Kigali:Uyu musore aremera uburyo yapfubuye abagore basaga 100 harimo n’abari barwaye Sida

Amakuru   Yanditswe na: Martin Munezero 18 April 2019 Yasuwe: 10185

Umusore witwa Rugira yemera ko yapfubuye abagore basaga 100 barimo n’abari barwaye Sida ,Gusa ngo nyuma y’aya mabi yose yakoze yaje kwakira inziri y’agakiza arakizwa ubu ni umukirisitu mu idini rya Église Méthodiste Libre.

Umusore witwa Rugira Providence w’imyaka 29 y’amavuko Aganira n’ikinyamakuru Isimbi dukesha iyi nkuru yavuze ko asengera mu itorero rya Église Méthodiste Libre, aracyari ingaragu. Asanga ibyo yakoraga biteye agahinda bikwiye kubera isomo urubyiruko rw’ubu.

Avuga ko nubwo yakuze akunda gukubagana cyane, ingeso ze zo gusambana zatangiye mu cyiciro cya mbere cy’amashuri yisumbuye.

Nyuma ashituwe n’impano yari afite mu mukino wa Basketball yatangiye kujya mu birori bya ‘house party’ aho yigiye kunywa itabi, urumogi…

Ati « Nagize ikigare kibi twagiraga ikintu cyo kunywa itabi n’inzoga ariko njye nkakunda kunywa itabi kuko ntakundaga inzoga, ariko mu rugo batazi ko ndinywa nkabibahisha. Muri ‘house party’ ya mbere nibwo naryamanye n’umukobwa unduta. »

Yakomeje asobanura ko amakosa yakoraga arimo n’ayo yakoreraga mu kigo yigagamo yatumye bamusibiza mu mwaka wa gatanu, akaza gutorerwa kuyobora bagenzi be, bituma noneho atangira gukora amabi atitangira, arimo kujya no mu tubari.

Ati « Umukobwa twabaga twabyinanye mu kabari kumutsukana byabaga byoroshye kuko yabonaga ukuntu igisore kimuhagaze imbere kizi guceza, kivuga indimi neza ati ‘sinkivirire’ tukaba tugiye muri ayo mabi. N’indaya twageze aho turazigura.»

Uyu musore yarangije amashuri noneh ahindura imisatsi, atangira ubupfubuzi, abagore batangira kumugura.

Yagize ati « Iyo usambana cyane ugera aho ukaba nk’igihashyi, ukabikora kugira ngo umubiri utuze ariko nta marangamutima ubifitiye. Umugore nahuye nawe bwa mbere yampaye amafaranga ati nakwishimiye, uko dusambanye akampa ibihumbi ijana udashyizeho itike. »

Rugira Providence ashimangira ko uwo mugore ari we wagiye amurangira bagenzi be, atangira kuba umupfubuzi wabigize umwuga, abimaramo imyaka hafi itatu. Ngo ntashobora kumenya umubare w’abagore yapfubuye.

Ati « Yampayinka ! Ese ubu nababara ra ? Ni abagore ni nka 30, kuko nubwo nabikoraga naratinyaga, ariko abo ni abagore gusa, harimo n’abakobwa 100 bararenga. »

Yabaye n’umutinganyi

Rugira atanga ubuhamya ko hari umusore witwa Basabose Olave w’umutinganyi, bamenyanye muri 2015 binyuze kuri Facebook, icyo gihe uwo musore aba mu Buholandi.

Nyuma yaje mu Rwanda bahurira i Remera baramenyana byimbitse bakajya bavugana, bamaze kuba inshuti, Basabose amusaba ko bagirana amasezerano amuhitishamo hagati yo kuba umugore cyangwa umugabo.

Basabose yashakaga ko Rugira amubera umugabo mu mezi atatu, akazamuhemba amadorali 3000.

Ati « Ndabyibuka ijoro rimwe twasohakanye muri KBC, icyo gihe naryamanye nawe ndamutinga, mureba umugabo, icyo gihe nibwo yambwiye ati ‘wambabariye’ tugashyingirwa amezi atatu. »

Rugira yaje guhakanira Basabose ndetse avuga ko yahise ava mu butinganyi burundu. Yahishuye ko no mu banyamideli bo mu Rwanda harimo abatinganyi benshi.

Uyu musore avuga ko nubwo yakoraga ibibi byinshi, ku cyumweru yajyaga gusenga agamije kuruhuka. Umunsi umwe ngo Imana iramubwira ngo “nutava mu byo urimo uzankorera waracitse akaguru cyangwa akaboko.”

Ahamya ko no mu gihe yabaga ari gukora amarorerwa yumvaga Ijwi ry’Imana. Nyuma yaje kugira impanuka ikomeye atwaye igare avuye gukora amabi akomereka ukuboko ari naho yahindukiye.

Asaba abantu kuzibukira ibyaha burundu, kuko bitesha agaciro ku buryo bukomeye kandi n’amafaranga avamo ntagire icyo amara.

Agira inama urubyiruko ngo rwirinde icyitwa ‘kuryoshya’ kuko bishobora kuzabarimbura.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble NDAGIJIMANA JB

    IMANA YARAKOZE RWOSE YAKUVANYE KURE, GUSA REKA DUKOMEZE KUGUSENGERA NTUZASUBIREYO

    1 month ago
  • chat_bubble manzi

    njye maganatatu bararenga

    1 month ago

Inzindi nkuru

Umuyobozi wa Transparency International Rwanda ntiyumva impamvu WASAC...

Umuyobozi wa Transparency international Rwanda, Ingabire Marie Immaculée...
20 May 2019 Yasuwe: 1952 1

Ange Kagame yasoje ikiciro cya gatatu cya Kaminuza

Ingabire Ange Kagame, umukobwa wa Nyakubahwa Perezida wa Repubulika y’u...
20 May 2019 Yasuwe: 6485 0

Wifashishije Telefone yawe ubu mu Rwanda ushobora kumenya aho umuntu ushaka...

Ikigo cy’Abanyasuwede kitwa ‘Addressya’ cyatangije mu Rwanda ikoranabuhanga...
19 May 2019 Yasuwe: 9881 0

Nsabimana Callixte ‘Sankara’ wigambye ibitero byo muri Nyungwe yeretswe...

Mu gitondo cyo kuri uyu wa Gatanu Taliki ya 17 Gicurasi 2019,nibwo...
17 May 2019 Yasuwe: 7436 2

MINEDUC yafatiye ibyemezo ikibazo cy’abana bajya gushaka ishuri mu bihugu...

Mu rwego rwo gukumira burundu ikibazo cy’abana bambuka umupaka bakajya...
17 May 2019 Yasuwe: 1896 2

U Rwanda rwaje ku mwanya wa 2 nk’ahantu habereye kwakira inama zikomeye muri...

Ishyirahamwe Mpuzamahanga rishinzwe ibyo gutegura Inama zikomeye (ICCA)...
16 May 2019 Yasuwe: 2342 2