Ngoma: Abageni bategereje ubasezeranya bubiriraho

Amakuru   Yanditswe na: Nsanzimana Ernest 21 May 2018 Yasuwe: 1791

Abasore babiri n’ abakobwa babiri bagiye gusezeranira imbere y’amategeko mu murenge wa Kibungo bategereza Umunyamabanga Nshingwabikorwa w’uyu murenge, Kanzayire Consolee wagombaga kubasezeranya bigera saa kumi n’imwe z’umugoroba bakimutegereje bamwe mu batashye ubukwe baherekeje aba bageni batangira gutaha kera kabaye babona Gitifu n’ushinzwe irangamimerere baraje abatashye ubukwe hasigaye ngerere.

Byabaye ku gicamunsi cyo kuri uyu wa Kane tariki 17 Gicurasi 2018, aho aba bageni bose bari babukereye n’inshuti n’abo mu miryango yabo yari yabaherekeje bageze ku biro by’umurenge wa Kibungo ahagana saa munani n’iminota irindwi gusa ngo bageze saa kumi n’imwe bagitegereje ubasezeranya ari nabwo gitifu Console yaje kubageraho ari kumwe n’umukozi w’umurenge ushinzwe irangamimirere babona ubusezeranya aba bageni bari basigaye bonyine inshuti n’imiryango barambiwe batashye.

Umwe mu bageni yatangaje ko bari barahawe gahunda n’ubuyobozi bw’umurenge y’uko kuwa kane saa munani n’igice aribwo bagombaga gusezeranywa gusa ngo iyi saha bahageze bategereza ubasezeranya amaso ahera mu kirere.

Umuyobozi w’akarere wungirije ushinzwe imibereho myiza y’abaturage, Kirenga Providence yatangaje ko yavuze ko impamvu yateye gitifu gukereza aba bageni ari uko yari afite urubanza yari yagiye kurangiza ruratinda gusa ngo uru rubanza rwari rukomeye kuko rwari rurimo abantu benshi kandi bigomba gukorwa na gitifu wenyine ari kumwe n’umuhesha w’inkiko utari uw’umwuga.

Visi Meya Providence kandi yakomeje avuga ko bitari bikwiye ko abantu bakirirwa muri ubu buryo ariyo mpamvu nawe yagerageje kubasobanurira ndetse no kubasaba kwihangana kuba bategereje isaha imwe cyangwa abiri ariko impamvu ari icyo kibazo cyabayeho cy’urwo rubanza rwagombaga kurangizwa na gitifu kandi nabyo byari ngombwa.
Ibyo kuba ari ubuyobozi bw’akarere bwitabajwe kugira ngo aba bageni basezerane, Visi Meya Providence yavuze ko kuba hari umukozi w’akarere wajya kuri uyu murenge ni mu rwego rwo kujya kureba icyabaye ariko impamvu babashije kumenya nk’ubuyobozi ari uko gitifu atanze kubasezeranya ku bushake ahubwo ari iyo mpamvu y’urubanza rwatinze

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uwahoze muri polisi y’ u Rwanda, urugo rwe rwatahuwemo imbunda n’...

Kabarisa Evariste wahoze ari umupolisi urugo rwe ruherereye mu kagari...
18 September 2018 Yasuwe: 2660 0

Umunyarwandakazi waharaniye inyungu z’ abarokotse Jenoside yitabye...

Umunyarwandakazi Mukankusi Christine wagize uruhare mu bikorwa bya diaspora...
18 September 2018 Yasuwe: 1257 0

Rusizi-Muganza:Abaturage bashyingura ababo ku mbuga

Abaturage bo mu murenge wa Muganza w’akarere ka Rusizi bavuga ko hari ubwo...
17 September 2018 Yasuwe: 628 0

ADEPR: Abagore barwaniye mu rusengero bapfuye amakimbirane bisanganiwe

Umugore witwa Nyirambabazi Illumine na Mukashema Beatrice bagundaguraniye...
17 September 2018 Yasuwe: 4724 5

Ruhango: Umupolisi arashinjwa gukubita umuturage agahita apfa

Mu karere ka Ruhango umurenge wa Kinazi umupolisi akubise umuturage witwa...
15 September 2018 Yasuwe: 8730 5

Kizito Mihigo na Ingabire Victoire bamaze gusohoka muri gereza...

Mugitondo cyo kuri uyu wa 15 Nzeli 2018 nibwo Umuhanzi Kizito Mihigo...
15 September 2018 Yasuwe: 2897 0