Kicukiro: Umusore yafashwe agiye kubitsa amafaranga y’ amiganano

Amakuru   Yanditswe na: Nsanzimana Ernest 15 August 2018 Yasuwe: 1593

Umusore witwa Habarurema Shukuru w’imyaka 30, ukomoka mu karere ka Kicukiro, umurenge wa Niboye yafashwe na Polisi y’u Rwanda ikorera mu karere ka Kicukiro, akekwaho gutunga no gukoresha amafaranga y’amahimbano.

Yafashwe mu mpera z’icyumweru gishize, ubwo yageragezaga kubitsa amafaranga y’u Rwanda ibihumbi cumi na bitanu y’amahimbano (inote eshatu za bitanu) ku mukozi wa sosiyeti y’itumanaho; akoresheje uburyo buzwi bwa Mobile money.

Uyu mukozi mbere y’uko ayamubikira, yitegereje ayo mafaranga arayasuzuma neza asanga ari amahimbano maze asaba uwo musore kutava aho, ahita abimenyesha abaturage maze baramufata bahamagara Polisi iraza itwara uwo musore.

Ushinzwe imikoranire myiza n’ubufatanye hagati ya Polisi y’u Rwanda, abaturage n’izindi nzego hagamijwe gukumira no kurwanya ibyaha mu karere ka Kicukiro, Chief Inspector of Police (CIP) Seraphine Nyirandikubwimana, yashimiye abaturage uruhare bakomeje kugaragaza mu gufatanya n’inzego z’umutekano mu gukumira ibyaha.

Yasabye urubyiruko rugifite umuco mubi wo kumva ko bagomba kugera ku bukire banyuze mu buryo nka buriya bwo gukoresha amafaranga y’amahimbano kubireka, kuko uretse no kuba aya mafaranga y’amiganano agira ingaruka mbi ku bukungu bw’igihugu; nabo ubwabo bahura n’ingorane zirimo no gufungwa.

Yakomeje agira inama abantu bose bafite gahunda yo gukoresha amafaranga y’amiganano kubireka kuko abaturage, Polisi n’izindi nzego bari maso kandi ko biteguye gukomeza gufata abanyabyaha batandukanye.

Yibukije ko kwigana no gukoresha amafaranga y’amahimbano ari icyaha gihanwa n’amategeko.

Yanasabye abacuruzi cyane cyane abakira n’aboherereza abantu amafaranga bakoresheje uburyo bw’itumanaho bwa mobile money kuba maso bakajya basuzuma neza amafaranga bahabwa n’abaguzi cyane cyane nijoro kuko hari igihe abagizi ba nabi babaha amafaranga y’amahimbano.

Abafatiwe mu bikorwa byo gukoresha amafaranga y’amahimbano bahanishwa igihano cy’igifungo kuva ku myaka ibiri (2) kugeza ku myaka itanu (5) n’ihazabu y’amafaranga y’u Rwanda yikubye inshuro kuva kuri ebyiri (2) kugeza ku icumi (10) z’agaciro k’amafaranga y’amahimbano, nk’uko biteganywa ingingo ya 604 yo mu gitabo cy’amategeko ahana y’u Rwanda.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abafite ubumuga bukomatanyije bwo kutumva no kutavuga barifuza kwitabwaho...

Umuryango wa ROPDB urasaba leta n’indi miryango ishinzwe kwita ku...
12 December 2018 Yasuwe: 348 0

Inyeshyamba zarasiwe I Rubavu zashyinguwe

Inyeshyamba bikekwa ko ari iza FDLR zagabye igitero mu murenge wa...
11 December 2018 Yasuwe: 5460 0

‘Kuba umugabo hari icyo bisobanuye umugore ntabwo ari mushiki wawe’ Me...

Evode Uwizeyimana , Umunyamabanga wa Leta ushinzwe itegeko Nshinga n’andi...
10 December 2018 Yasuwe: 3080 0

Abarezi basobanuriwe uko Jenoside yahagaritswe ngo bigiye kubafasha mu kazi...

Abarimu n’ abayobozi bo mu Rwunge rw’ Amashuri rwitiriwe Mutagatifu Pawulo...
30 November 2018 Yasuwe: 422 0

Muhanga: Umugabo utazi gutera akabariro yagereranijwe n’ ikimasa bukeye...

Inyigo yakorewe mu karere ka Muhanga igamije kumenya igitera amakimbirane...
30 November 2018 Yasuwe: 5324 2

Abanyarwandakazi 2 bajujubya umukecuru w’ I Muhanga bashaka kumusenga nk’...

Nyirabidahirika Rissa utuye mu Mujyi wa Muhanga, arashinja abakobwa babiri...
29 November 2018 Yasuwe: 3544 1