Kwanga ivangura n’ amacakubiri bigomba guhera ku buyobozi- Senateri Makuza

Amakuru   Yanditswe na: Nsanzimana Ernest 13 April 2018 Yasuwe: 451

Perezida wa Sena y’ u Rwanda Bernard Makuza yavuze ko Jenoside yakorewe Abatutsi itabaye ku bw’ impanuka ahubwo yateguwe n’ ubuyobozi bubi, avuga ko iyo u Rwanda rugira abanyapolitiki benshi beza nk’ abanze kwifatanya n’ ubutegetsi bwateguye bukanashyira mu bikorwa Jenoside iba itarabayeho yongeraho ko ubuyobozi aribwo bugomba gufata iya mbere mu kwanga ivangura n’ amacakubiri ahubwo bugashyira imbere ubumwe

Bernard Makuza yabitangaje kuri uyu wa Gatanu tariki 13 Mata 2018 mu muhango wo gusoza icyumweru cy’icyunamo no kwibuka abanyapolitiki bishwe muri Jenoside yakorewe Abatutsi, wabereye ku rwibutso rwa Rebero ruri mu Karere ka Kicukiro, ahashyinguye abazize Jenoside barenga 14 000 n’abanyapolitiki 12.

Yagize ati “Kwibuka by’ukuri abanyapolitiki bashyinguye muri uru rwibutso ni ukubafataho urugero twese nk’Abanyarwanda, nk’abanyepolitiki cyangwa se abayobozi mu nzego zitandukanye. Kwanga ivangura byagaragaye kuri aba banyapolitiki tubisanga no mu bindi byiciro by’Abanyarwanda abakuru n’abato.”

Yavuze ko mu kubohora igihugu habayeho ingero nyinshi z’abantu bitanze, kuva ku bato kugeza ku bakuru, abagore n’abagabo, ariko yemeza ko inshingano nkuru zo kwanga ivangura zigomba guhera mu bayobozi.

Senateri Makuza yasobanuye ko Jenoside yakorewe Abatutsi atari impanuka kuko yateguwe kandi igashoboka kubera politiki n’ubuyobozi bubi, yemeza ko abashaka kubigoragoza babivuga ukundi, ukuri kutazahwema kubereka ko guca mu ziko ntigushye.

Yashimangiye ko iyo u Rwanda rugira abanyapolitiki benshi bafite ibitekerezo byo kurwanya ivangura n’amacakubiri nkuko abibukwa uyu munsi bari bameze, Jenoside itari bushoboke.

Yagize ati “Iyo abanyapolitiki nk’aba baba benshi, Jenoside yakorewe Abatutsi ntiba yarabayeho cyangwa se ngo ibe yaragize ubukana ku rwego yakozwemo igahitana abarenga miliyoni.”

Ati “Tugomba kuzirikana ko kwanga ivangura n’amacakubiri no gushyira imbere ubumwe bigomba guhera ku buyobozi n’abayobozi.”

Abanyapolitiki 12 nibo bashyinguwe mu rwibutso rwa Rebero. Bose bazize ko barwanyije bivuye inyuma ivangura rya politiki yavanguraga Abanyarwanda kuva mbere ya Jenoside.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umubyeyi wamamaye nka Sesiliya kubera ikinamico Urunana yitabye...

Joy Penina umugore wubatse amateka akomeye ku bw’ubuhanga bwihariye mu...
16 August 2018 Yasuwe: 3473 0

’Abarimu ntabwo bahembwa, biriya ntabwo ari uguhembwa’ PS Imberakuri

Umuyobozi w’ ishyaka PS Imberakuri ritavuga rumwe n’ ubutegetsi bw’ u Rwanda...
15 August 2018 Yasuwe: 3417 8

Imiti irenga toni imwe yari mububiko bw’abacuruzi yatwitswe

Ikigo cy’Igihugu gishinzwe kubungabunga ibidukikije (REMA), gifatanyije na...
15 August 2018 Yasuwe: 372 0

Kicukiro: Umusore yafashwe agiye kubitsa amafaranga y’ amiganano

Umusore witwa Habarurema Shukuru w’imyaka 30, ukomoka mu karere ka Kicukiro,...
15 August 2018 Yasuwe: 1417 0

Sobanukirwa ibyiciro n’ibirango by’amapeti y’Igisirikare cy’u Rwanda nuko...

Abakunzi b’ikinyamakuru Umuryango.rw, bagiye badusaba ko twazabasobanurira...
14 August 2018 Yasuwe: 6129 3

Ngororero: Abana bavuka ku babyeyi batasezeranye bavutswa uburenganzira...

Bamwe mu bana bo mu murenge wa Kabaya, mu karere ka Ngororero bavutswa...
14 August 2018 Yasuwe: 366 0