addresiya
startimes

Musanze:Abantu 7 bafunzwe bazira kugira akabari urugo muri ibi bihe

Amakuru   Yanditswe na: Martin Munezero 30 March 2020 Yasuwe: 2711

Abantu barindwi bafashwe bifungiranye mu gipangu cy’aho uwitwa Sam Kiruhura, atuye ari nawe bari basuye, banywa inzoga guhera mu gitondo kugeza mu ma saa tatu z’ijoro, ibi bikaba binyuranye n’amabwiriza yo kwirinda icyorezo cya Coronavirus.



Amabwiriza ya Guverinoma y’u Rwanda yo kwirinda ikwirakwira rya Coronavirus, ategeka utubari gufunga ariko ntabwo abuza abantu kunywa inzoga igihe uyiguze ayijyanye mu rugo akirinda gutumira inshuti n’abavandimwe cyangwa abandi bantu ngo bayisangire.

Umuvugizi wa Polisi mu Ntara y’Amajyaruguru, CIP Alexis Rugigana, avuga ko abafashwa i Musanze banyoye inzoga mu buryo butubahirije amabwiriza yo kwirinda icyorezo cya Coronavirus, byongeyeho ko n’ingendo bakoze na zo ubwazo zitemewe.

Yagize ati “Abo bose bafashwe bikingiranye mu gipangu cy’aho uwitwa Sam Kiruhura atuye, ari nawe bari basuye, banywaga inzoga begeranye nta ntera ya metero iri hagati yabo, ikindi ni uko n’izo ngendo bakoze bajya kunywa izo nzoga zitemewe, ibi byose binyuranyije n’amabwiriza yashyizweho mu kwirinda Covid-19, ubu duhanganye nayo mu rugamba rwo kuyirinda.”

Akomeza avuga ko bajyanywe kuri sitasiyo ya Polisi ya Muhoza kugira ngo bigishwe, banasobanurirwa neza uburyo bwo kubahiriza ingamba zo kwirinda iki cyorezo, ariko kandi bakaza no gucibwa amande.

Muri ibi bihe byo kwirinda icyorezo cya Coronavirus, Akarere ka Musanze gakomeje gushyira imbaraga mu gusobanurira abaturage ingaruka zo gukora ingendo zitari ngombwa, kujya ahantu hahurira abantu benshi kuko bishobora gutuma habaho ikwirakwizwa ry’iki cyorezo, bityo bakabasaba kuguma mu ngo zabo mu gihe cyateganyijwe.

Kugeza ubu haracyakorwa igenzura hirya no hino muri uyu mujyi no mu byaro harebwa uburyo abaturage bashyira mu bikorwa amabwiriza yo kwirinda Covid-19, banahana abanyuranya n’ayo mabwiriza yashyizweho.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

U Rwanda na Amerika byashimangiye ubufatanye mu bya Gisirikare[AMAFOTO]

U Rwanda na Leta zunze ubumwe za Amerika byashyize umukono ku masezerano...
29 May 2020 Yasuwe: 2010 0

Ba Gitifu na Dasso baherutse kugaragara mu mashusho bakubita abaturage...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
29 May 2020 Yasuwe: 675 0

Umunyarwanda Mpfizi yagiye mu marushanwa yo gukina Filimi z’urukozasoni...

Amazina ye ni Ngundu mu rurimi rw’ikigande,mu kinyarwanda rikaba risobanuye...
28 May 2020 Yasuwe: 19388 3

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 1019 0

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1818 0

Rwanda:Ibihano bihanishwa uwagejeje saa mbili z’ijoro ari mu...

Nyuma yuko guhera kuri uyu wa Mbere taliki ya 04 Gicurasi amategeko ya...
7 May 2020 Yasuwe: 8043 0