe tariki 22 Gicurasi harimo ko Diane Rwigara na...
22 May 2018 Yasuwe: 2817 0

Ngoma: Abageni bategereje ubasezeranya bubiriraho

Abasore babiri n’ abakobwa babiri bagiye gusezeranira imbere y’amategeko mu...
21 May 2018 Yasuwe: 1710 0

Kayonza: Umukozi wa SACCO ya Murundi arakekwaho kurigisa arenga 55 000 000...

Polisi y’u Rwanda ifatanyije n’Urwego rw’Igihugu rw’Ubugenzacyaha mu karere ka...
20 May 2018 Yasuwe: 1009 0