Minisitiri w’intebe Murekezi arasaba abashinzwe amagereza kuzuza inshingano zabo

Amakuru   Yanditswe na: Nsanzimana Ernest 15 May 2017 Yasuwe: 536

Minisitiri w’Intebe, Anastase Murekezi yatangije inama ya kane y’ihuriro nyafurika ry’inzego z’amagereza, asaba abayitabiriye kurushaho kuzuza inshingano zabo kinyamwuga no kubyaza umusaruro uru rwego rw’amagereza.

Iyi nama u Rwanda rwakiriye ku nshuro ya mbere yitabiriwe n’abayobozi b’amagereza bo mu bihugu bya Afurika, inzobere mu kwita ku bagororwa, abagize imiryango itegamiye kuri leta na Sosiyete Sivile.

Ubwo yayitangizaga ku mugaragaro, Minisitiri w’Intebe w’u Rwanda, Anastase Murekezi yifashishije urugero rwa gahunda ya Leta yo gushyiraho imirimo nsimburagifungo ifitiye igihugu akamaro, TIG avuga ko hari icyo byunguye u Rwanda bityo asaba abitabiriye iyi nama kurushaho kubyaza umusaruro uru rwego rw’amagereza.

Yagize ati:’’Ibihugu byose bya Afurika, abikorera na sosiyete sivile bafite inshingano zo gufasha ACSA mu kongera amafaranga leta igenera uru rwego, ACSA kandi ikwiye gukorana bya hafi na Leta mu guhindura amagereza akaba urwego rwatanga umusaruro, ndagirango mbibutse ko uruhare rw’abagororwa mu mirimo ibyara inyungu bigirira akamaro abagororwa ubwabo, amagereza n’ibihugu muri rusange.’’

Mu mwaka w’2015-2016, mu Rwanda abagororwa binjije miliyoni zisaga 700 z’amaFrw naho guhera mu kwezi kwa mbere kugeza mu kwezi kwa gatatu muri 2017, uru rwego rwinjije asaga miliyoni 300 mu kigega cya Leta.

Umuyobozi w’ihuriro nyafurika ry’inzego z’amagereza, akaba na Komiseri Mukuru w’Urwego rw’Amagereza muri Uganda, Dr Canon Johnson Byabashaija, ndetse na komiseri mukuru wa w’urwego rushinzwe imfungwa n’abagororwa mu Rwanda, RCS, CGP George Rwigamba bagarutse ku mfungwa zikurikiranyweho ibyaha bikomeye birimo n’iby’iterabwoba.

Muri iyi nama kandi Minisitiri w’Intebe w’u Rwanda, Anastase Murekezi yaboneyeho kugaragariza abayitabiriye aho u Rwanda rugeze mu bijyanye no kwita ku buzima bw’abari mu magereza.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble bivanga

    Abashinzwe amagereza icyo bakwiye kwitaho mbere na mbere kuruta ibindi byose, ni ukumenya ko imfungwa/umugororwa ari umuntu nk’abandi, ko ari ikiremwamuntu, ko afite uburenganzira ahabwa nk’ikiremwamuntu, ko atari igicibwa, ko agomba gufatwa nk’ikiremwamuntu.

    16 May

Inzindi nkuru

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 832 2

Nyarugenge: Abantu 3 bakurikiranyweho ubwambuzi bw’asaga Miliyoni...

Polisi y’u Rwanda mu karere ka Nyarugenge ifunze abagabo batatu bakekwaho...
13 November 2017 Yasuwe: 1533 0

Musanze: Umubyeyi w’ abana bane yakuyemo inda abeshya abaganga ko yagiye mu...

Umubyeyi Twahaye izina rya Mukanama wo mu murenge wa Muko mu karere ka...
13 November 2017 Yasuwe: 2396 0

Bishop Rugagi yashyize hanze amabanga ya Bahati uherutse ku mushinja...

Umupasiteri umaze kwamamara mu Rwanda no hanze yarwo biturutse ku...
11 November 2017 Yasuwe: 3167 0

Imyitozo y’Ingabo z’u Rwanda ubwo zagaragarizaga Perezida Kagame ubuhanga...

Perezida wa Repubulika y’u Rwanda Paul Kagame, kuri uyu wa Gatanu yitabiriye...
11 November 2017 Yasuwe: 4758 0

Bishop Rugagi yatamaje umusaza wamwiyitiriye

Umushumba mukuru w’ itorero Redeemed gospel church Bishop Innocent Rugagi...
11 November 2017 Yasuwe: 2999 0