addresiya
startimes

Kicukiro:Mu murima w’amateke havumbuwe umurambo w’umugore wambaye ubusa

Amakuru   Yanditswe na: Dusingizimana Remy 7 March 2019 Yasuwe: 5637

Mu murenge wa Kigarama uherereye mu karere ka Kicukiro, hatoraguwe umurambo w’umugore wari mu mateke, wakuwemo imyenda yo ku gice cyo hasi bikekwa ko yaba yishwe yasinze.



Uyu murambo watoraguwe mu gitondo cyo kuri uyu wa Kane tariki ya 7 Werurwe mu kagari ka Bwerankori mu murenge wa Kigarama ahazwi nko mu Gihene.

Ababonye uwo murambo w’uyu mugore bavuga ko aho wari uri mu murima urimo urutoki n’amateke wabonaga ko amateke yavunaguritse bikekwa ko haba habanje kuba imirwano mbere y’uko nyakwigendera yicwa.

Ikindi ababonye uyu murambo bavuga ko nyakwigendera yari afite ibikomere mu ijosi nk’uwanizwe ndetse iruhande rwe hari inyundo.

Umwe mubari bari aho umurambo wabonetse yagize ati “Nyine afite inzara gutya mu ijosi hanyuma hari n’inyundo, basize banamutandaraje nyine yambaye n’ubusa ipantaro ye bayitwaye”

Abaturage batuye mu kagari uyu mugore yiciwemo,bavuze ko ubutabazi bugenda biguruntege ndetse nta muntu wo muri aka kagari ujya utabara iyo hagize umuntu uvuza induru asaba ubufasha,ngo n’abashinzwe irondo ntibajya batabara.

Umwe yagize ati “Muri aka gace ntabwo bajya batabara n’iyo bagusanga mu nzu, ntago bajya batabara. Uvuza induru ntibagutabare kandi byitwa ngo abanyerondo barahari.

Undi yagize ati “Njyewe aha ngaha mpimukiye vuba ariko kuva mpageze hapfuye abantu babiri ku buryo bishobora kuba ari ikintu cy’umutekano mukeya uba muri aka gace.

Icyo nakubwira cyo njyewe sinzi niba n’irondo rihaba, mu gihe gito mpamaze, sindabona abantu barwana ngo mbone umunyerondo atabaye n’iyo aje aza byarangiye. Urebye hano ni nk’agahugu kigenga.”

Uzamukunda Anathalie, Umunyamabanga Nshingwabikorwa w’ Umurenge wa Kigarama utemera ko abashinzwe umutekano baba bagenda biguruntege yabwiye Radiyo Flash ko ibikorwa by’urugomo bitari biherutse muri uyu murenge akemeza ko bagiye gukurikirana iki kibazo cy’abashinzwe umutekano.

Yagize ati “Baba barimo ariko namwe mubona ko ari hanini ntabwo bahagera urugo ku rugo. Ariko ubwo tubonye amakuru nayo ntabwo twayatesha agaciro. Niba abaturage bavuze ko batabona abanyerondo, twe tuzi ko bakora n’abaraye iki gice turaza kubabaza baba bafite cell komanda babagenzura n’imodoka y’umurenge iba ibagenzura turaza gushyiramo imbaraga noneho muri monitoring ariko icyo twabizeza cyo abanyerondo baba bahari.”

Umurambo wa nyakwigendera wahise ujyanwa ku bitaro ngo ukorerwe isuzuma hamenyekane icyamwishe. Inzego z’ubugenzacyaha nazo zatangiye iperereza ngo hamenyekane abagize uruhare muri uru rupfu.

Ubuyobozi bw’uyu murenge burasaba abaturage kujya batanga amakuru kubitwikira ijoro bagakora ibyaha.

Source:Ukwezi.rw

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Rusaro

    Barababwira ko umuntu yanizwe, yanakubiswe inyundo ngo abaganga bagaragaze icyamwishe!!! Kariya gace nta mutekano rwose. Ndetse n’imidugudu ihegereyenta rondi rikorwa. Abayobozi baho bibera mu mayoga gusa. Har hakwiye gushyirwamo imbaraga kdi abayobozi bagakanguka. Nyakwigendera Imana imwakire mubayo rwose.

    March 2019

Inzindi nkuru

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1634 0

Rwanda:Ibihano bihanishwa uwagejeje saa mbili z’ijoro ari mu...

Nyuma yuko guhera kuri uyu wa Mbere taliki ya 04 Gicurasi amategeko ya...
7 May 2020 Yasuwe: 7871 0

Musanze:Imiryango 28 icumbikiwe mu kigo cy’ishuri kubera imvura

Imvura yaguye mu ijoro ryo ku wa gatanu kugeza kuwa Gatandatu mu Ntara...
3 May 2020 Yasuwe: 1230 0

Reba uko gahunda yo gutwara abagenzi iteye mu ntara zose z’u Rwanda no mu...

Minisitiri w’Ubutegetsi bw’Igihugu, Prof Shyaka Anastase, yasobanuye ko...
2 May 2020 Yasuwe: 21603 3

Habayeho impinduka nyinshi kuri gahunda yari isanzweho ya Guma mu Rugo na...

Itangazo ry’ibyemezo by’Inama y’Abaminisitiri idasanzwe yateranye tariki 30...
1 May 2020 Yasuwe: 7225 0

Rwanda:Hagiye gukoreshwa ikoranabuhanga mu gusaba uruhushya rwo gusohoka mu...

Nkuko Itangazo rya Polisi y’u Rwanda yashize ku rukuta rwayo rwa Twitter...
26 April 2020 Yasuwe: 2728 3