Mtn iri kwiga ku kibazo cy’amande angana na Miliyoni 8.5 z’amadorali baciwe na RURA

Amakuru   Yanditswe na: Martin Munezero 18 May 2017 Yasuwe: 1339

Sosiyete y’itumanaho MTN Rwanda yatangaje ko iri kwiga ku butumwa yohererejwe n’Ikigo cy’Igihugu gishinzwe imirimo imwe n’imwe ifitiye igihugu akamaro (RURA) bwo kuyimenyesha ko iciwe amande ya miliyari zisaga zirindwi mu manyarwanda kubera kutubahiriza amabwiriza.

Kuri uyu wa Gatatu nibwo hagaragaye itangazo rya RURA rivuga ko MTN Rwanda iciwe amande ya miliyari zirindwi na miliyoni 30 z’amafaranga y’u Rwanda, kubera kurenga ku mabwiriza, amakuru ajyanye n’ikoranabuhanga ikayabika hanze y’igihugu kandi bitemewe.

RURA yavuze ko yagiye igirana ibiganiro na MTN Rwanda kuri iki kibazo ariko iyo sosiyete ntigire icyo ikosora.

Mu itangazo yashyize hanze, MTN Rwanda yavuze ko yabonye ubwo butumwa bwa RURA buyimenyesha ko yaciwe amande kandi ngo iri kubwigaho.

Yagize iti "MTN Rwanda yakiriye ubutumwa bw’amande angana na miliyoni 8.5 z’amadolari . Amande ajyanye no kutubahiriza amabwiriza yatanzwe na RURA abuza MTN Rwanda guhuriza hamwe ikoranabuhanga ryaryo na MTN yo mu majyepfo ndetse no mu Burasirazuba."

MTN yavuze ko irakomeza kwiga kuri icyo kibazo kandi igakomeza gukorana na RURA.

Yakomeje igira iti "MTN yari amezi 24 ikorana na RURA kuri iki kibazo.MTN Rwanda iri gusuzuma ubu butumwa yahawe kandi izakomeza gukora na RURA kuri iki kibazo."

RURA kuri uyu wa Gatatu yatangarije Radiyo Ijwi ry’Amerika ko izagenzura ko MTN Rwanda yishyura ayo mande kaba ntibigire ingaruka ku bakiriya.

Kuba amakuru ya MTN Rwanda yaba abitse mu kindi gihugu, bishobora guteza ikibazo mu buryo bumwe cyangwa ubundi.

Kuba iyo sosiyete ifite abakiriya basaga miliyoni eshatu, amakuru yayo akabikwa hanze biragoye kwizera umutekano w’ayo ari nayo mpamvu bishoboka ko RURA yayisabye kuza kuyabika mu Rwanda.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uko Isi yiriwe tariki 25 Gicurasi 2018 [AMAFOTO]

Inshamake y’ uko isi yiriwe kuri uyu wa 25 Gicurasi 2018 harimo uko Perezida...
25 May 2018 Yasuwe: 1145 0

Gicumbi: Meya n’ abari bamwungirije begurijwe rimwe kubera amakosa...

Inama njyanama idasanzwe y’Akarere ka Gicumbi yeguje MUDAHERANWA Juvenal...
25 May 2018 Yasuwe: 703 0

Ubukungu bwose Afurika ikeneye ngo dutere imbere turabufite – Min....

Minisitiri w’Umuco na Siporo Uwacu Julienne asanga abanyafurika batakwiye...
24 May 2018 Yasuwe: 364 0

Uko isi yiriwe tariki 22 Gicurasi 2018 [AMAFOTO]

Mu nshamake y’ uko Isi yiriwe tariki 22 Gicurasi harimo ko Diane Rwigara na...
22 May 2018 Yasuwe: 2778 0

Ngoma: Abageni bategereje ubasezeranya bubiriraho

Abasore babiri n’ abakobwa babiri bagiye gusezeranira imbere y’amategeko mu...
21 May 2018 Yasuwe: 1691 0

Kayonza: Umukozi wa SACCO ya Murundi arakekwaho kurigisa arenga 55 000 000...

Polisi y’u Rwanda ifatanyije n’Urwego rw’Igihugu rw’Ubugenzacyaha mu karere ka...
20 May 2018 Yasuwe: 1000 0