addresiya
startimes

Kigali: Umushoferi wari utwaye magendu yakoze impanuka nyuma yo guhagarikwa na polisi akongera umuvuduko

Amakuru   Yanditswe na: Dusingizimana Remy 29 July 2019 Yasuwe: 6836

Umushoferi wari utwaye imodoka ya Toyota RAC 785 B, yayitaye mu muferege ahunga Polisi yari imukurikiye nyuma yo gutahura ko yari atwaye magendu ya Caguwa yari akuye Nyabugogo.



Uyu mugabo wahagaritswe na polisi ikorera ku Kinamba cya Muhima yari imuketseho gutwara magendu akanga guhagarara,yataye iyi modoka mu muferege ubwo yananirwaga gukata ikorosi ryo ku ruganda rwa UTEXRWA kuri uyu wa mbere tariki 29 Nyakanga 2019 ahagana saa yine z’igitondo.

Umuvugizi wa Polisi ishinzwe umutekano wo mu muhanda, SSP Ndushabandi Jean Marie Vianney yabwiye abanyamakuru ko uwari utwaye iyo modoka yanze guhagarara ahubwo arirukanka bigaragaza neza ko ibyo yari atwaye byari binyuranyije n’amategeko.

Uyu mugabo ukekwaho gutwara magendu we yahakanye ko ari magendu avuga ko ibyo yari atwaye byasoze, ahubwo avuga ko ari RURA yamuteje Polisi kuko hari ibyangombwa atujuje bimwemerera gukora akazi ko gutwara abagenzi.

Iyi modoka isanzwe ikora akazi ko gutwara abagenzi (Taxi voiture) yahise ikurwa muri uwo muferege mu gihe uwari uyitwaye, utagize icyo aba yahise ajyanwa kuri sitasiyo ya Polisi ya Kacyiru,ibyo yari atwaye bishyikirizwa RURA.

Ikigo cy’Igihugu gishinzwe Imisoro n’Amahoro (RRA) ku wa kane tariki 25 Nyakanga 2019 cyasohoye itangazo rivuga ko mu rwego rwo kurwanya no gukumira ibikorwa bibi bya magendu ikinyabiziga kizafatwa gitwaye ibicuruzwa mu buryo bwa magendu n’ibindi byose bitwawe mu buryo butemewe n’amategeko, ibyo bicuruzwa n’ikinyabiziga kibitwaye bizafatirwa burundu kandi bitezwe cyamunara hakurikijwe amategeko abigenga.

Iryo tangazo kandi rivuga ko by’umwihariko, umushoferi w’icyo kinyabiziga azajya acibwa ihazabu ingana n’ibihumbi bitanu by’amadolari ya Amerika, ni ukuvuga abarirwa muri miliyoni enye n’igice z’amafaranga y’u Rwanda.


Inkuru ya Kigali Today

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble nyasy

    Nibyiza kurwanya magendu kuko igira ingaruka mbi kugihugu, ariko nkibariza akarengane gasigaye gakorerwa abantu mumuhanda gakozwe na police yo mumuhanda kazarwanywa nande koko? Bigeze aho umuntu yumva atagenda mumodoka yiwe kdi atayiburiye amavuta nibyangombwa kubera police yo mumuhanda koko!!

    July 2019
  • chat_bubble gatera

    Nubwo bavuze ngo bazajya baca 5000 USD umuntu wese bazfatana Magendu,ntabwo izacika.Mwibuke ko n’Ibiyobyabwenge nabyo ari Magendu.Buri mwaka,Amerika ishora + 50 Billions/Milliards USD mu kurwanya Drugs ku isi hose,ariko byaranze.Mu bihugu bimwe byo muli Latin America,habayo Companies zitwa Drug Cartels zirusha ingufu National Army and Police.Zifite amato n’indege z’intambara.Iyo hagize umutegetsi ubavuga,baramwica.Niyo mpamvu abategetsi benshi bahitamo gukorana nabo. Niyo Business ya mbere ku isi,kurusha uburaya no kugurisha intwaro. No mu Rwanda ntabwo gucuruza Drugs bishobora gucika.Umuti uzaba uwuhe?Bible itanga igisubizo: Nkuko Imigani 2,imirongo ya 21 na 22 havuga,ku munsi wa nyuma Imana izakura mu isi abantu bose bakora ibyo itubuza,isigaze abantu bayumvira gusa.Niwo muti rukumbi.It is a matter of time.

    July 2019

Inzindi nkuru

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 968 0

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1740 0

Rwanda:Ibihano bihanishwa uwagejeje saa mbili z’ijoro ari mu...

Nyuma yuko guhera kuri uyu wa Mbere taliki ya 04 Gicurasi amategeko ya...
7 May 2020 Yasuwe: 7960 0

Musanze:Imiryango 28 icumbikiwe mu kigo cy’ishuri kubera imvura

Imvura yaguye mu ijoro ryo ku wa gatanu kugeza kuwa Gatandatu mu Ntara...
3 May 2020 Yasuwe: 1248 0

Reba uko gahunda yo gutwara abagenzi iteye mu ntara zose z’u Rwanda no mu...

Minisitiri w’Ubutegetsi bw’Igihugu, Prof Shyaka Anastase, yasobanuye ko...
2 May 2020 Yasuwe: 21694 3

Habayeho impinduka nyinshi kuri gahunda yari isanzweho ya Guma mu Rugo na...

Itangazo ry’ibyemezo by’Inama y’Abaminisitiri idasanzwe yateranye tariki 30...
1 May 2020 Yasuwe: 7270 0