Museveni yahamagaye kuri telefone Perezida Kagame aranamwandikira amwifuriza ishya n’ihirwe

Amakuru   Yanditswe na: Iyamuremye Janvier 13 August 2017 Yasuwe: 2736

Kaguta Yoweli Museveni uyobora igihugu cya Uganda yohereje ubutumwa bwo gushimira mugenzi we w’u Rwanda, Perezida Paul Kagame ku tsinzi yagize nyuma y’amatora yabaye tariki ya 03 na 04 Kanama uyu mwaka.

Mu ibarurwa, Umuryango.rw ufitiye kopi Perezida Museveni atangira ashimira abaturage bagaragaje uruhare rw’abo mu kwihitiramo umuyobozi bashaka. Anavuga ko nyuma y’itariki ya 04 Komisiyo y’amatora, NEC itangaje ibyavuye mu matora bya burundu yahamagaye kuri Telefone Perezida Kagame akamwifuriza ishya n’ihirwe muri manda y’imyaka irindwi.

Atangira agira ati “mu izina ry’abaturage ba Uganda, Leta ya Uganda no mu izina ryanjye bwite, nkwifurije itsinzi nziza kuba wongeye gutorerwa kuyobora u Rwanda. Nari naragushimiye kuri telefoni ku wa 6 Kanama 2017”.

Yungamo ati “ Kongera gutorerwa kuyobora u Rwanda ku tsinzi y’amajwi 99% ni ikimenyetso kigaragaza icyo Abanyarwanda bashaka. Bigaragaza icyizere bafitiye imiyoborere myiza yawe. Iyo tsinzi y’amajwi 99% wabonye igaragaza neza icyo Abanyarwanda bashaka.”

Umukuru w’Igihugu cya Uganda yanashimiye bikomeye uburyo Abanyarwanda bitabiriye amatora ari benshi n’uburyo amatora yaranzwe n’umutekano n’usesuye mu gihe cy’iminsi ibiri yamaze aba.

Hejuru y’ibyo, yashimye imiyoborere myiza yimakajwe mu Rwanda nyuma ya Jenoside yakorewe Abatutsi mu 1994 igahitana abarenga Miliyoni imwe. Yavuze ko ari intambwe ikomeye kuba umutekano, ubukungu n’iterambere byarakomeje gusigasirwa kugeza ubu.

Perezida wa Uganda yakomeje agira ati “ Nyakubahwa urabizi neza ko ibihugu byacu byombi bisangiye amateka kandi bifitanye n’umubano mwiza. Nkwijeje ko Guverinoma ya Uganda izakomeza gushimangira uwo mubano ku nyungu z’abaturage b’ibihugu byacu.

Umuhungu wa Perezida Museveni, Jenerali Majoro Muhoozi Kainerugaba w’Imyaka 43 nawe aherutse kohereza ubutumwa Perezida Kagame amushimira itsinzi yabonye.

Ibaruwa Museveni yanditse ashimira Perezida Kagame ku intsinzi yegukanye

Maj Gen Muhoozi Kainerugaba, Umuhungu wa Perezida Museveni akaba n’umujyanama we wihariye mu bya Gisirikare yashimishijwe n’intsinzi ya Perezida Kagame

Aha Perezida Kagame na Perezida Museveni bari bayoboye igikorwa cyakusanyirijwemo amadolari ya Amerika 1,250,000 (hafi 900 000 000 frw) yo kubaka ikigo cy’amashuri cya Ntare Rebero mu karere ka Bugesera mu Ntara y’ Uburasirazuba.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mu bakora uburaya 100, haba harimo 46 barwaye SIDA

Ubushakashatsi bwagaragaje ko ikigero cy’ Abanyarwanda banduye agakoko...
6 December 2017 Yasuwe: 3228 0

Leta y’ u Rwanda yagurijwe miliyoni 125$ zo kugeza amashyanyarazi ku...

Kuri uyu wa mbere, u Rwanda rwasinyanye amasezerano na banki y’Isi...
4 December 2017 Yasuwe: 429 2

Umubyeyi yabuze umwana we w’imyaka 3 nyuma yo kumusiga aryamye mu Cyumba cye...

Umubyeyi witwa Kristy Woods ukomoka mu gihugu cya Leta zunze Ubumwe...
30 November 2017 Yasuwe: 1021 0

U Rwanda mu bihugu byafashe mu mugongo Misiri nyuma y’ igitero cyishe...

Guverinoma y’u Rwanda yihanganishije Igihugu cya Misiri n’abaturage bacyo...
25 November 2017 Yasuwe: 487 0

Gasabo: Uruhinja rwatoraguwe mu mugezi rwapfuye birakekwa ko rwatawe n’...

Mu gitondo cyo kuri uyu wa Gatanu tariki 17 Ukwakira 2017 abaturage bo mu...
17 November 2017 Yasuwe: 562 0

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 1047 2