Minisitiri Nduhungirehe yatangaje ibintu 3 u Rwanda rwifuza ku byerekeye umubano wa Uganda

Amakuru   Yanditswe na: Dusingizimana Remy 16 March 2019 Yasuwe: 3357

Umunyamabanga wa Leta muri Minisiteri y’ububanyi n’amahanga,Amb.Nduhungirehe Olivier, yatangaje ko nyakubahwa perezida wa Repubulika yababwiye ibintu 3 bifuza ku mubano w’u Rwanda na Uganda aho rwifuza kuba inshuti ya Uganda ariko niyibeshya igahungabanya umutekano warwo bazayitegura.

Amb.Nduhungirehe Olivier yabwiye Radio Flash mu gitondo cyo kuri uyu wa Gatanu taliki ya 15 Werurwe 2019, ko Perezida Kagame yababwiye ibintu 3 ko u Rwanda rwifuza kuba inshuti na Uganda itabishaka buri wese agaca ukwe ariko nishaka guhungabanya umutekano w’igihugu,bazabitegura neza.

Nduhungirehe yagize ati “Ibintu twarabisobanuye ndetse na Perezida Kagame yabigarutseho mu mwiherero.Twebwe icyo twifuza n’ukuba inshuti na Uganda kuko Abagande bari mu miryango yacu twarabanye turahahirana.

Hari ibintu 3 perezida Kagame yavuze mu mwiherero.Icya kabiri,niba Abagande batifuza kuba inshuti natwe nta kibazo,bazabeho ukwabo natwe tubeho ukwacu buri muntu akomeze ubuzima bwe.Icya gatatu,niba abayobozi ba Uganda bavuga ko batwanga bifuza guhungabanya umutekano wacu,twebwe tuzabitegura.Ntawe tuzendereza ariko tuzabitegura.Perezida yarangije umwiherero avuga ati “Abanyarwanda baryame basinzire kuko u Rwanda rurarinzwe.Twebwe tuzongera ubushobozi bwacu turinde umutekano w’u Rwanda n’abanyarwanda.”

Minisitiri Nduhungirehe Olivier yavuze ko nta muhuza u Rwanda rukeneye kugira ngo abahuze na Uganda, ahubwo ikwiriye kuva ku izima igakemura ibibazo 3 bayishinja birimo gutoteza abanyarwanda bajyayo n’ababayo,gukorana n’imitwe ishaka guhungabanya umutekano w’u Rwanda ndetse no kubangamira abacuruzi b’Abanyarwanda bakorera muri Uganda.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble

    Ako kantu pe!!! Ako kantu!! Ni abavandimwe bacu nta mpamvu yo kubanga rwose, kuko baradukeneye natwe turabakeneye, turabakunda; ariko niba badashyigikiye ko tubana neza nta ribi!! Babeho natwe tubeho.

    Nubundi iyo amazi akubwiye ngo mvaho, nawe uyasubiza ko nta mbyiro ufite!! Gusa basitureteye kelele!! Kuko bibeshye gato Ni imiguruko.

    Bavandi mbabwire ukuri, nabo ubwabo barabizi cyane ko bitabagwa amahoro. Icyo nzi cyo batungurwa kuko batuzi igice, nta Makuru bafite !!!

    4 months ago

Inzindi nkuru

Kayonza: Indi modoka ya Coaster yaguye mu manga ihitana abantu...

Ku munsi w’ejo taliki ya 16 Nyakanga 2019,habaye impanuka zitandukanye...
17 July 2019 Yasuwe: 1446 0

Gicumbi: Habineza yariwe n’ikiryabarezi bimutera kwiyahura arapfa

Umugabo witwa Habineza Bartazar w’imyaka 51 ukomoka mu Mudugudu wa Murambi,...
16 July 2019 Yasuwe: 3715 1

Kirehe: Umukecuru arashinjwa kuroga umusore gutunda amatafari yambaye ubusa...

Umukecuru w’imyaka 62 witwa Nyankuba Mariya utuye mu Murenge wa Kirehe mu...
16 July 2019 Yasuwe: 3647 1

Mu mategeko 1000 Inteko Ishinga Amategeko y’u Rwanda yavanyeho harimo...

Kuri uyu wa 15 Nyakanga 2019, Inteko ishinga Amategeko yatoye umushinga...
16 July 2019 Yasuwe: 3223 0

Bugesera: Polisi yarashe wa mugabo wafataga abagore ku ngufu yihimura ku...

Umugabo uzwi nka Eric wabaga mu ishyamba rya Gako washinjwaga na bamwe mu...
16 July 2019 Yasuwe: 4957 1

Karongi: Imodoka ya Coaster yahitanye ubuzima bwa benshi nyuma yo...

Imodoka itwara abagenzi ya kompanyi Ugusenga yarenze umuhanda yibirindura...
16 July 2019 Yasuwe: 8283 3