Minisitiri w’Uburezi yanenze bikomeye ababyeyi bafasha ibigo by’amashuli kongera Minerval

Amakuru   Yanditswe na: Dusingizimana Remy 13 January 2019 Yasuwe: 1022

Minisitiri w’Uburezi, Dr Mutimura Eugene yihanije abayobozi b’ibigo by’amashuli ko badakwiriye kongeza amafaranga y’ishuri ndetse anenga bikomeye ababyeyi bahagarariye abandi babafasha muri iyi migambi mibi yo kongeza aya mafaranga.

Dr Mutimura yabwiye ababyeyi bafatanya n’abayobozi mu gutumbagiza amafaranga yakwa ababyeyi batitaye ku bushobozi bw’abandi ko bidakwiriye kabone nubwo bo baba bayafite.

Yagize ati“Hari ababyeyi baba muri komite bitwa ngo bahagarariye abandi, ugasanga ni bo bafatanya n’abayobozi b’amashuri kumvikana no gushyiraho inyongera ku mafaranga y’ishuri, ibi ntibikwiye.”

Minisitiri w’Uburezi yavuze ko aba babyeyi bashyigikira ibigo kongeza amafaranga y’ishuli bahemukira bagenzi babo kuko haba hari abatishoboye baba barerera muri icyo kigo bananirwa kuyishyura abana babo bakava mu ishuli.

Minisitiri Mutimura yasabye ababyeyi gutahiriza umugozi umwe, bakareba niba ibyo abayobozi b’ibigo abana babo bigaho basaba bikenewe mu by’ukuri, cyangwa bitari ngombwa,babona ko hari ibikenewe kugira ngo ishuri ritere imbere bakabyumvikanaho.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble

    Muzadushakire urubuga tuzajya dutangaho raporo Ku mikorere y’ibigo by’amashuri na komite zabyo naho ubundi badusamburiyeho. Ministere y’uburezi ibishyiremo imbaraga

    2 months ago
  • chat_bubble

    Yewe ahubwo wagirango nta kindi comites zishyirirwaho uretse kongera amafaranga rimwe na rimwe tuba tunabona nta shingiro bifite ndetse n’inama rusange z’ababyeyi ukabona zisa nk’izaje kwakira amatangazo hari ago bidashoboka ko inama rusange ivuguruza ibyo izo ngirwakomite ziba zakoze. Nko muri college du Christ roi hashize imyakq 2 ababyeyi bishyuzwa 10550 buri gihembwe ngo ni ayo kubaka chapel hejuru y’ibyo kandi ubu mineral bayizamuyeho ibihumbi 17 byose buri gihembwe hakiyongeraho utundi dufaranga tudasobanutse (liturugiya, kwivuza kdi abana bitwaza ubwishingizi, amafaranga yo kwiyogoshesha nayo ngo agomba gutangwa Ku ishuri, aya system, ay’ikigega cy’uburezi gaturika......)
    Rwose njye ndasaba MINEDUC kuzakora ubugenzuzi muri christ roi bakatubariza icyo bakoresha amafaranga batwaka kuko n’igihe bubakakaga cloture nabwo batwatse amafaranga adasobanutse bahereye kuri 17,000 nyuma bongera kutwaka 20,000 njye sinabashije kwiyumvisha uburyo marge d’erreur muri planification yarenga 100%. Ibyo byose bazabiturebere. Murakoze

    2 months ago

Inzindi nkuru

Perezida Museveni yandikiye ibaruwa irambuye Paul Kagame amubwira ibyo...

Perezida wa Uganda, Yoweli Kaguta Museni yandikiye ibaruwa ndende mugenzi...
19 March 2019 Yasuwe: 7300 1

Nyagatare:Umusore yatawe muri yombi nyuma yo gufatanwa imirambo 4...

Umusore uri mu kigero cy’imyaka 30 utuye mu kagari ka Nyakigando, Umurenge...
19 March 2019 Yasuwe: 4084 0

Kigali: Undi mugabo ushinjwa ubujura yarashwe ari kugerageza kurwanya...

Mu rukerera rwo kuri uyu wa Kabiri taiki ya 19 Werurwe 2019,umugabo wari mu...
19 March 2019 Yasuwe: 3326 2

Minisitiri Busingye yavuze uburyo abanyarwanda birukanwe muri Uganda...

Minisitiri w’ubutabera bw’u Rwanda akaba n’intumwa nkuru ya leta, yahumurije...
18 March 2019 Yasuwe: 1586 0

Uganda yahaye Pasiporo Charlotte Mukankusi ufite umwanya ukomeye muri...

Igihugu cya Uganda cyamaze guha Pasiporo Charlotte Mukankusi ushinzwe...
18 March 2019 Yasuwe: 2635 1

Rusizi: Imiryango irenga 28 yasenyewe n’imvura iri kurara hanze

Ku munsi w’ejo nibwo imvura idasanzwe yaguye mu karere ka Rusizi yangiza...
17 March 2019 Yasuwe: 1136 0