Ngoma: Inzu y’ inkodeshanyo yahitanye umugore n’ abana be batatu kubera imvura

Amakuru   Yanditswe na: Nsanzimana Ernest 10 March 2018 Yasuwe: 2625

Inzu yagushijwe n’ imvura n’ umuyaga , internet photo

Mukaneza Thacienne n’ abana be batatu bagwiriwe n’ igikuta cy’ inzu bakodeshaga bose bahita bitaba Imana.

Byabereye mu murenge wa Kibungo akagari ka Cyasemakamba mu mudugudu wa Kabeza nyuma y’ imvura ivanze n’ umuyaga yaguye muri aka karere kuri uyu wa 9 Werurwe 2018.

Kaneza utabanaga n’ umugabo yari afite abana batatu barimo umuhungu w’ imyaka 13, na mushikiwe w’ imyaka 5 ndetse n’ akana k’ agahinja kari gafite umwaka umwe.

Umuyobozi w’ akarere ka Ngoma wungirije ushinzwe Imibereho Myiza y’ Abaturage KIRENGA Providence yatangarije UMURYANGO ko imirambo ya ba Nyakwigendera yajyanywe ku bitaro kugira ngo bamenyeshe abo mu miryango yabo bitegura gushyira.

Yagize ati “Haraye haguye imvura nyinshi irimo n’ umuyaga, haba impanuka inzu igwira umuryango urimo umubyeyi n’ abana be batatu bose bahita bitaba Imana. Twabagejeje ku bitaro kugira huzuzwe ibyo amategeko ateganya bakorerwe ibizamini byo kwemeza icyateye urupfu ‘autopsy’ kugira ngo imihango yo gushyingura ibone gukomeza”

Visi Meya Kirenga yatangaje ko kugwa kw’ iyi nzu uyu mubyeyi yakodeshaga bitatewe no kuba itari ikomeye ahubwo byatewe n’ uko imvura yarimo umuyaga mwinshi nayo ari nyinshi maze amazi agacengera mu gikuta kugeza kiguye.

Yagize ati “Impanuka ntabwo wamenya ikiyitera kubera ko harimo imvura nyinshi n’ umuyaga. Urebye aho yari yubatse birashoboka ko amazi yinjiye mu butakaba bwari buyegereye igikuta kigatemba, ntabwo navuga ko ariyo nzu itari ikomeye muri ako gace”

Muri aka karere hangiritse andi mazu abiri yo mu murenge wa Remera ba nyira yo bajyanywe gucumbikirizwa ahandi nk’ uko Kirenga yabitangarije UMURYANGO.

Uyu mubyeyi Kaneza yagiye gukodesha mu murenge wa Kibungo avuye mu murenge wa Karembo nawo wo mu karere ka Ngoma mu ntara y’ iburasirazuba.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ngoma: Abageni bategereje ubasezeranya bubiriraho

Abasore babiri n’ abakobwa babiri bagiye gusezeranira imbere y’amategeko mu...
21 May 2018 Yasuwe: 1386 0

Kayonza: Umukozi wa SACCO ya Murundi arakekwaho kurigisa arenga 55 000 000...

Polisi y’u Rwanda ifatanyije n’Urwego rw’Igihugu rw’Ubugenzacyaha mu karere ka...
20 May 2018 Yasuwe: 945 0

Perezida Kagame ategerejwe mu Bufaransa

Perezida wa Repubulika y’ u Rwanda Paul Kagame tariki 24 na 26 Gicurasi uyu...
16 May 2018 Yasuwe: 2115 0

Imodoka nini zabujijwe gukoresha umuhanda Kigali- Gicumbi-Gatuna

Polisi y’ u Rwanda yatangaje ko abatwara imodoka bakwirinda guca mu muhanda...
15 May 2018 Yasuwe: 1358 0

Mu masaha abarirwa ku ntoki impunzi zishaka gutaha ziratangira...

Leta y’ u Rwanda ifatanyije n’ ishami ry’ umuryango w’ abibumbye ryita ku...
14 May 2018 Yasuwe: 3559 0

Kizito Mihigo yasubiye imbere y’ urukiko

Mu gitondo cyo kuri uyu wa Mbere tariki 14 Gicurasi 2018 Kizito Mihigo, na...
14 May 2018 Yasuwe: 4344 0