Minisitiri Busingye yanyomoje abavuze ko u Rwanda rwaciye Igifaransa

Amakuru   Yanditswe na: Nsanzimana Ernest 25 October 2018 Yasuwe: 543

Minisitiri w’ Ubutabera akaba n’ intumwa nkuru ya Leta Johnston Busingye yavuze ko abavuze ko u Rwanda rwaciye ururimi rw’ Igifaransa babivuze kubera impamvu ariko atariko kuri.

Mu kiganiro n’ abanyamakuru cyabaye kuri uyu wa 25 Ukwakira 2018, kibanze ku myanzuro y’ inama y’ abaminisitiri, Minisitiri Busingye yakomoje ku mwanzuro wo kongerera imbaraga ururimi rw’ Igifaransa.

Busingye yavuze ko u Rwanda rutaciye Igifaransa nk’ uko byatangajwe mu binyamakuru mpuzamahanga ko ahubwo ibyabaye ari ukongerera imbaraga mu ururimi rw’ Icyongereza.

Yagize ati “(Ururimi rw’ Igifaransa) ntaho rwagiye, ntabwo rwatawe, icyabaye ururimi rw’ Icyongereza rwahawe imbaraga rurazamuka, rwari nko kuro 0 byari ngombwa ko rushyirwamo imbaraga”

Uretse u Burundi na Repubulika ya Demukarasi ya Kongo ibihugu bituranye n’ u Rwanda aribyo Uganda , na Tanzania bikoresha ururimi rw’ Icyongereza, ibi nibyo Busingye avuga ko biri mu byashingiweho n’ u Rwanda mukongerera imbaraga Icyongereza.

Minisitiri Busingye yavuze ko abavuze ko u Rwanda rwaciye Igifaransa babivuze ubwo Mushikiwabo Louise yiyamamarizaga kuyobora Umuryngo w’ ibihugu bikoresha Igifaransa ngo byari bigamije guhanganira amajwi.

U Rwanda rwongereye ingufu mu ikoreshwa ry’ Igifaransa nk’ uko byatangajwe mu myanzuro y’ inama y’ abaminisitiri yo ku wa 24 Ukwakira 2018. Ni nyuma yaho Louise Mushikiwabo atorewe kuba Umunyamabanga Mukuru wa Francophonie.

Imwe mu ntego za Louise Mushikiwabo ni ukongerera ingufu ururimi rw’ Igifaransa rugakoreshwa mu nzego zose zirimo ingendo, uburezi, ubuzima n’ izindi.

Minisitiri Busingye yavuze ko Minisiteri y’ uburezi mu Rwanda izareba uko ururimi rw’ Igifaransa rwongererwa agaciro.

Yagize ati “Aho izi ndimi tugomba kuzikoresha mu kuvuga, mu kwandika. Ntabwo dufite igipimo cy’ uko rwagiye hasi. Mu mashuri rugomba gukoreshwa nk’ uko izindi ndimi zikoreshwa”

Minisitiri Busingye yavuze ko ururimi rw’ Igifaransa rutigeze rusinzira ngo nta nubwo ruzasinzira n’ igihe Mushikiwabo azaba atakiri Umunyamabanga wa Francophonie

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Kagame yatembereje Sheikh Tamim Bin Hamad Al Thani wa Qatar muri...

Nyakubahwa Perezida wa Repubulika y’u Rwanda,Paul Kagame yagiye gutembereza...
22 April 2019 Yasuwe: 4056 0

Ubufaransa bwatangarije abaturage babwo ahantu 3 bagomba kwirinda gusura mu...

Igihugu cy’Ubufaransa cyabwiye abaturage babwo ko abateganya gusura u Rwanda...
22 April 2019 Yasuwe: 8712 0

Amafoto y’umunsi: Perezida Kagame yakiriye mu buryo budasanzwe umuyobozi...

Ku munsi w’ejo taliki ya 21 Mata 2019 nibwo Nyakubahwa perezida wa...
22 April 2019 Yasuwe: 7162 0

RUHANGO:Umukecuru wahaswe imiti igabanya ubukana bwa SIDA atayirwaye ubu...

Nirere Venantie, ni umukecuru w’imyaka 83 y’amavuko kuko yavutse mu 1936....
20 April 2019 Yasuwe: 2896 0

Joy umufana wa Rayon Sports avuga kuri Kimenyi na Kevin bandagajwe...

Mukeshimana Joy, umukobwa uri mu bakunzi b’imena ba Rayon Sports, yanenze mu...
20 April 2019 Yasuwe: 6077 1

Imirambo y’Abakongomani barohamye mu bwato muri Kongo yabonetse mu...

Imirambo y’abantu 11 baherutse kuburirwa irengero nyuma yo kurohama k’ubwato...
20 April 2019 Yasuwe: 2337 0