startimes
startimes

KIGALI:Kamali Diane yashyize hanze amashusho yafashwe na CCTV umunyemari ufite Televiziyo mu Rwanda amukubitira mu ruhame

Amakuru   Yanditswe na: Martin Munezero 6 September 2019 Yasuwe: 11346

Umukobwa witwa Diane Kamali yagaragaje amashusho ya CCTV avuga ko arimo umunyemari witwa Francis Habumugisha amukubita mu ruhame ariko akaba atarabona ubutabera.


Sponsored Ad


Kamali yashyize amashusho kuri Twitter uyu munsi, aya mashusho agaragaza abantu bari mu cyumba cy’inama umugabo agahaguruka agasatira umukobwa wicaye akamushikuza ikintu akamukubita urushyi.

Diane Kamali yanditse kuri Twitter ko ibi byabaye ku wa 15 z’ukwezi kwa karindwi uyu mwaka, ko uwamukubise ari Francis Habumugisha umushoramari uzwi i Kigali, ufite televiziyo yitwa Goodrich TV.

Diane Kamali yabwiye BBC dukesha iyi nkuru, ko Bwana Habumugisha basanzwe bakorana kimwe n’abo bari kumwe mu nama mu cyumba cy’inama cy’inzu ya Makuza Peace Plaza i Kigali.

Madamazera Kamali yavuze ko, ku mashusho umukobwa uhagaze yarimo avuga amwe mu makosa yakozwe na Bwana Habumugisha mu byo bakorana, maze uyu mugabo aramutuka cyane.

Ati: "Uriya mugabo Francis yashatse kumucecekesha amutuka ibitutsi bibi cyane dufitiye n’amajwi kuko mu nama bafataga ikiganiro".

"Njyewe rero yagize ngo ndigufata video na telefone yanjye, nuko araza arayinyaka arayivuna, ni yo mpamvu yahise ankubita urushyi".

Kuri Twitter, urwego rw’ubugenzacyaha rwaje gusubiza Diane ko "ikirego cye cyakiriwe kandi cyakurikiranywe".

Bwana Habumugisha Francis ushinjwa na Diane kumuhohotera mu ruhame ntabwo yashatse kugira icyo abwira BBC, yaba kuri telefone cyangwa mu butumwa yandikiwe.

Bamwe mu batanze ibitekerezo kuri Twitter

Diane Kamali yakomeje kandi avuga ko ibyabaye bagize amahirwe bigafatwa na CCTV, ko iyo bitaba bityo bitari no kuzavugwa kuko benshi bahohoterwa bagaceceka kuko babura ibimenyetso.

Agira ati: "Ni ibintu bibabaje cyane kandi bikorerwa abantu benshi, abadamu n’abakobwa cyane cyane, niba umuntu ashobora kugukubitira mu ruhame rw’abantu barenze 10 muri mwenyine yakora n’ibirenze".

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble ruki

    Skol muminsi ishize yateye urwenya rurimo umugore induru ziravuga ariko reka turebeko ba bagore bataruca bakarumira!!!!

    September 2019
  • chat_bubble Le Sage

    Uyu mugabo ateye ubwoba. Muri 2016 agitangiza Alliance in Motion, yarankubitiye kuri Merdien, habura gato. Ubanza yaratinye ko nanjye namusubiza kuko ntandusha ibigango. Ariko agira umujinya udasanzwe. Ntabwo ari umuntu mwiza

    September 2019
  • chat_bubble Mparambo

    Ikibazo si ugukubitira umugore mu ruhame. Ni ukuvua rero ngo umugore ajye akubitirwa ahiherereye. Birababaje kubona bivuzwe n’umugore rwose.
    Ikibazo ni ugukibita umuntu. That is all. N’ubwo yaba ari mu makose, hari inzego zifite inshingano zo guhana.
    Uyu mugabo ahanwe kandi n’uko byakrewe mu ruhame, iburanisha rye n’ibihano ahawe bijye mu ruhame.

    September 2019
  • chat_bubble Mparambo

    Ikibazo si ugukubitira umugore mu ruhame. Ni ukuvua rero ngo umugore ajye akubitirwa ahiherereye. Birababaje kubona bivuzwe n’umugore rwose.
    Ikibazo ni ugukibita umuntu. That is all. N’ubwo yaba ari mu makose, hari inzego zifite inshingano zo guhana.
    Uyu mugabo ahanwe kandi n’uko byakrewe mu ruhame, iburanisha rye n’ibihano ahawe bijye mu ruhame.

    September 2019

Inzindi nkuru

Uwimbabazi Irène avuga ko yafashwe ku ngufu RIB ikavuga ko bitabaye

Uwitwa Uwimbabazi Irène wo mu karere ka Ruhango yatangaje ko bagizi ba nabi...
7 August 2020 Yasuwe: 2514 0

Abakora umwuga w’ubukomisiyoneri mu Rwanda bakuwe amata ku munwa

Uburyo bushya bwo guteza cyamunara hakoreshejwe uburyo bwa elegitoronike,...
6 August 2020 Yasuwe: 16663 0

Polisi y’u Rwanda yashyize hanze amabwiriza agenga abakora ingendo z’indege...

Umuvugizi wa Polisi y’Igihugu,CP John Bosco Kabera Yavuze ko ku bagenzi...
2 August 2020 Yasuwe: 11656 0

RIB yerekanye abakobwa 4 bakwirakwije ku mbuga nkoranyambaga amashusho yabo...

Kuri uyu wa Gatanu tariki ya 31 Nyakanga 2020 nibwo Urwego rw’igihugu...
31 July 2020 Yasuwe: 12348 0

Umunyarwanda warangije amasomo y’ikoranabuhanga n’itumanaho muri kaminuza...

Umunyarwanda warangije amasomo y’ikoranabuhanga n’itumanaho muri kaminuza,...
31 July 2020 Yasuwe: 9498 4

Rusizi:Umugabo ufite urugo bamufatiye mu rugo rw’abaturanyi asambanya...

Umuyobozi w’Umudugudu wa Rurenga 1 mu karere ka Rusizi, Nzeyimana Jean...
19 July 2020 Yasuwe: 15813 3