Kigali: Undi muturage yishwe n’ ingona agiye kuvoma amazi ya Nyabarongo, Nyarugenge irizeza abaturage ko iki kibazo kiri hafi gukemuka

Amakuru   Yanditswe na: Nsanzimana Ernest 12 August 2017 Yasuwe: 1763

Tugirimana Jean Pierre uri mu kigero cy’ imyaka 27 wo mu karere ka Nyarugenge mu mujyi wa Kigali yishwe n’ingona yamufatiye mu gishanga cya Nyabarongo ubwo yari agiye kuvoma. Ibi byabaye mugitondo cyo kuri uyu wa Gatandatu tariki 12 Kanama 2017.

Ni mu gihe nta kwezi kurashira undi muturage Nyirampakaniye Sperata w’imyaka 54 nawe wo mu kagari ka Kavumu umurenge wa Mageragere ariwe n’ ingona agiye kuvoma mu gitondo cyo ku wa 23 Nyakanga 2017.

Tugirimana wari ufite umugore n’ abana babiri yariwe n’ ingona ahagana saa kumi n’ ebyiri za mu gitondo.

Umunyamabanganshingwabikorwa w’ Umurenge wa Mageragere Ntirushwa Christophe yavuganye n’ Umuryango ari aho ibi byabereye avuga byababaje bikomeye ubuyobozi bwa Mageragere.

Ubuyobozi bw’ akarere ka Nyarugenge bwatangaje ko bwababajwe no kuba undi muturage yishwe n’ ingona mu gihe kitarenze ukwezi bwizeza abaturage ko bidatinze ikibazo cy’ amazi muri Mageragere kizaba cyakemutse.

Meya wa Nyarugenge Kayisime Nzaramba yagize ati "Iyi nkuru y’umuturage wacu wongeye kuribwa n’ingona yatubabaje cyane kandi turihanganisha Umuryango we.
Iki kibazo cy’amazi ya mageragere guhera mu kwezi kwa Gatandatu twandakiye kugikyemura. Harimo ibice 2 Igice kiri gukorwa na wasac baratangiye, hari abaturage bamaze guhabwa amazi mu gace ko hafi y’ibigega . Ayo mazi azaturuka ku bigega agere kuri gereza iri kavumu. Ubu hamaze kubakwa amavomo 5 kandi igikorwa kirakomeza kugeza harangiye hose. Naho igice cya kabiri ni ahantu umuyoboro wa WASAC utagera, hari Company yitwa water access rwanda bari kubaka boreholes 9 ku nkengero ya nyabarongo yose (akagari ka kavumu, ntungamo n’igice cya runzenze. Nanone akagari ka nyarufunzo ho bamaze kurangiza kuhashyira amavomero. Yose hamwe hamaze kubakwa 3 hasigaye 6. Guha Mageragere yose amazi bitewe nuko igice kinini kitari gifite amazi ntabwo byari gukorwa mu gihe gito kigahita kirangira.Ariko roadmap irahari ku buryo mu gihe cya vuba icyo kibazo cyo kuboma nyabarongo kizaba gikyemutse.

Amwe mu mafoto agaragaza aho igikorwa kigeze:


Ntirushwa uyobora umurenge wa Mageragere yatangarije Umuryango ko ari abaturage nka batandatu bamze kuribwa n’ ingona mu myaka itatu ishize.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble cht

    Ariko meya uhora abeshya abona,abeshya abatagira ubwenge azerekane amazi aba Nyarufunzo.

    3 months ago
  • chat_bubble chani

    Birababaje Ariko uyu muturage agiye birimo gucyemurwa

    Hari
    Igice kiri gukorwa na wasac baratangiye, hari abaturage bamaze guhabwa amazi aturuka ku bigega agere kuri gereza iri kavumu. Ubu hamaze kubakwa amavomo 5 kandi igikorwa kirakomeza kugeza harangiye hose.

    Naho igice cya kabiri ni ahantu umuyoboro wa wasac utagera, hari Company yitwa water access rwanda bari kubaka boreholes 9 ku nkengero ya nyabarongo yose (akagari ka kavumu, ntungamo n’igice cya runzenze.
    Nanone akagari ka nyarufunzo ho bamaze kurangiza kuhashyira amavomero.
    Yose hamwe hamaze kubakwa 3 hasigaye 6.

    Guha Mageragere yose amazi bitewe nuko ari umurenge munini ntibyari guhita birangira Ariko birimo gukorwa

    3 months ago
  • chat_bubble Cloclo

    Nubwo Amazi ataratugeraho neza nkuko tubyifuza ariko turashimira Ubuyobozi bw’Akarere n’Umurenge ingufu bashyira mugucyemura ikibazo Mageragere kuko ubundi hasaga nkahibagiranye. Njye ndumva natwe abaturage dukwiye kumva abantu bakareka gukwepana nabacunga nyabarongo bababuza kuvoma amazi mabi ngo nuko ari hafi, tukavomera ahamaze kubakwa amavomo

    3 months ago
  • chat_bubble Dismas Mukiza

    Uwo muturage wariwe n’ingona kuber’ibyiza n’iterambere twakatajemo yagiye gusigasir’ibyagezweho. Komez’imihigo Rwanda nkunda.

    3 months ago
  • chat_bubble jado

    nonese JMC Nyakabingo, Gatovu na Kankurimba ntihamaze kugera amazi icyo twemera nuko ibice byose bya Kavumu bidafite amazi ariko ibyo birimo gukorwaho kuko naho nkubwira ahageze vuba nahandi azahagera, Ubuyobozi ntago bubeshya kuko hari ibikorwa byinshi cyane birimo gukorwa

    3 months ago
  • chat_bubble jmc

    uyu muyobozi ubeshya ngo abaturage ba kavumu bafite amazi muri m magana atanu!! icyo kiranyagisha ajye abesya abatahazi.mufashe kavumu ibone a
    mazi kuri uyu muyoboro wa gereza.ikinyoma cyanyu turarambiwe!!!

    3 months ago

Inzindi nkuru

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 804 2

Nyarugenge: Abantu 3 bakurikiranyweho ubwambuzi bw’asaga Miliyoni...

Polisi y’u Rwanda mu karere ka Nyarugenge ifunze abagabo batatu bakekwaho...
13 November 2017 Yasuwe: 1523 0

Musanze: Umubyeyi w’ abana bane yakuyemo inda abeshya abaganga ko yagiye mu...

Umubyeyi Twahaye izina rya Mukanama wo mu murenge wa Muko mu karere ka...
13 November 2017 Yasuwe: 2382 0

Bishop Rugagi yashyize hanze amabanga ya Bahati uherutse ku mushinja...

Umupasiteri umaze kwamamara mu Rwanda no hanze yarwo biturutse ku...
11 November 2017 Yasuwe: 3132 0

Imyitozo y’Ingabo z’u Rwanda ubwo zagaragarizaga Perezida Kagame ubuhanga...

Perezida wa Repubulika y’u Rwanda Paul Kagame, kuri uyu wa Gatanu yitabiriye...
11 November 2017 Yasuwe: 4739 0

Bishop Rugagi yatamaje umusaza wamwiyitiriye

Umushumba mukuru w’ itorero Redeemed gospel church Bishop Innocent Rugagi...
11 November 2017 Yasuwe: 2992 0