Minisitiri Sezibera yavuze uburyo abarwanyi b’umutwe wa FDLR bivugwa ko aribo barinzi ba Perezida Nkurunziza badashobora kuzana amahoro mu Burundi

Amakuru   Yanditswe na: Martin Munezero 2 May 2019 Yasuwe: 5529

Minisitiri w’Ububanyi n’Amahanga, Dr. Richard Sezibera yavuze ko abarwanyi b’umutwe wa FDLR badashobora kuzana amahoro mu Burundi kuko ngo icyo bashoboye ari ukwica gusa.

Ibi Minisitiri Sezibera yabivuze mu gihe ahamaze iminsi ku mbonga za internet havugwa ko Perezida w’Uburundi Nkurunziza yaba arindwa n’Abanyarwanda babarizwa mu mutwe w’iterabwoba wa FDLR wiganjemo abasize bagize uruhare muri jenoside yakorewe Abatutsi mu Rwanda.

Minisitiri Sezibera yavuze ko abarwanyi b’umutwe wa FDLR badashobora kurinda umuntu cyangwa igihugu ngo babishobore kuko icyo bashoboye ari ukwica nk’uko ngo bagiye babikora aho babaye hose haba mu Rwanda ndetse no muri DR Congo.

Ibi yabitangaje kuri uyu wa kabiri tariki ya 30 Mata 2019 ubwo yari mu kiganiro n’itangazamakuru.

Yagize ati, “Ibyo by’I Burundi bireba Abarundi. Aba FDLR se barinda nde? Aho bagiye barica, igihugu cyabemereye ko bajyamo kigira umutekano mucye ibyo birazwi. Bavuye hano mu Rwanda bishe, bajya muri Kongo barica n’abo bafatanya nabo barabica.”

Yakomeje avuga ko icyo yemeza ari uko FDLR idashobora kuzana umutekano mu Burundi yaba ari ku bantu cyangwa ku gihugu. Ngo kuba aba barwanyi bari mu Burundi nibyo kubera ubufatanye iyi mitwe yitwara gisirikare igirana n’Uburundi n’ibindi bihubu birimo ibituranye n’u Rwanda

Ati, “Gusa ibyo ntacyo bizabagezaho kuko guhungabanya umutekano w’u Rwanda ntibishoboka ababigerageza bose nibo bigiraho n’ingaruka.”

Muri iki Kiganiro kandi nibwo Dr Richard Sezibera ninaho yatangarije ko Nsabimana Callixte wiyita Sankara wari ufite gahunda yo guhungabanya umutekano yamaze gufatwa kandi ko mu gihe cya vuba azagezwa imbere y’ubutabera.

Aha Minisitiri Sezibera yavuze ko atari Sankara wenyine ahubwo ko n’abandi bose bafatanya bagomba kwitonda kuko bahagurukiwe kandi ko guhungabanya umutekano w’u Rwanda bitapfa kubashobokera.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble munyemana

    Ntekereza ko ari ibinyoma.Impamvu nyamukuru nuko Interahamwe hafi ya zose zimaze gusaza cyangwa zapfuye.Ubwo urumva umuntu wali afite imyaka 25 muli 1994 yarinda president w’igihugu?Reba bariya bafungiye Arusha.Ba Colonel Simba,Kambanda,Semanza,etc...Benshi barengeje imyaka 75.Erega burya icyo tunaniwe kwikorera Nature iragikora:Gusaza n’indwara biraza bigakuraho abagome b’ubwoko bwose (abarwana,abajura,abicanyi,abasambanyi,abarya ruswa,etc...Igihano nyamukuru Imana ibaha,nuko batazazuka ku munsi wa nyuma.Ariko abumvira Imana,nubwo aribo bake,izabazura.

    4 months ago

Inzindi nkuru

U Rwanda na Uganda bafashe ingamba zirindwi zikomeye zirimo ko Abanyarwanda...

Abahagarariye Leta y’u Rwanda na Uganda bateraniye i Kigali uyu munsi taliki...
16 September 2019 Yasuwe: 3283 0

Niyomukiza Dynamique wigaga muri Kaminuza y’u Rwanda yitabye Imana haburaga...

Umukobwa witwa Niyomukiza Dynamique wigaga muri Kaminuza y’ u Rwanda...
16 September 2019 Yasuwe: 4100 0

Hahishuwe akayabo k’amamiliyari y’u Rwanda ikigega Agaciro kigezeho

Ubuyobozi bw’ikigega Agaciro Development Fund (AgDF), buratangaza ko mu...
16 September 2019 Yasuwe: 2724 0

U Rwanda rwasabye Uganda kuvugisha ukuri mu biganiro byo gushaka uko...

Uyu munsi nibwo abayobozi b’u Rwanda n’aba Uganda bahuriye mu nama iri...
16 September 2019 Yasuwe: 1145 0

Intumwa za Uganda ziyobowe na Minisitiri w’ububanyi n’amahanga ziri mu...

Kuri uyu wa mbere abayobozi ku ruhande rw’u Rwanda na Uganda baragirana...
16 September 2019 Yasuwe: 1037 0

Imyaka fatizo yo gutangira gukora akazi mu butegetsi bwite bwa Leta...

Imyaka fatizo yo gutangira gukora akazi mu butegetsi bwite bwa Leta...
15 September 2019 Yasuwe: 1385 2