KICUKIRO:Nyuma yo gufatana uburozi umukozi wo mu rugo yahaga ba nyir’urugo ngo bamukunde,bagenzi be bagiriwe inama

Amakuru   Yanditswe na: Martin Munezero 7 July 2019 Yasuwe: 4559

Umuvugizi wa Polisi mu Mujyi wa Kigali CIP Marie Goretti Umutesi, yasabye abakozi bo mu rugo n’abandi muri rusange kujya bakora akazi kabo n’umutimanama wabo kandi bakirinda ibikorwa bigayitse biganisha ku cyaha.

Ibi yabikomojeho nyuma y’umukozi wo mu rugo witwa Victoria w’imyaka 27 wakoraga mu rugo rwa Harerimana utuye , mu Murenge wa Gatenga, Akarere ka Kicukiro, wafatanywe uburozi yemera ko yabuhaga sebuja na nyirabuja witwa Mukeshimana kugira ngo bamukunde.

CIP Marie Goretti yagiriye inama abakozi bose abumvisha ko gukora bene ibyo nk’ibya Victoire, ari imyumvire idahwitse ndetse ko harimo no kuba na we ubwe atigirira icyizere mu kazi akora.

Yakomeje avuga ko bakwiye kwirinda ababashuka mu gihe cyose baba bagiranye amakimbirane n’ababakoresha kuko bishobora kubaviramo ingaruka mbi.

Ati “Urabona ko yashowe mu gikorwa kigayitse kijyanye n’imyumvire nakwita ubujiji none agiye kubiryoza. Birinde ababashuka igihe bagiranye amakimbirane n’abakoresha babo begere inzego zibishinzwe bikemurwe.”

Uyu mukobwa we yemereye polisi ko ubwo burozi yari yarabuhawe na nyina ubu utuye mu Karere ka Ruhango, mu Murenge wa Mwendo.

Ukekwaho gutunga uburozi ngo yabuhaga Sebuja na Nyirabuja kugira ngo bamukunde nk’umwana wabo.

Umuvugizi wa Police mu Mujyi wa Kigali, CIP Marie Goretti Umutesi yavuze ko uriya mukobwa yafatanywe buriya burozi kandi akaba yemeye ko yabushyiraga mu biribwa ariko agashyiramo duke duke.

Umukobwa wafatanywe uburozi yahise ajyanwa gucumbikirwa kuri Sitasiyo ya RIB ya Gikondo.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble mahoro

    Mwiriwe uwomukozi ibyo yakoze nibibi ntibagahe umwanya ababashuka batazabaha ibyica bababeshya ngo nibituma babakunda kd bamuhane nabandi babonereho

    1 week ago

Inzindi nkuru

KICUKIRO:Ikamyo nini itwara amavuta yaturitse ihitana ubuzima...

Abantu babiri bahitanywe n’ iturika ry’ ikamyo itwara amavuta yasudirwaga n’...
19 July 2019 Yasuwe: 166 0

Rulindo: Umurambo wa DASSO wavumbuwe mu ishyamba n’abana bashakaga...

Umu DASSO witwa Nshimiyimana Denis wakoreraga mu murenge wa Cyinzuzi mu...
18 July 2019 Yasuwe: 1980 0

Umunyamakuru Constantin Tuyishimire wa Radio na TV1 yaburiwe...

Umunyamakuru witwa Constantin Tuyishimire wakoreraga Radio na TV1 I Gicumbi...
18 July 2019 Yasuwe: 8816 0

Nizigiyimana umusore w’imyaka 23 yahanze umuhanda urenga ibirometero 7...

Nizigiyimana Emmanuel wo mu mudugudu wa Gisovu Akagari ka Nkoto Umurenge wa...
18 July 2019 Yasuwe: 2672 0

Umubiri wa Senateri Kagoyire waguye muri Amerika wagejejwe i...

Senateri Bishagara yitabye Imana ku wa Mbere w’icyumweru gishize mu bitaro...
17 July 2019 Yasuwe: 4923 3

Kayonza: Indi modoka ya Coaster yaguye mu manga ihitana abantu...

Ku munsi w’ejo taliki ya 16 Nyakanga 2019,habaye impanuka zitandukanye...
17 July 2019 Yasuwe: 3148 0