Major Ntuyahaga Bernard woherejwe mu Rwanda n’Ububiligi yishimiye guhura n’umuryango we [AMAFOTO]

Amakuru   Yanditswe na: Dusingizimana Remy 24 December 2018 Yasuwe: 3454

Mu byishimo byinshi, Major Ntuyahaga Bernard yafotowe ari kumwe n’umuryango we nyuma yo koherezwa mu Rwanda n’u Bubiligi bwamuhamije uruhare mu rupfu rw’abasirikare babwo 10 barindaga uwahoze ari Minisitiri w’Intebe, Uwiringiyimana Agathe.

Major Ntuyahaga Bernard wagejejwe mu Rwanda ku wa 21 Ukuboza 2018,yakiriwe n’abagize umuryango we batari baherutse kumuca iryera mu byishimo bikomeye.

Ntuyahaga w’imyaka 66,yashinjwe ko yagambaniye abasirikare 10 b’Ababiligi bari mu butumwa bw’amahoro bw’Umuryango w’Abibumbye mu Rwanda (MINUAR) mu 1994,abavana kwa Uwiringiyimana bari bashinzwe kurinda, abashyikiriza abasirikare bagenzi be muri “Camp Kigali” barabica bituma inkiko zo mu Bubiligi zimukatira igifungo cy’imyaka 20, yarangije mu mezi 6 ashize.

Mukantabana Séraphine, uyobora komisiyo y’Igihugu yo gusezerera no gusubiza mu buzima busanzwe abahoze ari abasirikare yatangarije IGIHE dukesha iyi nkuru ko nyuma yo kumuha akaruhuko no gusura abo mu muryango we, azerekezwa i Mutobo ahatangirwa amasomo ku bahoze ari abasirikare mbere yo gusubizwa mu buzima busanzwe.

Yagize ati “Maj Ntuyahaga yaje nk’uwahoze ari umusirikare, icyo azakora namara kuruhuka ni ukujya i Mutobo, agafashwa gusubira mu buzima busanzwe mu gihe cy’amezi atatu. Twamwakiriye nk’uwahoze mu gisirikare.”

Ntuyahaga yakunze kugaragaza impungenge zo kuzanwa mu Rwanda, avuga ko ubwo yakatirwaga n’Urukiko rwa Bruxelles mu 2007, rwamukuriyeho kurindirwa umutekano nk’uko biteganywa n’amasezerano ya Genève yo mu 1951.

Ntuyahaga yahawe akaruhuko ko gusura abo mu muryango we, nikarangira azerekezwa i Mutobo ahatangirwa amasomo ku bahoze ari abasirikare mbere yo gusubizwa mu buzima busanzwe.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble gatera

    Jyewe icyo nsaba abantu bose,nuko bamenya ubuzima icyo aricyo,bakamenya n’icyo Imana idusaba,bakagikora.Reba uyu mugabo.Yicishije inzira-karengane.Nubwo we atazicwa,ariko murabona ko ashaje,yenda gupfa.Isomo ni irihe?Imana itubuza kwica,kurwana,kwiba,gusambana,kubeshya,etc...Abayumvira,nibo bonyine izazura ku munsi w’imperuka,ikahaba ubuzima bw’iteka nkuko yohana 6 umurongo wa 40 havuga.

    December 2018
  • chat_bubble mvano

    nubwo warangije igihano! nibyiza! kuko wahanwe! ariko ntibizakuraho ko wahemukiye umuryango Nyarwanda! kuko wishe inzirakarengane wica nabari bashizwe kuba batabara inzirakarengane! Isi yarabikubajije ari n’Imana izabikubaze!

    December 2018

Inzindi nkuru

Ange Kagame na Bertrand bakoreye ukwezi kwa buki ’Honeymoon’ muri pariki ya...

Ubwo hari tariki ya 06 /Nyakanga /2019 ku Kimihurura muri IFAK saa yine za...
21 July 2019 Yasuwe: 7109 0

KARONGI:Wa musore w’imyaka 23 wihangiye umuhanda ufite ibirometero 7 ari...

Niringiyimana Emmanuel uvuka mu Murenge wa Murambi Akarere ka Karongi...
21 July 2019 Yasuwe: 5601 0

KAMONYI:Umugabo yakoze amahano ubwo yadukiraga abantu bose yahuraga nabo...

Mu karere ka Kamonyi, mu masaha y’umugoroba wo kuwa Gatanu tariki 19...
21 July 2019 Yasuwe: 1388 0

Ingabire Yvonne umukobwa witinyutse agatwara ibikamyo bivana imizigo ku...

Umunyarwandakazi Ingabire Yvone w’imyaka 28, n’umwe mu bakobwa bitinyutse...
19 July 2019 Yasuwe: 5653 2

Habumuremyi yasobanuye inzira yanyuzemo kugira ngo imodoka imusige nyuma...

Habumuremyi Jean Baptiste bakunze kwita ‘John’ utuye mu Mujyi wa Muhanga mu...
19 July 2019 Yasuwe: 6973 2

Perezida Kagame yifatanyije n’umuryango wa senateri Bishagara washyinguwe...

Nyakubahwa perezida wa Repubulika Paul Kagame yifatanyije n’umuryango wa...
19 July 2019 Yasuwe: 5213 0