addresiya
startimes

Menya byinshi ku Cyogajuru cya mbere cyakozwe n’abanyarwanda cyamuritswe mu nama ya Transform Africa

Amakuru   Yanditswe na: Martin Munezero 15 May 2019 Yasuwe: 2029

Rwasat-1 ni icyogajuru cya mbere gikozwe bigizwemo uruhare n’abanyarwanda kizifashishwa mu bikorwa by’ubuhinzi mu Rwanda.



Iki cyogajuru cyamaze kurangira cyerekanwe mu imurika ry’ibikorwa by’ikoranabuhanga muri Kigali Convention Centre ahari kubera inama y’Ihuriro Nyafurika ryiga ku mpinduka z’Umugabane wa Africa rishingiye ku ikoranabuhanga (Transform Africa Summit)

Rwasat-1 icyogajuru cyararangiye bigizwemo uruhare n’Abanyarwanda bafashijwe na Kaminuza ya Tokyo, mu kwezi k’ Ukuboza 2018 abanyarwanda batatu bagiye mu Buyapani gukora kuri uyu mushinga ndetse no guhaha ubumenyi bwazabafasha mu gihe kiri imbere gukora icyabo ndetse no kuba babasha gukemura ikibazo ‘RWASAT-1’ yahura nabyo nyuma kimaze koherezwa mu isanzure.

Biteganyijwe ko u Rwanda ruzohereza mu isanzure icyogajuru cya mbere gikozwe n’abanyarwanda mu mpeshyi z’uyu mwaka ,Ni nyuma y’uko hari hashize igihe kigera ku mezi abiri bitangajwe ko ruri mu bufatanye na Kaminuza ya Tokyo yo mu Buyapani mu kugitunganya.

Iki cyogajuru cyakozwe bigizwemo uruhare n’Urwego Ngenzuramikorere, RURA, Gifite ibiro 3.8, mu minsi ya vuba kizashyikirizwa Ikigo cy’u Buyapani gishinzwe iby’isanzure, JAXA, ari nayo izakijyana kuri Sitasiyo icunga ikirere mbere yo koherezwa mu isanzure.

Rwasat-1 ni icyogajuru gifite ubushobozi bwo kwitegereza mu bice bitandukanye cyifashishije camera ebyiri zacyo, zishobora gufata amafoto yo ku butaka bw’u Rwanda mu buryo butandukanye.

iki cyogajuru gifite inshingano ebyiri z’ingenzi.

Imwe ni ugufata amakuru avuye hasi ku butaka. Gikoranye ubushobozi buhambaye bukibashisha gufata amakuru kikayohereza ku cyogajuru ku buryo cyayakura n’ahantu bigoye nk’ahadashobora kuboneka itumanaho rya telefoni.

Kugira ngo aya makuru abashe kuboneka, gikoranye akuma gato cyane gafite ubushobozi buhambaye gashobora nko gupima ingano y’amazi mu butaka, ubushyuhe, ubuhehere n’ibindi bipimo bijyanye n’imiterere y’ibihe.

Abagikoresha bashobora guhuza ibyo bipimo byose, bigahurizwa muri ka kuma mbere yo koherezwa ku cyogajuru kandi cyifashishije ubushobozi buke [weak signal] mu by’itumanaho.

Iyi Rwasat-1 ni icyogajuru cya mbere gikozwe bigizwemo uruhare n’abanyarwanda kizifashishwa mu bikorwa by’ubuhinzi mu Rwanda cyamurikiw i Kigali mu nama y’Ihuriro Nyafurika ryiga ku mpinduka z’Umugabane wa Africa rishingiye ku ikoranabuhanga (Transform Africa Summit).

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble fff

    Nta cyogajuru cyakorerwa mu Rwanda. na phone zarabananiye

    May 2019

Inzindi nkuru

Moto zitubahirije amabwiriza yo kurwanya Coronavurus zatangiye gupakirwa no...

Mu gitondo cyo kuri uyu wa Gatatu, tariki ya 3 Kamena 2020, ni bwo umunsi...
4 June 2020 Yasuwe: 1910 0

Umunyamakuru Micomyiza yanenze abakwirakwije akadomo kashyizwe ku rukuta...

Umunyamakuru wamamye mu bitangazamakuru bitandukanye byo mu Rwanda witwa...
31 May 2020 Yasuwe: 6941 0

U Rwanda na Amerika byashimangiye ubufatanye mu bya Gisirikare[AMAFOTO]

U Rwanda na Leta zunze ubumwe za Amerika byashyize umukono ku masezerano...
29 May 2020 Yasuwe: 2178 0

Ba Gitifu na Dasso baherutse kugaragara mu mashusho bakubita abaturage...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
29 May 2020 Yasuwe: 899 0

Umunyarwanda Mpfizi yagiye mu marushanwa yo gukina Filimi z’urukozasoni...

Amazina ye ni Ngundu mu rurimi rw’ikigande,mu kinyarwanda rikaba risobanuye...
28 May 2020 Yasuwe: 21086 3

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 1052 0