Musanze–Gakenke: Hangijwe ibiyobyabwenge bitandukanye, abaturage basabwa kubyirinda

Amakuru   Yanditswe na: Iyamuremye Janvier 15 July 2017 Yasuwe: 213

Polisi y’u Rwanda ikorera mu turere twa Musanze na Gakenke ku itariki ya 14 Nyakanga yangije ibiyobyabwenge bitandukanye. Mu karere ka Musanze ibikorwa bya kubyangiza byabereye mu mirenge ya Busogo na Kinigi.

Hangijwe inzoga z’inkorano zitwa Urwunge zingana na litiro 158, inzoga zo mu masashi zitwa blue sky amapaki 2028, na African gin amapaki 9. Mu karere ka Gakenke, mu murenge wa Gakenke niho hangirijwe ibiyobyabwenge birimo, kanyanga ingana na litiro 132, ibiro 4 n’igice by’urumogi, amapaki 584 ya blue sky, amacupa 49 ya African Gin n’amapaki 6 ya kitoko waragi. Ibyo biyobyabwenge byose byangijwe, bifite agaciro k’amafaranga y’u Rwanda arenga ho gato miliyoni 2.

Iki gikorwa cyo kubyangiza no kubimena ahabugenewe cyari cyitabiriwe na Polisi y’u Rwanda , inzego z’ibanze,izindi zishinzwe umutekano ndetse n’abaturage.

Umuvugizi wa Polisi y’u Rwanda mu Ntara y’Amajyaruguru Inspector of Police (IP) Innocent Gasasira, yavuze ko ibyo biyobyabwenge byari byarafatiwe mu mikwabu Polisi y’u Rwanda yakoze mu mezi make ashize ndetse n’ababifatiwemo bakaba barashyikirijwe inzego z’ubutabera. Mu butumwa bwahawe abaturage nyuma y’icyo gikorwa bwabashimiraga uruhare rwabo runini bagize mu gufata ibyo biyobyabwenge.

IP Gasasira yagize ati:” turashimira abaturage cyane kuko ubufatanye n’imikoranire myiza yabo na Polisi y’u Rwanda n’izindi nzego bugeze ku ntera ishimishije mu gukumira no kurwanya ibyaha. Ubu nta munyacyaha ushobora gukora icyaha ngo yidegembye uko ashatse kuko ahita afatwa. Biterwa no guhererekanya amakuru vuba n’abaturage kuko aribo ahanini badutungira agatoki abo banyabyaha bityo bagahita bafatwa. Turifuza ko imikoranire nk’iyi yakomeza kurushaho”.

Yakomeje asaba abaturage cyane cyane urubyiruko kwirinda kwishora mu biyobyabwenge kuko bibangiriza ubuzima ndetse n’iyo babifatiwemo bibagiraho n’ingaruka zo gufungwa.

Abafatiwe mu biyobyabwenge bahanishwa ingingo ya 594 yo mu gitabo cy’amategeko ahana ibyaha mu Rwanda, aho igihano gishobora kugera ku myaka 5.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Kagame yitabiriye Car Free Day bwa kabiri

Kuri iki Cyumweru tariki 17 Kamena 2018, Perezida w’ u Rwanda Paul Kagame...
17 June 2018 Yasuwe: 2674 0

Gitifu w’ umurenge ushinjwa gusuzugura ingabo yasabye imbabazi

Anaclet Niyonsaba Umunyamabanga nshingwabikorwa w’ umurenge kibilizi wo mu...
16 June 2018 Yasuwe: 4204 1

Madamu Jeannette Kagame yasabiye abana ijambo mu igenamigambi

Ubwo hizihizwaga umunsi w’umwana w’umunyafurika, umufasha wa Perezida wa...
16 June 2018 Yasuwe: 683 0

Komisiyo yo kuvugurura amategeko yasuye urwibutso rwa ’Komine Rouge’ inasura...

Umubyeyi warokotse Jenocide yakorewe abatutsi mu karere ka Rubavu mu 1994...
15 June 2018 Yasuwe: 1011 0

Umuforomo yanze kwakira umurwayi ngo udafite mituelle ahita...

Umuforomo witwa Nyirarukundo Josiane wok u bitaro bya Kaminuza I Butare...
15 June 2018 Yasuwe: 6402 6

Abiga mu bigo byigenga nabo ntibemerewe telefone n’ imisatsi...

Minisiteri y’ uburezi mu Rwanda yatangaje ko abanyeshuri biga mu mashuri y’...
14 June 2018 Yasuwe: 2505 0