Mpayimana yakwemera kwinjira muri Guverinoma nshya ari uko bakomeje kubahiriza ubwigenge bwe

Amakuru   Yanditswe na: Iyamuremye Janvier 6 August 2017 Yasuwe: 2401

Umukandida wigenga Mpayimana Philipe wahatanye mu matora ya Perezida wa Repubulika ariko ntatsinde, avuga ko ahawe umwanya muri Guverinoma nshya iyobowe na Perezida Kagame Paul yawemera ari uko bakomeje kubahiriza ubwigenge bwe.

Ni mu kiganiro uyu mugabo w’imyaka 47 y’amavuko yahaye VOA mu ijoro ryakeye ryo kuri uyu wa Gatandatu tariki ya 05 Kanama 2017. Mpayimana w’abana batanu yavuze ko amatora yagenze kuva ku munsi yatangiriyeho ibikorwa byo kwiyamamaza.

Abajijwe niba yakwemera umwanya muri Guverinoma nshya y’imyaka irindwi, yatangaje ko yawemera ariko ko hari uburyo yawemeramo. Yagize ati ”Niba bawumpaye bazakomeza kubaha ubwigenge bwanjye, ntabwo nawanga niba babwubahirije, icy’ingenzi ni uko nyine uzaba ari umwanya Abanyarwanda bankeneyemo gukora ibikorwa byabateza imbere.”

Kubyerekeye niba ashobora kwakira umwanya wose yahabwa na Perezida Kagame nko muri Sena y’u Rwanda, Mpayimana yasubije muri aya magambo, ati “Ibya sena ni byiza bitangwa n’abaturage ndakeka ko bica mu matora. Nkuko mbabwiye niba umuntu atsinze amatora akayobora igihugu afite ukuntu akenera abantu bamufasha kukiyobora. Ni ukuvuga ko niba babona bo nyine ko ari umwanya mfitiyemo igihugu akamaro, ntabwo nawanga , kuko naje nje kubaka igihugu, cyane nuko byaba nyine bishingiye ku mbaraga nagaragaje aho zigarukiye n’ubushake. Bituma nyine natega amatwi ibyo bansaba, kuko iyo umuntu atsinze ni we utanga imyanya, iyo rero udatsinze wakira imyanya, icy’ingenzi ni uko badashobora kuguha umwanya ubangamiye ubwigenge bwawe cyangwa ubushobozi bwawe. »

Uwo ni Mpayimana n’umugore we ubwo bari bategereje ibiva mu matora/Photo:Igihe

Kugeza ubu NEC yamaze gukusanya amajwi y’abatoye bose (100%), ku gicamunsi cyo kuri uyu wa Gatandatu tariki ya 05 Kanama 2017 yatangaje imibare y’agateganyo y’ibyavuye mu matora y’umukuru w’igihugu yabaye kuri uyu wa Gatanu no ku wa kane. Iyi mibare igaragaza ko Kagame Paul yagize amajwi 98.63%, Mpayimana agira 0.73 naho Frank Habineza agira 0.47%.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 824 2

Nyarugenge: Abantu 3 bakurikiranyweho ubwambuzi bw’asaga Miliyoni...

Polisi y’u Rwanda mu karere ka Nyarugenge ifunze abagabo batatu bakekwaho...
13 November 2017 Yasuwe: 1527 0

Musanze: Umubyeyi w’ abana bane yakuyemo inda abeshya abaganga ko yagiye mu...

Umubyeyi Twahaye izina rya Mukanama wo mu murenge wa Muko mu karere ka...
13 November 2017 Yasuwe: 2389 0

Bishop Rugagi yashyize hanze amabanga ya Bahati uherutse ku mushinja...

Umupasiteri umaze kwamamara mu Rwanda no hanze yarwo biturutse ku...
11 November 2017 Yasuwe: 3151 0

Imyitozo y’Ingabo z’u Rwanda ubwo zagaragarizaga Perezida Kagame ubuhanga...

Perezida wa Repubulika y’u Rwanda Paul Kagame, kuri uyu wa Gatanu yitabiriye...
11 November 2017 Yasuwe: 4748 0

Bishop Rugagi yatamaje umusaza wamwiyitiriye

Umushumba mukuru w’ itorero Redeemed gospel church Bishop Innocent Rugagi...
11 November 2017 Yasuwe: 2996 0