Kigali:Abakora umwuga wo gutwara abagenzi kuri Moto baravugwaho kugira ivangura rishingiye ku ruhu bitewe na coronavirus

Amakuru   Yanditswe na: Martin Munezero 21 March 2020 Yasuwe: 4020

Abakora umwuga wo gutwara abagenzi kuri Moto mu Mujyi wa Kigali, baravugwaho kugira ivangura rishingiye ku ruhu bitewe n’icyorezo cya coronavirus gikomeje gukwirakwira hirya no hino mku Isi.



Kuva umurwayi wa mbere wa Coronavirus yaboneka mu Rwanda akaba yari umugabo w’umuhinde wageze mu Rwanda aturutse mu Mujyi wa Mombai abantu benshiabantu bahise bagira ubwoba bamwe mu bakora umwuga w’ubumotari batangira no gutinya gutwara abazumgu batinya ko babanduza.

Umwe mu bamotari waganiriye na The New Times utashatse kwivuga izina yavuze ko n’ubwo hari icyorezo abantu bose yabatwara ariko atatinyuka gutwara abazungu. Yagize ati ” Abantu bose ndabatwara ariko sinatinyuka gutwara umuzungu. Hari nabansifuye ejo ngo mbatware nigira nk’utababonye.”

Ku kibazo cyabajijwe abandi bamotari abenshi muri bo bagiye bagaragaza ko nta kibazo bafitanye no gutwara abirabura ariko bakavuga ko abazungu by’umwihariko Abahinde n’Abashinwa babatinya kubera Coronavirus.



Umuvugizi w’Urwego Ngenzuramikorere mu gashami kajyanye n’ubwikorezi bw’abantu, Tony Kuramba yabwiye The New Times ko batari bazi iki kibazo ariko avuga ko ari icyaha gihanwa n’amategeko.

Kuramba ati ” Ntawe utarwara Coronavirus yewe n’Umunyarwanda. Icya ngombwa ni ukwita ku isuku, mu gihe umugenzi yemeye kwambara igitambaro imbere ya kasike nta kibazo ikindi kandi kwanduzanya nta ho bihuriye n’uruhu.”

Mu Rwanda ubu harabarurwa abantu 17 bamaze kwandura Coronavirus mu gihe hari bn’abandi bari mu kato bagisuzumwa.



Minisiteri y’Ubuzima n’izindi nzego za Leta ikomeje gukangurira abanyarwanda kunoza isuku no kwirinda amahuriro y’abantu ndetse n’ingendo za hato na hato.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abantu 6 barimo n’abanyamakuru batawe muri yombi bahuruje abaturage bagiye...

Urwego rw’igihugu rw’ubugenzacyaha RIB rwatangaje ko kuri uyu 8 Mata 2020...
9 April 2020 Yasuwe: 3452 0

U Rwanda rwahawe amafaranga Miliyari 11 zo guhangana n’icyorezo cya...

Banki y’Isi ibinyujije mu Kigega Mpuzamahanga Gitsura Amajyambere (IDA),...
8 April 2020 Yasuwe: 1363 0

#Kwibuka26:Police y’u Rwanda yijeje Abaturarwanda umutekano usesuye

Kuva tariki ya 07 Mata abaturarwanda, inshuti z’u Rwanda ndetse n’Isi yose...
8 April 2020 Yasuwe: 351 0

Gasabo:Bamwe mu bari bafungiwe muri Kasho bafunguwe kubera Coronavirus

Ubushinjacyaha ku rwego rw’ibanze n’urwisumbuye mu karere ka Gasabo bwarekuye...
7 April 2020 Yasuwe: 1739 0

Apotre Mukabadege Liliane yatawe muri yombi na Polisi y’u Rwanda

Umushumba w’itorero Umusozi w’ibyiringiro Apôtre Mukabadege Liliane yatawe...
6 April 2020 Yasuwe: 3167 1

Nyarugenge:Abantu 2 bagaragaye mu mashusho bakubita ukekwaho kwiba Telefone...

Kuwa Gatatu tariki 1 Mata 2020 nibwo ku mbuga nkoranyambaga hasakajwe...
4 April 2020 Yasuwe: 3168 0