Musanze:Uwatwikiwe abana 2 yavuze uburyo abaturanyi be bigeze kumwita inzoka

Amakuru   Yanditswe na: Martin Munezero 26 February 2020 Yasuwe: 2621

Ku mugoroba wo kuwa Gatandatu tariki ya 22 Gashyantare 2020, umuryango utuye mu Karere ka Musanze, Umuryango wo mu karere ka Musanze mu Mudugudu wa Marantima Akagari ka Rwebeya mu Murenge wa Cyuve watwikiwe abana babiri n’abagizi banabi bataramenyekana, umwana umwe ahasiga ubuzima.



Muri uru rugo rw’uwitwa Manifashe Jerome na Sifa Celestine,rwibasiwe n’abagizi banabi babatwikira abana babiri b’abakobwa (umwe w’imyaka itatu n’igice n’undi w’imyaka ibiri).

Uyu muryango watangaje ko muri rusange usanzwe uatabanye neza n’abaturanyi babo ndetse ngo bigeze no kwitwa inzoka.

Ibi ngo byabaye ubwo nyina w’aba bana yari abasize mu nzu agiye guhaha yagaruka agasanga abantu batazwi bamennye ikirahure cy’idirishya bakohereza umuriro mu cyumba abo bana barimo. Aba bana ngo yari yasize abakingiranye ku bwo kutizera umutekano wabo biturutse ku buryo azi asanzwe abanye n’abaturanyi be.



Uyu mubyeyi kimwe n’abazi ibye bavuga ko mu myaka irenga ine bamaze batuye aha batigeze boroherwa na bamwe mu baturanye babo batahwemye kubatoteza no kubagira nabi nk’aho umugabo we bigeze kumukubita ibuye mu mutwe agakomereka, ku buryo batabura no gukeka ko ari bo baba bari inyuma y’ubu bugizi bwa nabi.

Umubyeyi w’aba bana avuga ko hari abaturanyi be badahwema kubahigira bavuga ko bazabimura, ku buryo ngo hari n’uwigeze kumwita inzoka bikiyongera ku bajyaga barara babaterera amabuye ku nzu, ibyo baheraho bavuga ko nta mutekano bigeze bagirira muri aka gace baje guturamo bahaguze ikibanza.

Umuyobozi w’akarere ka Musanze NUWUMUREMYI Jeaninne yabwiye TV/Radio1 ko ku bigaragarira amaso koko abo bana batwitswe n’umuntu wari wabigambiriye, ariko ngo inzego zishinzwe iperereza zikaba zamaze kubyinjiramo ngo hamenyekane ababyihishe inyuma n’impamvu yabibateye, aho mu bahise batabwa muri yombi harimo n’uwayoboraga umudugudu batuyemo.



Uyu muryango watwikiwe abana utunga agatoki inzego z’ubuyobozi ngo zisa n’izakomeje kubatererana mu bikorwa by’urugomo bakomeje gukorerwa nko gutererwa amabuye hejuru y’inzu no guhohoterwa mu buryo bunyuranye kugeza n’ubwo abaturanyi babo bazitiye inzira yavaga mu gipangu cyabo imodoka yabo igahera mu rugo none bikaba bigeze n’aho kwicirwa abana nyamara batarahwemye kwishinganisha mu buyobozi.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Musanze:Abantu 7 bafunzwe bazira kugira akabari urugo muri ibi...

Abantu barindwi bafashwe bifungiranye mu gipangu cy’aho uwitwa Sam Kiruhura,...
30 March 2020 Yasuwe: 2191 0

Gisagara:Nzirorera Emmanuel yatemye umugore we n’umwana ndetse n’umuturanyi...

Mu karere ka Gisagara, umurenge wa Ndora, akagari ka Cyamukuza, mu mudugudu...
29 March 2020 Yasuwe: 3591 0

Covid-19:Abashakanye basabwe kuzirikana gahunda zo kuboneza urubyaro muri...

Minisiteri y’Uburinganire n’Iterambere ry’Umuryango mu Rwanda (MIGEPROF),...
29 March 2020 Yasuwe: 1184 0

Muhanga:Umugabo igikuta cyamugwiriye ahita apfa

Mu Karere ka Muhanga, umugabo witwa Ntwari Jean de Dieu w’imyaka 34...
29 March 2020 Yasuwe: 3460 0

Ibikorwa byo gushakisha abafite aho bahuriye n’abamaze kwandura Coronavirus...

Ibikorwa byo gushakisha abafite aho bahuriye n’abamaze kwandura Coronavirus...
28 March 2020 Yasuwe: 4049 0

Leta izakomeza gukora ibishoboka byose ngo ifashe abanyarwanda muri ibi...

Nyakubahwa perezida wa Repubulika yatangaje ko Leta y’u Rwanda yiteguye...
27 March 2020 Yasuwe: 2086 0