Masudi Djuma yagizwe umutoza mushya wa Bugesera FC

Amakuru   Yanditswe na: Dusingizimana Remy 12 November 2019 Yasuwe: 898

Ubuyobozi bw’ikipe ya Bugesera bwamaze kumvikana n’uwahoze ari umutoza wa Rayon Sports na AS Kigali,Masudi Djuma ko ababera umutoza kugeza uyu mwaka w’imikino urangiye.



Masudi Djuma yagizwe umutoza mukuru w’iyi kipe iherutse kwirukana Bisengimana Justin mu cyumweru gishize kubera umusaruro muke.

Nkuko umuyobozi wa Bugesera FC Gahigi Jean Claude yabitangarije abafatanyabikorwa ba Bugesera FC, Irambona Masudi Djuma yagizwe umutoza mukuru w’iyi kipe ugiye gusimbura Bisengimana Justin uheruka gusezererwa kubera umusaruro muke.

Gahigi yagize ati: “Nyuma yo kutumvikana na Karekezi Olivier twegereye abandi batoza barimo Masudi Djuma twumvikanye. Biteganyijwe ko akoresha imyitozo ya mbere kuri uyu wa kabiri mu gitondo.”

Masudi Djuma ni inararibonye mu mupira w’amaguru mu Rwanda kuko Rayon Sports yabereye umutoza mukuru bwa mbere guhera muri Gashyantare 2016,yayihesheje igikombe cya shampiyona ya 2016/17 n’igikombe cy’Amahoro cya 2016.

Masudi Djuma aje muri Bugesera FC nyuma y’aho yaherukaga gutandukana na AS Kigalii yamazemo amezi atandatu guhera mu Ukwakira 2018. Mu mikino 22 yatoje AS Kigali , yatsinzemo imikino 7, anganya 8, atsindwa 7.

Masudi Djuma yageze mu Rwanda mu 1998, akinira APR FC imyaka ibiri mbere yo kwerekeza muri Kiyovu Sports.

Mu 2003 nibwo yerekeje muri Rayon Sports maze mu 2004 ayifasha gutwara shampiyona ubwo yatozwaga na Kayiranga Baptiste, nyuma ava muri iyi kipe yerekeza mu gihugu cya Seychelles mbere yo kugaruka mu bururu n’umweru mu 2006, agakina umwaka umwe.

Masudi Djuma yaretse gukina ruhago mu 2010 mu ikipe ya Inter Stars, agana mu butoza aho kugeza ubu afite Licence B ya CAF yabonye mu 2013.

Bugesera FC iri ku mwanya wa 12 n’amanota 8 n’umwenda w’ibitego 2 mu mikino 8 ya shampiyona ishize ariyo mpamvu yazanye Masudi Djuma kugira ngo ayifashe kugaruka mu myanya myiza.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Dr Donald Kaberuka yahawe imirimo mishya

Kuri uyu wa Gatanu taliki ya 6 Ukuboza 2019,inteko rusange y’ umuryango w’...
7 December 2019 Yasuwe: 3119 0

Karongi:Basabose Pierre yakubise ishoka Gitifu mu mutwe

Umuturage witwa Basabose Pierre wo mu mudugudu wa Gafuruguto, Akagari ka...
7 December 2019 Yasuwe: 6518 2

Uwanyirigira Marie Chantal yatorewe kuyobora akarere ka Burera

Yasimbuye kuri uyu mwanya Uwambajemariya Florence wagizwe Umunyamabanga...
6 December 2019 Yasuwe: 2271 0

Abadepite mu Nteko Ishinga Amategeko y’u Rwanda bagiye kwegera abaturage mu...

Abadepite mu Nteko Ishinga Amategeko y’u Rwanda bagiye kwegera abaturage mu...
6 December 2019 Yasuwe: 557 0

Rusizi: Umukecuru yateye imboga nyinshi kugira ngo ajye aziha abaturanyi be...

Umukecuru witwa Mukangwije Thacienne ukomoka mu karere ka Rusizi mu...
4 December 2019 Yasuwe: 3775 1

Guciririkanwa n’umumotari muri 2020 bizaba ari amateka

Kuri uyu wa Mbere tariki 2 Ukuboza i Kigali ,ikigo cy’ikoranabuhanga cyo...
4 December 2019 Yasuwe: 1654 0