Muhanga:Umugabo n’umugore we barakekwa kwica abana babo b’impanga babanize

Amakuru   Yanditswe na: Martin Munezero 19 February 2019 Yasuwe: 2711

Kuri iki Cyumweru umugabo w’imyaka 36 n’umugore we w’imyaka 32 bo mu murenge wa Shyogwe, Akagari ka Mubuga, mu mudugudu wa Gasharu batawe muri yombi ‘bakekwaho kwica abana b’impanga zabo babanize.’ Aba bombi bari basanzwe bafitanye abana batatu. Ziriya mpanga zavutse taliki 15, Mutarama, 2019.

Umwana wa kabiri yagejwe ku bitaro bya Kabgayi hari ibigaragaza ko yanizwe, nawe bimuviramo gupfa.

Ku wa Gatandatu taliki 16, Gashyantare, 2019 aba babyeyi batabaje abaturanyi ngo abana babo barapfuye, abandi barahurura.

Bamwe mu baturanyi b’abo babwiye Umuseke dukesha iyi nkuru ko umwe mu baturanyi yateruye ikarito abo bana bari bashyizwemo, yumva umwe ararize.

Uyu warize ni umukobwa naho musaza we ngo yari yamaze gupfa ndetse ngo bahise bamushyingura huti huti.

Umukobwa wari ukiri muzima bamujyanye ku bitaro bya Kabgayi bamusuzumye basanga ku ijosi rye hari ibimenyetso ko yanizwe, uyu nawe byamuviriyemo urupfu. Ubu birakekwa ko izi mpinja zombi zishobora kuba zarishwe zinizwe.

Abaturage bahise babimenyesha Urwego rw’igihugu rw’ubugenzacyaha i Muhanga ruhageze rutegeka ko n’umwana w’umuhungu wari warashyinguwe bamutaburura kugira ngo iperereza risesuye rikorwe.

Umwe mu baturanyi wanze ko amazina ye ajya ahagaragara yavuze ko bakeka ko bariya babyeyi bumvikanye guhotora ibibondo byabo kubera ko ngo badashoboye kubarera.

Aba babyeyi bakekwa ubu bombi barafunze mu gihe iperereza rikomeje.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble iganze

    Umuntu Imana yahaye abana abandi barababuze, akaba afite ubwonko n’amaboko yumva ko umuti ari ukubica aho gukura amaboko mu mufuka ngo akore abarere???????? Mbuze icyo mvuga birandenze rwose!

    5 months ago
  • chat_bubble Goretti

    Ariko Mana yanjye koko wagiye utwihera abana ko twababuze ukareka izi ngirwa babyeyi !!!
    Ndababaye pe umuntu muzima arihekura !!!Imana izabibabaza .Muruhukire mu mahoro bibondo

    19 February

Inzindi nkuru

RDB yatangaje akayabo imaze kunguka kubera gufatanya n’ikipe ya...

Ubuyobozi bwa RDB buratangaza ko nyuma y’umwaka ushize u Rwanda rusinyanye...
20 August 2019 Yasuwe: 947 0

Abantu benshi bo mu Rwanda no muri Congo bakora ubucuruzi bwambukiranya...

Igihugu cy’u Rwanda na Repubulika iharanira Demokarasi ya Congo biri...
20 August 2019 Yasuwe: 332 0

Ibyamamare birimo Louis Van Gaal,Ne-yo,Tony Adams,bizitabira umuhango wo...

Ibyamamare bitandukanye birimo uwahoze ari kapiteni wa Arsenal FC,Tony...
20 August 2019 Yasuwe: 760 0

NAMIBIA:Perezida Kagame na Madamu we bakiranwe icyubahiro kinshi[AMAFOTO]

Ku gicamunsi cy’ejo ku wa mbere, Perezida wa Repubulika Paul Kagame na...
20 August 2019 Yasuwe: 5031 1

KAGUGU:Hasanzwe umuntu wapfuye mu modoka itari imenyerewe muri ako gace...

Mu gitondo cyo kuri uyu wa Mbere ahitwa Rukingu, Akagari ka Kagugu mu...
19 August 2019 Yasuwe: 5408 1

Nyamasheke: Imodoka itwara abagenzi yarenze umuhanda benshi barakomereka...

Mu karere ka Nyamasheke habereye impanuka y’imodoka itwara abagenzi yo mu...
18 August 2019 Yasuwe: 3959 1