Ndahimana wasezeranye n’umugore we yambaye kambambili yaguriwe inzu nziza cyane [AMAFOTO]

Amakuru   Yanditswe na: Dusingizimana Remy 28 December 2018 Yasuwe: 10912

Ndahimana Narcisse wasezeranye mu kwezi gushize n’umugore we Mutuyemariya Consilie yambaye kambambili bigakwirakwizwa ku mbuga nkoranyambaga,yaguriwe inzu ya miliyoni 3 n’ibihumbi 700 by’amafaranga y’u Rwanda n’abakoresha imbugankoranyambaga nyuma yo gukora ihuriro ryo kumufasha.

Nkuko bigaragara ku masezerano y’ ubugure, umuryango wa Ndahimana Narcisse na Mutuyemariya Consilie waguriwe iyi nzu ku munsi w’ejo nyuma y’aho aya mafaranga yari amaze kugwira,aba bagiraneza bagahitamo kuyaguramo iyi nzu ya miliyoni 3 n’ ibihumbi 700 by’amafaranga y’u Rwanda.

Ndahimana yari asanzwe atuye muri iyi nzu

Iyi nzu umuryango wa Ndahimana waguriwe iherereye mu murenge wa Shyogwe, Akagari ka Kinini, Umudugudu wa Kabungo, yaguzwe n’iri tsinda ryashinjwe n’umunyamakuru Murungi Sabin n’umuhanzi Danny Vumbi.

Ndahimana yafungurijwe konti muri BK inyuzwaho amafaranga y’ inkunga ahabwa n’iri tsinda ry’abagiraneza rimaze gukusanya inkunga ya 5,035,000 Frw ndetse ryiteguye kumufungurira umushinga umwinjiriza amafaranga ntazongere guhura n’ubukene bukabije nkuko byari bimeze.

Umuryango wa Ndahimana Narcisse urangije umwaka neza kuko na Fun club ya Rayon Sports ibabarizwa muri Mozambique yawuhaye inkunga y’ ibihumbi 350 000frw ku munsi w’ejo.

Ku wa 29 Ugushyingo 2018 nibwo Ndahimana Narcisse yasezeranye n’umufasha we Mutuyemariya Consilie w’imyaka 33 mu murenge wa Shyogwe mu Karere ka Muhanga ariko nyuma y’uyu muhango aba bombi baciye ibintu ku mbuga nkoranyambaga kubera ukuntu uyu mugabo yari yambaye kambambili ndetse atakabije kwiyitaho nkuko abandi babigenza kubera ubukene bukabije yarimo.

Ndahimana w’imyaka 42 ni umukene birenze ku buryo kugira ngo we n’umuryango we babone amaramuko ari uko umugore we Mutuyemariya ajya guca incuro kubera ko we amaranye igihe uburwayi bwamuteye ubumuga ku buryo ntacyo akimarira.

Nyuma y’ubuvugizi yakorewe n’itangazamakuru, Ndahimana yatangiye kuvurirwa muri CHUK bigizwemo uruhare n’Akarere ka Muhanga.



Ndahimana yaguriwe inzu n’abagiraneza

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble fortune

    Nibenshi bakennye ahubwo nabandi nimubafashe nonese tuvuge ko ariwe mukene murwanda wenyine nabandi barahari

    1 month ago
  • chat_bubble fortune

    Nibenshi bakennye ahubwo nabandi nimubafashe nonese tuvuge ko ariwe mukene murwanda wenyine nabandi barahari

    1 month ago

Inzindi nkuru

Nyarugenge: Abantu bubatse mu bishanga batangiye gusenyerwa

Ubuyobozi bw’akarere ka Nyarugenge bwabyukiye mu gikorwa cyo gusenyera...
18 February 2019 Yasuwe: 3027 1

Mukankusi umaze kubyarira abana batatu muri ruhurura yatangaje ubuzima...

Umubyeyi w’abana 3 witwa Mukankusi Nadine yatangaje ko aba bana bose yabyaye...
18 February 2019 Yasuwe: 3969 4

Perezida Kagame yahishuye ko intandaro y’ibibazo biri hagati y’umubano w’u...

Perezida wa Repubulika y’u Rwanda Paul Kagame yagaragaje ko ibibazo biri mu...
18 February 2019 Yasuwe: 4511 2

Imodoka ya Trinity yaritwaye abagenzi iva Kampala yerekeza i kigali yakoze...

Nk’uko byemezwa na SSP Ndushabandi Jean Marie Vianney, Umuvugizi w’Ishami rya...
17 February 2019 Yasuwe: 5691 0

Mutegaraba wabuze umuryango we wose muri Jenoside yahaye impanuro ikomeye...

Mutegaraba Venantia wagizwe inshike na Jenoside yakorewe abatutsi muri 1994...
17 February 2019 Yasuwe: 1793 0

Huye :Abagizwe incike na Jenoside batujwe mu rugo rw’impinganzima bishimiye...

Abanyarwanda bagizwe incike na jenoside batujwe mu rugo rw’Impinganzima mu...
16 February 2019 Yasuwe: 2163 0