Minisitiri Kaboneka na Minisitiri Busingye basanze Gicumbi isinziriye

Amakuru   Yanditswe na: Nsanzimana Ernest 20 September 2017 Yasuwe: 2191

Minisitiri w’ ubutegetsi bw’ igihugu Francis Kaboneka na Minisitiri y’ ubutabera akaba n’ intumwa nkuru ya Leta basuye akarere ka Gicumbi basanga ishoramari mu mugi wa Gicumbi risinziriye.

Ni mu nama yabaye kuri uyu wa Kabiri tariki 19 Nzeli 2017 igamije gusuzumira hamwe amahirwe ari mu karere ashobora gukurura ishoramari bareba n’ibimaze gukorwa mu kuvugurura umujyi wa Gicumbi n’ishoramari muri rusange.

Iyi nama mpuzabikorwa ku iterambere ry’ akarere ka Gicumbi yitabiriwe n’ abafatanyabikorwa b’ akarere na guverineri w’ intara y’ Amajyaruguru Jean Marie Vianney Gatabazi.

Minisitri Kaboneka yasabye akarere ka Gicumbi kuvugurura imiturire anabashishikarize gukorerahamwe nk’ inzira y’ iterambere.

Yagize ati “Tugomba kurwanya akajagari mu miturire, kuko biri mu nyungu zacu n’abazadukomokaho. Ni cyo tubereyeho. Turifuza ko Gicumbi itera imbere. Turabasaba tubashishikariza kwiteza imbere, mwishyize hamwe, mufatanyije. Dufatanye”

Minisitiri Kaboneka yasabye abanyagicumbi kurwanya abarembetsi bacuruza ibiyobyabwenge, ahubwo bagaharanira ishoramari n’iterambere rirambye.

Umuvugizi wa Minisiteri y’ ubutegetsi bw’ igihugu Ladislas Ngendahimana yatangarije Umuryango ko aba ba Minisitiri n’ abari muri iyi nama nyuma yo gusanga aka karere katihuta mu iterambere n’ ishoramari hashyizweho komisiyo ishinzwe gucukumbira ibidindiza ishoramari n’ iterambere ry’ aka karere.

Ngendahimana avuga ko mu byumweru bibiri biri imbere iyi komisiyo izamurika raporo igaragaza ibidindiza ishoramari n’ iterambere bya Gicumbi.

Nubwo iyi nama yagaragaje ko Gicumbi isinziriye mu ishoramari n’ iterambere aka karere niko kabaye aka kabiri mu kwesa imihigo mu mwaka wa 2015/ 2016. Gicumbi yagize amanota 80,3% Gasabo ya mbere igira 81, 6% naho Musanze ya 30 igira 70,37%.


Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Tayifa

    Byaba bibabaje kuba waba uwa mbere umwaka umwe ikurikiyeho ukaba uwanyuma,niba Gicumbi yarabaye iyakabiri mu mihigo niyongere ikanguke idashiduka yasigaye inyuma, irwanye ibiyobyabwenge biboneka muri kariya gace.

    4 months ago

Inzindi nkuru

Perezida Zuma bamwokeje igitutu ati ‘ntacyo nakoze gituma munyirukana shishi...

None tariki 14 Gashyantare 2018 byari byitezwe ko Perezida Jacob Zuma wa...
14 February 2018 Yasuwe: 477 0

Rusizi: Abantu 20 bafunzwe bakekwaho kuroga harimo uvugwaho kwihindura...

Abaturage barimo abagore n’abagabo bo mu midugudu itanu y’akagari ka Mpinga...
10 February 2018 Yasuwe: 2506 4

Umunya- Canada yitabye Imana bitunguranye avuye gusura ingagi mu...

Umukerarugendo James Trevor wari uvuye mu Birunga yafashwe n’ uburwayi bwo...
9 February 2018 Yasuwe: 3881 0

Pasiteri Mpyisi yasabye Niyibikora wibasiye abagore kumwegera...

Ezira Mpyisi, umupasiteri akaba n’ inararibonye yavuze ko kugereranya...
8 February 2018 Yasuwe: 6332 0

Canada: Abanyarwanda babiri barashwe

Umusore n’ inkumi bombi b’ Abanyarwanda bari mu bantu batatu barimo barasiwe...
6 February 2018 Yasuwe: 3962 1

Gatsibo: Abarwayi bitwaza amazi bagiye kwa muganga

Abaturage bivuriza ku kigo nderabuzima cya Bugarura cyo mu murenge wa...
4 February 2018 Yasuwe: 706 1