Minisitiri Gashumba yasuye imipaka ihuza u Rwanda na RDC nyuma yo kumva ko Ebola yageze I Goma [AMAFOTO]

Amakuru   Yanditswe na: Dusingizimana Remy 15 July 2019 Yasuwe: 2632

Minisitiri w’ubuzima, Dr Diane Gashumba, yasuye imipaka ibiri, umuto n’umunini ihuza u Rwanda na Repubulika iharanira demokarasi ya Kongo (DRC) mu rwego rwo kureba uko bapima ibimenyetso by’icyorezo cya Ebola, nyuma yaho igaragaye i Goma, umugi uturanye n’uwa Gisenyi mu karere ka Rubavu.

Nkuko ibinyamakuru bikomeye ku isi birimo Reuters,BBC n’ibindi byabitangaje, ejo ku cyumweru taliki ya 14 Nyakanga 2019, nibwo umupasiteri yasuzumwe bagasanga afite indwara ya Ebola yari avanye ahitwa i Butembo haherereye kuri kilometero 200 uvuye i Goma.

Uyu mupasiteri waje mu modoka itwara abagenzi,yarapimwe bamusangana ebola bahita bamusubiza i Butembo, naho abamwegereye n’abamukozeho bose bashyirwa mu kato ngo basuzumwe barebe niba batanduye.

Ministre w’ubuzima Dr Diane Gashumba arasaba abanyarwanda kwirinda kujya mu mujyi wa Goma, nyuma yaho hagaragaye umuntu urwaye Ebola, akemeza ko u Rwanda rutari bufunge umupaka,uhubwo ko nabambutse bakajyayo bagomba kwitwararika banoza isuku cyane cyane bakaraba intoki kugirango birinde.

Yagize ati "Ntabwo twavuga ngo dufunze imipaka, ariko ntabwo twabura kubwira umuntu ngo niba uziko hariya hari icyorezo wijyayo".

Ebola yandura iyo umuntu akoranyeho n’inyamaswa cyangwa umuntu uyirwaye, cyangwa akoze ku murambo w’uwo yishe.Ebola yandura vuba cyane kuko amatembabuzi yose kandi macye y’uyirwaye ashobora kwanduza utayirwaye uyakozeho.



Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rusizi: Gitifu w’akagari n’umuyobozi wa DASSO babatawe muri yombi bazira...

Umunyamabanga Nshingwabikorwa w’Agateganyo w’Akagari ka Hangabashi mu Karere...
19 October 2019 Yasuwe: 4055 0

Umubiri wa nyakwigendera Brig. Gen. Andrew Rwigamba wagejejwe mu...

Ku isaha ya saa Saba z’ijoro ryakeye nibwo umubiri wa nyakwigendera Brig...
19 October 2019 Yasuwe: 3216 1

Nyagatare: Umwarimu muri kaminuza yatawe muri yombi akekwaho gusambanya...

Umwarimu wigisha muri Kaminuza y’u Rwanda ishami rya Nyagatare ukomoka muri...
19 October 2019 Yasuwe: 2735 1

Nyiri Televiziyo ya Goodrich yaburiwe irengero ari guhigwa bukware

Dr Francis Habumugisha uregwa gukubitira umukobwa mu ruhame, akomeje...
19 October 2019 Yasuwe: 5910 0

Umufasha wa Ben Rutabana yahakanye ibaruwa imaze iminsi icicikana mu...

Umufasha wa Benjamin Rutabana yahakanye ibaruwa imaze iminsi icicikana mu...
19 October 2019 Yasuwe: 4005 0

Ben Rutabana wari waraburiwe irengero amaze ukwezi mu gihugu cya...

Amakuru mashya yagiye hanze, ahamya ko Ben Rutabana ari muri Uganda kuva mu...
19 October 2019 Yasuwe: 12507 0