Meddy yahishuye ikintu gikomeye Mama we ahora amuhatira ubwo yanamugaragazaga nk’umuntu ntagereranywa[AMAFOTO]

Amakuru   Yanditswe na: Martin Munezero 29 April 2019 Yasuwe: 2542

Umuhanzi nyarwanda Meddy ukorera umuziki i Texas muri Amerika, yatatse anashima umubyeyi we mu buryo bwihariye anahishura ikintu gikomeye ahora amuhatira, amugaragaza nk’umuntu ntagereranywa.

Meddy yanditse amagambo ajya gusa nk’umuvugo ku ifoto y’umubyeyi we Cyabukombe Alphonsine yashyize kuri Instagram. Yamushimye byihariye, yamugaragaje nk’umuntu wicisha bugufi kandi urangwa n’urukundo.

Yanditse agira ati: “Mama arihangana, Mama ariyoroshya, Mama agira urukundo, Mama ntajya agira inzigo. Iteka icyo ahora yifuza ni uko wamwemerera akagukundwakaza, gusubiza ubutumwa bugufi yandika, kumwitaba igihe ahamagaye.”

Meddy yongeyeho ko mu bintu bikomeye nyina ahora amuhatira, amwibutsa mu biganiro bagirana amubwira ko agomba gushyira isengesho imbere.

Ati “Ikintu cya mbere na nyuma akunda kumbwira, ni ukutazigera mpagarika gusenga.”

Mu buryo bwo gutebya, Meddy yavuze ko umubyeyi we aba kuri Instagram ariko ko kugeza ubu atazi amazina akoresha. Ati “Wagira ngo aba akeka ko nzamu-blocka (ibi nabikora ariko mu kinyabupfura…) n’ibi nanditse araza kubibona ahite anyandikira kuri WhatsApp ko yabibonye […] Ndagukunda Mama.”

Meddy wavukiye i Bujumbura mu Burundi, ni mwene Sindayihebura Alphonse na Cyabukombe Alphonsine akaba umwana wa kabiri mu muryango w’abana bane, abahungu babiri n’abakobwa babiri.

Meddy ni kenshi yagiye avuga ko yatangiye umuziki akiri muto nyuma y’uko nyina umubyara yakundaga kumwigisha gucuranga indirimbo za Bob Marley by’umwihariko iyitwa Redemption song.

Ababyeyi b’uyu muhanzi ngo na bo bari abanyamuziki, se yari umucuranzi ukomeye wa gitari gusa uyu musore ntiyagize amahirwe yo kumubona amaso ku yandi kuko yitabye Imana Meddy akiri muto cyane.

Nyina na we wakundaga umuziki cyane yatoje umwana we gucuranga ndetse amwinjiza muri Korali ari naho kwiyumvamo ubuhanzi byatangiriye.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nsabimana Callixte ‘Sankara’ wigambye ibitero byo muri Nyungwe yeretswe...

Mu gitondo cyo kuri uyu wa Gatanu Taliki ya 17 Gicurasi 2019,nibwo...
17 May 2019 Yasuwe: 7106 2

MINEDUC yafatiye ibyemezo ikibazo cy’abana bajya gushaka ishuri mu bihugu...

Mu rwego rwo gukumira burundu ikibazo cy’abana bambuka umupaka bakajya...
17 May 2019 Yasuwe: 1693 2

U Rwanda rwaje ku mwanya wa 2 nk’ahantu habereye kwakira inama zikomeye muri...

Ishyirahamwe Mpuzamahanga rishinzwe ibyo gutegura Inama zikomeye (ICCA)...
16 May 2019 Yasuwe: 2190 2

Kigali: Umugabo yatashye yasinze agwira umwana we w’uruhinja...

Umugabo utuye mu mudugudu wa Kabuye,Akagari ka Kagunga, mu murenge wa...
16 May 2019 Yasuwe: 3499 0

Menya byinshi ku Cyogajuru cya mbere cyakozwe n’abanyarwanda cyamuritswe mu...

Rwasat-1 ni icyogajuru cya mbere gikozwe bigizwemo uruhare n’abanyarwanda...
15 May 2019 Yasuwe: 1918 1

Robot yitwa Sophia yatangaje benshi kubera imbwirwaruhame yatanze muri...

Imashini kabuhariwe ifite ubwenge budasanzwe yitwa “Sophia”,yashimishije...
15 May 2019 Yasuwe: 3205 0