LODA yashyikirije Inteko Ishinga Amategeko ibisubizo by’ibibazo byagaragaye mu byiciro by’ubudehe

Amakuru   Yanditswe na: Martin Munezero 23 February 2020 Yasuwe: 1998

Ikigo k’igihugu gishinzwe guteza imbere ibikorwa by’iterambere mu nzego z’ibanze (LODA) kitabye Komisiyo ya Poritiki, Uburinganire n’Ubwuzuzanye bw’Abagabo n’Abagore mu Iterambere ry’Igihugu mu Nteko Ishinga Amategeko Umutwe w’Abadepite, isobanura ibibazo byagaragajwe muri raporo y’Umuvunyi.



Kuwa 21 Gashyantare 2020, nibwo LODA yagaragaje bimwe muri byo, harimo ibijyanye n’ibibazo byagiye bigaragara mu byiciro by’ubudehe.

Nyinawagaga Claudine Marie Solange, Umuyobozi Mukuru wa LODA, yatangaje ko Inteko Ishinga Amategeko Umutwe w’Abadepite muri Komisiyo ya Poritiki, Uburinganire n’Ubwuzuzanye bw’Abagabo n’Abagore mu Iterambere ry’Igihugu ko yari yifuje kumenya aho gahunda yo kuvugurura ubudehe igeze.

Nyinawagaga asobanura ko ikigenderewe ari ugukora ibyiciro by’ubudehe bibasha gusubiza ibibazo byinshi abaturage baba bagaragaje ku byiciro bigenderwaho mu kunoza serivise zihabwa abaturage mu rwego rujyanye no kwita ku batishoboye.



Yagize ati “Izo serivise nk’uko bizwi, hari abaturage bahabwa inkunga y’ingoboka, hari abahabwa imirimo muri VUP, hari n’abandi bahabwa ubundi bufasha mu rwego rwo kugira ngo abaturage bose bagire amahirwe yo kwiteza imbere nta n’umwe usigaye inyuma.

Ikigenderewe ni ukunoza izo serivise hashingiwe ku byo umuntu afite no ku byo adafite. Ni ukuvuga hashingiwe ku mbaraga ze ariko aho adafite intege twamwunganira gute? Ikindi tukanasubiza n’ibibazo byagiye bigaragazwa n’abaturage mu byiciro by’ubudehe”.

Depite Furaha Rubagumya, Perezida wa Komisiyo ya Poritiki, Uburinganire n’Ubwuzuzanye bw’Abagabo n’Abagore mu Iterambere ry’Igihugu, avuga ko hasuzumwe raporo y’Urwego rw’Umuvunyi, kimwe mu bibazo byayigaragayemo ni uko ngo hari ikibazo k’ibyiciro by’ubudehe kigenda kigarukwaho muri iyo raporo.



Yagize ati “Ni ikibazo usanga mu baturage bagenda bavuga bati ikiciro turimo si cyo twakagombye kuba turimo, nta bwo tubona serivise iyi n’iyi kubera iki kibazo gishingiye ku byiciro”.

Depite Rubagumya avuga ko icyo baba bakeneye ari ukumva uko LODA ibona n’uko yumva ibibazo abaturage bafite, bityo hakumvwa n’ingamba LODA ifite kugira ngo uko guhora abaturage bafite ibibazo bijyanye n’ibyiciro by’ubudehe birangire.

Akomeza avuga ko Umuyobozi Mukuru wa LODA yabwiye komisiyo ko ibibazo bihari babizi kandi ko barimo kubikoraho. Yishimira ko LODA yagiye yungurana ibitekerezo n’inzego zitandukanye, uhereye ku baturage ubwabo n’Inzego z’ibanze kugira ngo ibibazo bigaragara mu byiciro by’ubudehe birangire.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Musanze:Abantu 7 bafunzwe bazira kugira akabari urugo muri ibi...

Abantu barindwi bafashwe bifungiranye mu gipangu cy’aho uwitwa Sam Kiruhura,...
30 March 2020 Yasuwe: 2194 0

Gisagara:Nzirorera Emmanuel yatemye umugore we n’umwana ndetse n’umuturanyi...

Mu karere ka Gisagara, umurenge wa Ndora, akagari ka Cyamukuza, mu mudugudu...
29 March 2020 Yasuwe: 3594 0

Covid-19:Abashakanye basabwe kuzirikana gahunda zo kuboneza urubyaro muri...

Minisiteri y’Uburinganire n’Iterambere ry’Umuryango mu Rwanda (MIGEPROF),...
29 March 2020 Yasuwe: 1186 0

Muhanga:Umugabo igikuta cyamugwiriye ahita apfa

Mu Karere ka Muhanga, umugabo witwa Ntwari Jean de Dieu w’imyaka 34...
29 March 2020 Yasuwe: 3463 0

Ibikorwa byo gushakisha abafite aho bahuriye n’abamaze kwandura Coronavirus...

Ibikorwa byo gushakisha abafite aho bahuriye n’abamaze kwandura Coronavirus...
28 March 2020 Yasuwe: 4051 0

Leta izakomeza gukora ibishoboka byose ngo ifashe abanyarwanda muri ibi...

Nyakubahwa perezida wa Repubulika yatangaje ko Leta y’u Rwanda yiteguye...
27 March 2020 Yasuwe: 2086 0