Nyagatare: Minisitiri Shyaka yibukije abayobozi ko abaturage batayobozwa inkoni n’imigeri

Amakuru   Yanditswe na: Dusingizimana Remy 3 November 2019 Yasuwe: 871

Minisitiri w’Ubutegetsi bw’Igihugu, Prof Shyaka Anastase,yibukije abayobozi ko abaturage batayobozwa imigeri n’inkoni ahubwo baganirizwa ndetse bakigishwa amategeko bikabarinda gukora ibyaha.



Ubwo yari mu nama Mpuzabikorwa y’Akarere ka Nyagatare; yitabiriwe n’abayobozi banyuranye kuva ku Karere kugera ku mudugudu, abo mu nzego z’umutekano, abadepite n’abasenateri bahavuka n’abandikuri uyu wa Gatandatu tariki 2 Ugushyingo 2019,Minisitiri Shyaka yababwiye ko abaturage batayobozwa inkoni ahubwo bagirwa inama byananirana hakitabazwa inzego z’umutekano.

Yagize ati “Dukorera umuturage, nta mugeri urimo, nta nkoni irimo, umuturage araganirizwa, haba hari uwakoze amakosa akomeye agashyikirizwa inzego z’ubutabera zibishinzwe ntabwo umukubita urushyi.

Nihagira ukora amakosa akabije dufite inzego zishinzwe ubutabera mutungire agatoki polisi imufate imukanire urumukwiye ariko binyure mu buryo bw’amategeko.Ntabwo Mudugudu ariwe ukubita urushyi n’iyo umuturage yaba yibye, uramufata ukamushyikiriza inzego bireba kandi agahanwa.”

Ibi Prof. Shyaka Anastase yabitangaje nyuma y’inkuru zimaze iminsi zica mu binyamakuru aho abayobozi bamwe bo mu karere ka Rusizi baherutse kugezwa imbere y’ubutabera bashinjwa gukubita abaturage babashinja uburozi.

Abayobozi b’inzego z’ibanze mu Karere ka Nyagatare bihaye amezi ane yo kuba bakemuye ibibazo bikibangamiye imibereho myiza y’abaturage birimo n’icy’imiryango igera kuri 828 itagira amacumbi.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kigali: Abaganga babiri batawe muri yombi bazira gutera ikinya umurwayi...

Kuri uyu wa Mbere taliki ya 18 Ugushyingo 2019, abaganga babiri bakora muri...
19 November 2019 Yasuwe: 4056 0

Perezida Kagame yitabiriye inama ihuza bimwe mu bihugu by’Afurika n’ibihugu...

Kuri uyu wa Mbere taliki ya 18 Ugushyingo 2019, Perezida w’u Rwanda Paul...
19 November 2019 Yasuwe: 1097 0

Amabilis Sibomana uzwi muri ORINFOR yavuze ukuntu perezida Habyarimana...

Inararibonye mu itangazamakuru Amabilis Sibomana wamamaye muri...
19 November 2019 Yasuwe: 3982 0

Minisitiri Nduhungire Olivier yavuze ku birego by’ingabo z’u Burundi zishinja...

Ingabo z’u Burundi zivuga ko igitero cyagabwe ku birindiro byazo mu ijoro...
19 November 2019 Yasuwe: 6410 0

Minisitiri Busingye yavuze ko nta tegeko rihari ritegeka ko umwana...

Minisitiri w’ubutabera akaba n’intumwa nkuru ya guverinoma,Johnston Busingye,...
19 November 2019 Yasuwe: 2247 0

Umurusiyakazi w’icyamamare ku isi muri Tennis yashimagije bikomeye Bisate...

Icyamamare mu mukino wa Tennis, Maria Sharapova, mu minsi ishize yari mu...
19 November 2019 Yasuwe: 1063 0