startimes

Ngoma: Abana batatu barigise mu rufunzo bahasiga ubuzima

Amakuru   Yanditswe na: Dusingizimana Remy 4 September 2019 Yasuwe: 1824

Abana batatu barimo abahungu babiri n’umukobwa umwe bo mu karere ka Ngoma baburiwe irengero ku wa Mbere tariki 2 Nzeri 2019, basanzwe mu rufunzo rw’uruzi rw’Akagera bitabye Imana.



Aba bana bari mu kigero cy’imyaka itandatu n’icumi,bavuye iwabo mu Kagari ka Rubona mu Murenge wa Rukumberi, Akarere ka Ngoma ari bane kuwa Mbere w’iki cyumweru, bagiye gushaka inkwi,bageze muri uru rufunzo bararigita 3 bahasiga ubuzima umwe arokorwa akiri muzima.

Ababyeyi b’aba bana bagiye gushaka inkwi,bigeze ku mugoroba iwabo barabategereza baraheba, batangira kubashakisha ariko bwira batababonye.

Kuri uyu wa Kabiri aba babyeyi bafatanyije n’ubuyobozi bw’inzego z’ibanze n’Ishami rya Polisi rishinzwe umutekano wo mu mazi, babona imirambo yabo ku nkombe z’uru rufunzo bapfuye.

Abana bapfuye barimo Aphrodisiac Tuyishimire w’imyaka icumi, Jeovan Mugisha w’imyaka umunani na Chanceline Umubyeyi w’imyaka itandatu.Uwarokotse yitwa Redempta Irabyoroshya.

Babonetse ahagana 18h45, batatu bamaze kwitaba Imana mu gihe umwe w’imyaka irindwi wari ukiri muzima, yajyanywe ku Kigo Nderabuzima cya Rukumberi.

Umuyobozi Wungirije w’Akarere ka Ngoma ushinzwe imibereho myiza y’Abaturage, Kirenga Providence, yabwiye IGIHE dukesha inkuru ati “Umwe yaguyemo undi nawe ajya kumukurura, ni ukuvuga ngo uwasigaye ni uwabonye bose basa n’abagiye gushiriramo, arifata. Mu gifunzo amazi ntabwo ushobora kuyabona, kuko hari igihe haba hari ibyobo.”

Yasabye abaturage kutemerera abana babo kwegera urufunzo n’ubonye hari ugiye kujyamo akamubuza cyangwa agatanga amakuru kuko bitemewe kuhegera.

Aba bana bitabye Imana ni abo kwa Eliezel Ndorimana na Irena yamfashije bo mu mudugudu wa Maswa ya mbere, Akagari ka Rubona, Umurenge wa Rukumberi bakaba bigaga muri Groupe Scolaire ya Rwintashya.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble mazina

    Koko biteye agahinda.L’avenir les attendait.Abantu benshi mu Rwanda bafite ikibazo gikomeye k’inkwi zo gutekesha.Ababyeyi babo nibihangane.Bashobora kuzazuka ku munsi w’imperuka nkuko Yesu yabyijeje abantu bose bumvira Imana kandi ntibibere gusa mu gushaka ibyisi,ahubwo bakabifatanya no gushaka Imana cyane.

    September 2019

Inzindi nkuru

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 1564 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1547 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1713 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 917 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1555 0

Umupasiteri wo mu Rwanda yatunguranye avuga uburyo yabaye inkone ya...

Amazina ye ni Pasiteri Jean de Dieu UWIRAGIYE akaba ari umpasiteri...
12 June 2020 Yasuwe: 3510 1