addresiya
startimes

Minisitiri w’Ubuzima mu Birwa bya Fiji yavuze ko ntaho bahuriye n’Umunyarwanda wanduye Coronavirus

Amakuru   Yanditswe na: Martin Munezero 16 March 2020 Yasuwe: 5014

Dr. Ifereimi Waqainabete, Minisitiri w’Ubuzima mu Birwa bya Fiji, yahakanye amakuru avuga ko hari Umunyarwanda wanduriye Coronavirus muri kiriya gihugu kuko ngo icyo cyorezo kitarahagera.



Ku mugoroba wo ku cyumweru ku wa 15 Werurwe, ni bwo Minisiteri y’Ubuzima mu Rwanda yatangaje ko hari abandi bantu bane bagaragayeho icyorezo cya Coronavirus, biyongera ku Muhinde cyagaragayeho ku wa 14 Werurwe.

MINISANTE yavuze ko “Barimo Umunyarwanda w’imyaka 34 wageze mu Rwanda tariki ya 06 Werurwe aturutse muri Sudani y’Amajyepfo n’umuvandimwe we w’imyaka 36 wageze mu Rwanda ku wa 08 Werurwe aturutse mu birwa bya Fiji ariko yabanje kunyura muri Amerika na Qatar.”

Mu itangazo Minisiteri y’Ubuzima muri Fiji yasohoye, yavuze ko ifatanyije n’Ishami ry’Umuryango w’Abibumbye ryita ku buzima (OMS) bemeza ko nta Coronavirus iragera muri kiriya gihugu, bityo bakaba bemeza ko uriya muturage w’u Rwanda atanduriye muri biriya birwa.

Iyo Minisiteri yavuze ko kuba uriya muntu afite umuvandimwe we wa hafi wanduye Coronavirus bishobora kuba biri mu byatumye na we yandura ubwo bahuriraga mu Rwanda.

Minisitiri Waqainabete yavuze ko muri kiriya gihugu basuzumye abantu 27, muri bo bagasanga nta n’umwe ufite Coronavirus.

Usibye bariya bavandimwe babiri bagaragayeho icyorezo cya Coronavirus, abandi batatu bagaragajwe na MINISANTE barimo umugabo w’Umunyarwanda w’imyaka 30 udafite urugendo yari aherutse gukorera mu mahanga.

Barimo kandi umusore w’imyaka 22 ufite ubwenegihugu bwa Uganda, wageze mu Rwanda ku wa 14 Werurwe aturutse i Londres mu Bwongereza, n’Umuhinde wageze mu Rwanda ku wa 08 Werurwe.

MINISANTE yasabye ko hashakishwa abantu bose bagize aho bahurira na bariya batanu, kugira ngo na bo basuzumwe banitabweho n’inzego z’ubuzima.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ba Gitifu na Dasso baherutse kugaragara mu mashusho bakubita abaturage...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
29 May 2020 Yasuwe: 477 0

Umunyarwanda Mpfizi yagiye mu marushanwa yo gukina Filimi z’urukozasoni...

Amazina ye ni Ngundu mu rurimi rw’ikigande,mu kinyarwanda rikaba risobanuye...
28 May 2020 Yasuwe: 16741 3

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 999 0

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1787 0

Rwanda:Ibihano bihanishwa uwagejeje saa mbili z’ijoro ari mu...

Nyuma yuko guhera kuri uyu wa Mbere taliki ya 04 Gicurasi amategeko ya...
7 May 2020 Yasuwe: 8017 0

Musanze:Imiryango 28 icumbikiwe mu kigo cy’ishuri kubera imvura

Imvura yaguye mu ijoro ryo ku wa gatanu kugeza kuwa Gatandatu mu Ntara...
3 May 2020 Yasuwe: 1266 0