addresiya
startimes

NAMIBIA:Perezida Kagame na Madamu we bakiranwe icyubahiro kinshi[AMAFOTO]

Amakuru   Yanditswe na: Martin Munezero 20 August 2019 Yasuwe: 7031

Ku gicamunsi cy’ejo ku wa mbere, Perezida wa Repubulika Paul Kagame na Madamu we Jeanette Kagame, basesekaye i Windhoek mu murwa mukuru wa Namibia bakiranwa icyubahiro kinshi.



Perezida Kagame na Madamu we bari muri iki gihugu giherereye mu majyepfo ashyira Uburengerazuba bw’umugabane wa Afurika, muri gahunda zigamije kunoza imibanire y’u Rwanda na Namibia.

U Rwanda na Namibia basanzwe bafitanye amasezerano y’ubufatanye mu by’umutekano, dore ko Polisi y’u Rwanda n’iya Namibia zasinyanye amasezerano y’ubufatanye muri 2015.

Ku bijyanye na gahunda y’uyu wa kabiri, biteganyijwe ko Perezida Kagame yitabira ibiganiro bimuhuza na mugenzi we Hage Gottfried Geingob uyobora Namibia, mbere yo gusura ikigo cya Namibia gitunganya amabuye y’agaciro yo mu bwoko bya Diyama (diamond) cyitwa “Namibia Diamond Trading Company.”

Perezida Kagame na mugenzi we wa Namibiba baranasinyana amasezerano mu bijyanye n’ubucuruzi n’ishoramari, ubucukuzi bw’amabuye y’agaciro, ibyerekeye ingendo zo mu kirere, ingufu, ikoranabuhanga, ibidukikije, umuco, uburezi, ubuhinzi, ubuzima, ubukerarugendo, amahoro n’umutekano, ibikorwa remezo n’ibindi.

Ni mu gihe Madamu Jeanette Kagame ku rundi ruhande, atanga ikiganiro gishishikariza urubyiruko rwo muri Namibiakuganira hagati yabo no gushakira umuti ibibazo bikibabangamiye. Muri iki kiganiro kinitabirwa na Madamu wa Perezida wa Namibia Monica Geingos, urubyiruko rwo muri Namibia ruzasangizwa uko u Rwanda rwashoboye kwigobotora ibibazo rwasigiwe na Jenoside yakorewe Abatutsi.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Dodos

    Biranejeje cyane, Imana ikomeze iturindire umukuru w’igihugu n’umuryango we.

    August 2019

Inzindi nkuru

Umunyamakuru Micomyiza yanenze abakwirakwije akadomo kashyizwe ku rukuta...

Umunyamakuru wamamye mu bitangazamakuru bitandukanye byo mu Rwanda witwa...
31 May 2020 Yasuwe: 6710 0

U Rwanda na Amerika byashimangiye ubufatanye mu bya Gisirikare[AMAFOTO]

U Rwanda na Leta zunze ubumwe za Amerika byashyize umukono ku masezerano...
29 May 2020 Yasuwe: 2135 0

Ba Gitifu na Dasso baherutse kugaragara mu mashusho bakubita abaturage...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
29 May 2020 Yasuwe: 832 0

Umunyarwanda Mpfizi yagiye mu marushanwa yo gukina Filimi z’urukozasoni...

Amazina ye ni Ngundu mu rurimi rw’ikigande,mu kinyarwanda rikaba risobanuye...
28 May 2020 Yasuwe: 20924 3

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 1043 0

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1929 0