Munyagishari yakatiwe igifungo cya burundu

Amakuru   Yanditswe na: 20 April 2017 Yasuwe: 857

Urukiko Rukuru rwakatiye Bernard Munyagishari igifungo cya burundu nk’igihano ku byaha ahamijwe bya Jenoside yaregwaga, kuri uyu wa Kane tariki 20 Mata 2017.

Munyagishari w’imyaka 57, yoherejwe kuburanira mu Rwanda n’Urukiko Mpuzamahanga Mpanabyaha rwashyiriweho u Rwanda (ICTR) muri Nyakanga 2013.

Yaregwaga ibyaha bitanu, ariko ibyaha yahamijwe ni bibiri: Icyaha cya Jenoside n’icyaha cyo kwica nk’icyaha cyibasiye inyokomuntu. Umucamanza yavuze ko ubusanzwe ibi byaha uregwa yahamijwe ubusanzwe bihanishwa burundu y’umwihariko, ko uwahamwe n’icyaha yoroherejwe.

Ku cyaha cyo gusambanya ku ngufu abagore n’abakobwa Munyagishari yaregwaga, cyo, Urukiko rwavuze ko nta bimenyetso bifatika.

Urukiko rwashingiye ku byavuzwe n’abatangabuhamya, ruvuga ko uregwa yabayeho mu bunyamabanga bwa MRND, kandi ko yagiye mu nama zitegura Jenoside. Ubuhamya bugaragaza ko yacuze umugambi, yigishaga interahamwe uko zigomba kwica abatutsi.

Urukiko rwashingiye ku buhamya buvuga ko hari imyitozo yahaga interahamwe buri kuwa Gatatu no kuwa Gatandatu kuri stade Umuganda, nk’uko byagarutsweho n’umwe mu batangabuhamya wahawe iyo myitozo.

Hanavuzwe amalisiti y’abatutsi bagombaga kwicwa, inyigisho z’urwango, ishyirwaho za bariyeri, intwaro zavuye i Kigali n’ibindi bimenyetso byashinjaga Munyagishari havugwa ko yakoze Jenoside mu buryo buteguye.

Urukiko rwagaragaje ko ibi byaha Munyagishari yahamijwe byakoranywe ubugome bukabije, kandi ko byagize ingaruka zikomeye ku muryango nyarwanda nk’imwe mu mpamvu nkomezacyaha, hakiyongeraho ko yari umuntu wize iby’uburezi.

Uru rubanza rwa Munyagishari Bernard rwagaragajwemo imbogamizi z’uko we atemeraga abamwunganira ari bo Me Bikotwa Bruce na Me Umutesi Jeanne d’Arc, ariko urukiko rutegeka ko bakomeza kumwunganira mu nyungu z’ubutabera kabone nubwo we atabemeraga bwose.

Nyuma y’isomwa ry’imikirize y’urubanza aba bavoka babwiye Urukiko ko batayishimiye, ko bayijuririye, ko imyanzuro ikubiyemo impamvu z’ubujurire bagaragarizamo inenge babonyemo bazayitanga bamaze kubona kopi.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Arcbishop Rwaje wari umukuru w’ abangirikani yasimbujwe

Abangirikani bo mu Rwanda kuri uyu wa Gatatu tariki 17 Mutarama 2017...
17 January 2018 Yasuwe: 366 0

Umunyamakuru Kayumba Casmir yitabye Imana bitunguranye

Kayumba William Casmiry wari umaze igihe kinini akora mu itangazamakuru...
16 January 2018 Yasuwe: 1824 0

Minisitiri Uwacu yasabye abanyeshuri guhoza ku mutima indangaciro z’ umuco...

Minisitiri w’Umuco na Siporo Uwacu Julienne yasabye urubyiruko 150 rwavuye...
15 January 2018 Yasuwe: 166 0

Nyamirambo: Umugore bakundaga kwita Mama Fifi bamusanze mu nzu...

Munyana Aline bakundaga kwita Fifi waruzaga akabari , I Nyamirambo mu...
15 January 2018 Yasuwe: 2624 0

Ibyo Bishop Rugagi yahanuriye Umurundikazi byarasohoye UN irumirwa

Umurundikazi wakoreraga umuryango w’Abibumbye mu gihugu cya Sudan y’epfo...
13 January 2018 Yasuwe: 2193 0

Gacinya yasabye gufungurwa akajya kwita ku mugore n’abana

Umuyobozi wa Kompanyi ya MICON akaba na visi Perezida w’ikipe ya Rayon...
11 January 2018 Yasuwe: 693 0