MINEDUC yafatiye ibyemezo ikibazo cy’abana bajya gushaka ishuri mu bihugu by’abaturanyi

Amakuru   Yanditswe na: Martin Munezero 17 May 2019 Yasuwe: 2071

Mu rwego rwo gukumira burundu ikibazo cy’abana bambuka umupaka bakajya gushaka amashuri mu bihugu by’abaturanyi,Minisitiri w’Uburezi, Dr. Eugène Mutimura, yatangaje ko hagiye gufatwa ingamba nshya zo kongera amashuri muri utwo duce.

Yabitangaje kuri uyu wa 14 Gicurasi 2019, ubwo we n’abayobozi b’ibigo bishamikiye kuri iyi Minisiteri bagezaga kuri Komisiyo y’Ingengo y’Imari n’Umutungo by’Igihugu, umushinga w’ingengo y’imari ya 2019/2020.

Mu mwiherero wa 16 w’abayobozi, Perezida Kagame yakomoje ku bana usanga bajya kwisiramuza muri Uganda, kandi n’uburyo bwifashisha impeta mu gusiramura bwaravumburiwe mu Rwanda.

Umukuru w’Igihugu yongeye kugaruka kuri iki kibazo ubwo yari mu ruzinduko mu Karere ka Burera mu cyumweru gishize, aho yavuze ko bitumvikana uburyo usanga hari serivisi abaturage bajya gushaka mu bihugu by’abaturanyi kandi mu Rwanda hari ubushobozi ku buryo bazihabonera.

Kuri uyu wa Kabiri Abadepite babajije Minisitiri w’Uburezi niba hari ingamba bafite ku guca burundu ikibazo cy’abana b’Abanyarwanda bambuka imipaka bajya kwiga mu mashuri y’ibihugu duturanye.

Depite Basigayabo Marceline yabajije niba “Hari gahunda yo kubaka ibyumba by’amashuri by’umwihariko mu turere duhana imbibi n’ibihugu duturanye”.

Minisitiri Mutimura yashimangiye ko bashyize imbaraga mu kubaka ibyumba by’amashuri no gushyiraho uburyo buzafasha abanyeshuri bajyaga kwiga mu mashuri y’ibihugu bituranye n’u Rwanda.

Yagize ati “Aha niho twashyize imbaraga cyane mu turere twa Gisagara, Gicumbi, Burera, Nyagatare n’ahandi ndetse ahenshi ibyumba by’amashuri byararangiye.”

Yakomeje agira ati “Ni igikorwa twatangiye mbere ku buryo dufite icyizere ko nta bana bacu bazongera kujya kwiga hanze y’igihugu ndetse hari n’izindi gahunda turateganya gushyiraho.”

Minisitiri Mutimura kandi yavuze ko mu rwego rwo gukomeza guteza imbere ireme ry’uburezi no kurwanya ubucucike mu mashuri hazubakwa ibyumba bishya by’amashuri 1150 mu mwaka w’ingengo y’imari wa 2019/2020.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble byringiro donatien

    Kabisa iyo gahunda niza cyane.

    3 months ago
  • chat_bubble papa

    Ikibazo si amashuri ikibazo ni Irene ryuburezi

    3 months ago

Inzindi nkuru

Huye:Ivatiri yarenze umuhanda igeze ku mukobwa mwiza abantu 4 bane...

Ivatiri yerekeza I Huye yakoreye impanuka mu murenge wa Mbazi ahazwi nko...
24 August 2019 Yasuwe: 5866 0

Nyamasheke: Ikamyo yo mu Burundi yakoze impanuka ica ukuguru umuntu wari...

Kuri uyu wa Gatanu, taliki 23 Kanama, 2019 saa kumi z’umugoroba, ikamyo...
24 August 2019 Yasuwe: 2053 0

Kamonyi : Ikamyo itwara umucanga yagonzwe na Hiace abantu 18...

Ku mugoroba wo kuri uyu wa Gatanu taliki ya 23 Kanama 2019,imodoka yo mu...
24 August 2019 Yasuwe: 2913 0

GISENYI:Abaturage babangamiye icyemezo cy’umuhesha w’inkiko cyo gusenyera...

Abaturage bo mu Kagari ka Bugoyi mu Murenge wa Gisenyi babangamiye icyemezo...
23 August 2019 Yasuwe: 2977 0

RUSIZI:Kamuzizi yafashe icyemezo cyo gutwika diplome ye abitewe n’itorero...

Umugabo witwa Kamuzinzi Daniel wo murenge wa Bugarama mu karere ka Rusizi,...
23 August 2019 Yasuwe: 4187 0

Urukiko rwanze kurekura ba banya Kenya bakurikiranyweho kubeshya urubyiruko...

Urukiko rw’ibanze rwa Kagamara ruherereye mu karere ka Kicukiro rwategetse...
23 August 2019 Yasuwe: 596 0