Mukaperezida yarakajwe bikomeye n’ifungwa ry’umugabo we arusha imyaka 27 atangaza akagambane gakomeye kabirimo

Amakuru   Yanditswe na: Dusingizimana Remy 4 September 2019 Yasuwe: 7320

Umugore witwa Mukaperezida wavuzwe cyane mu binyamakuru ubwo yashyingiranwaga na Kwizera Evariste yarushaga imyaka 27 mu mwaka ushize,yavuze ko ishyari ry’umukwe we ndetse n’umukobwa we ariryo ryatumye bagambanira umugabo we agafungwa imyaka 10 kugira ngo babone imitungo ye.



Mukaperezida wasizwe n’umugabo we Kwizera uherutse guhamwa n’icyaha cyo gutera inda umwana utarageza ku myaka y’ubukure yarangiza akayikuramo imaze amezi ane n’iminsi itatu,yabwiye Ukwezi ko umukobwa we wanashatse kwica ubukwe bwe n’umukwe we bafungishije Kwizera mu rwego rwo kwegukana imitungo ye.

Yagize ati “Bariya n’abatekamitwe,bangiriye ishyari ngishakana n’uyu mugabo wanjye.Umukobwa wanjye arashaka imitungo yanjye kandi aribeshya,Mukaperezida ni agati kateretswe n’Imana kadahungbanywa n’umuyaga.

Uriya mukobwa wanjye arimo arandwanya ngo arashaka imitungo yanjye.Uriya mukwe wanjye wamubeshye ko umutungo wanjye ari uwe,natuze yicare hasi.Arafungisha umugabo wanjye kandi aribeshya azataha.”

Mukaperezida yavuze ko umukwe we n’umukobwa we aribo bagambaniye Kwizera bakoresheje uriya mwana w’umukobwa usanzwe anaba iwabo.

Mukaperezida yavuze ko ngo Kwizera akimara gufungwa hari uwamuhamagaye avuga ko bamurangije bagiye gusigara bahangana nawe.

Mukaperezida ati “Imana yarampaye nabo ndabaha,nibashake imitungo yabo.Umukobwa wanjye ntabwo tukivugana.Nta kibazo nari mfitanye nawe ariko yarakajwe n’uko nashakanye n’umugabo w’isezerano.Yashakaga ko nirirwa nsambana,sinshake umugabo w’isezerano.Mbere y’uko afungwa bashatse kumwica,hari umuntu waje hano tumuhamagariza RIB avuga ko ari maneko.”

Ubukwe bwa Mukaperezida na Kwizera bwabanje kuzamo ibibazo kuko umukobwa we atemeraga ko umubyeyi wabo ashyingirwa avanze umutungo na Kwizera kuko bavugaga ko umutungo atari uwe gusa ko ahubwo ari uw’umuryango wose, ndetse bakavuga ko Kwizera ari umugabo wa gatatu ubanye na Mukaperezida mu nzu.

Mukaperezida yavuze ko yahaye umukwe we n’umukobwa we inka barayanga ndetse yemeza ko ngo umuntu akatira imyaka y’igifungo undi ariko n’Imana yagambiriye kumufungura.

Mukaperezida yavuze ko umukobwa we n’umukwe we ngo batazatinda kubona ingaruka z’akagambane kabo ndetse ngo ufunga ziwe ufungura yizeye ko umugabo we azataha kandi azamutegereza.

Kwizera Evariste yakatiwe gufungwa imyaka 10 n’urukiko rwisumbuye rwa Ngoma mu cyumweru gishize nyuma yo kwemera ko yateye inda umwana w’umukobwa utaravuzwe amazina kubera impamvu z’umutekano we,arangije ayikuramo.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nyarugenge: Havumbuwe umurambo w’umukobwa ukiri muto wasanzwe yambaye...

Mu gitondo cyo kuri uyu wa Gatatu,Taliki ya 20 Ugushyingo 2019, mu murenge...
20 November 2019 Yasuwe: 2832 0

Rubavu: Umukozi wo mu rugo arakekwaho kwica abana 2 bo mu rugo yakoragamo...

Uwari umukozi wo mu rugo witwa Nyirarukundo Claudine, ari mu maboko y’Urwego...
20 November 2019 Yasuwe: 2405 0

Umugore wa Rwigara yafotowe ari gusengera mu kibanza cy’ahahoze Hoteli...

Umugore w’umunyemari Assinapol Rwigara witwa Adeline Mukangemanyi Rwigara...
19 November 2019 Yasuwe: 16466 2

Kigali: Abaganga babiri batawe muri yombi bazira gutera ikinya umurwayi...

Kuri uyu wa Mbere taliki ya 18 Ugushyingo 2019, abaganga babiri bakora muri...
19 November 2019 Yasuwe: 6363 0

Perezida Kagame yitabiriye inama ihuza bimwe mu bihugu by’Afurika n’ibihugu...

Kuri uyu wa Mbere taliki ya 18 Ugushyingo 2019, Perezida w’u Rwanda Paul...
19 November 2019 Yasuwe: 1814 0

Amabilis Sibomana uzwi muri ORINFOR yavuze ukuntu perezida Habyarimana...

Inararibonye mu itangazamakuru Amabilis Sibomana wamamaye muri...
19 November 2019 Yasuwe: 5266 0