Ngoma: Umuturage aravuga ko abarimo gukora umuhanda Rusumo - Ngoma bayoboye amazi mu nzu ye

Amakuru   Yanditswe na: Nsanzimana Ernest 27 March 2018 Yasuwe: 553

Umuturage witwa Nsanzitora Jean Claude utuye mu mudugudu wa Gisaka akagari ka Mango umurenge wa Kibungo mu karere ka Ngoma , aravugako ahangayikishijwe n’inzu ye yayoboweho amazi yatangiye kuyisenya ndetse inashyirwa mu manegeka n’abarimo gukora umuhanda Rusumo –Ngoma .

Uyu muturage aravuga ko ahangayikishijwe bikomeye n ’ikibazo cy’uko inzu abanamo n’umuryango we ugizwe n’abantu batandatu yatangiye gusenyuka , bitewe n ’ ibikorwa byo kwagura umuhanda Rusumo –Ngoma byasize inzu ye iri ku manegeka , ndetse ngo ikaba yaratangiye gusenywa n’amazi yayobowe kuri iyi nzu ubwo hacukurwanga ahazanyuzwa insinga z’ imiyoboro migari ya interinete.
Abaturanye n’uyu muryango nabo baravuga ko bahangayikishijwe n’uburyo inzu y’umuturanyi wabo yashyizwe mu kaga katewe n’ikorwa ry’uyu muhanda aho bamusabira ko yatabarwa.

Umuyobozi wungirije w’akarere ka Ngoma ushinzwe ubukungu Rwiririza JMV avuga ko barimo kuvugana n’abazatanga ingurane kugira ngo uyu muturage hamwe n’abandi basizwe mu manegeka bishyurwe bajye kureba ahandi batura.

Uretse iyi nzu y’uyu muturage yashyizwe mu manegegeka kandi abatuye muri aka gace banahangayikishijwe n’igiti cy’umuvumu kiri hafi y’urwo rugo nacyo cyasizwe ku manegeka ku buryo nacyo ngo isaha n’isaha gishobora kugwa kikaba cyateza impanuka.

Ku bijyanye n’ikibazo cy’ibiti byasizwe ku manegeka hafi y’uyu muhanda urimo gukorwa, umuyobozi wungiije w’akarere ka Ngoma ushinzwe ubukungu yavuze ko ibiti byose babona bishobora guteza ibibazo batangiye gahunda yo kubitema ku buryo ngo n’icyo kivumu na cyo kizatemwa.

Kuba ikorwa ry’uyu muhanda hari imitungo y’abaturage yagiye yangizwa ndetse bamwe bagasigara ku manegeka ariko ntibahite bishyurwa ngo ni kimwe mu bibazo bahanganye na byo kuko ngo bakagomye kuba barishyuwe mbere abimuka bakimuka hanyuma ibikorwa bigakomeza.

Src: TV1

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

RDC yamaganye bikomeye ibyemezo byafatiwe mu nama ya AU

Repubulika iharanira Demokarasi ya kongo yamaganye bikomeye ibyemezo...
18 January 2019 Yasuwe: 2532 0

Gasabo:Gaz yaturitse yica uwari uyitetseho isenya n’ inzu

Umugore witwa Nagapfura Brigitte w’imyaka 35 utuye mu murenge wa Gisozi mu...
18 January 2019 Yasuwe: 4017 0

Minisitiri Nduhungirehe yakozwe ku mutima n’amashusho y’indirimbo ya King...

Umunyamabanga wa leta muri Minisiteri y’Ububanyi n’Amahanga, Amb.Olivier...
18 January 2019 Yasuwe: 2921 0

RRA irishyuza Anne Rwigara imisoro ingana na Miliyari Enye z’amafaranga y’u...

Ikigo cy’imisoro n’amahoro, Rwanda Revenue Authority, kirishyuza Anne Rwigara...
17 January 2019 Yasuwe: 2078 0

Perezida Kagame yababariye ba bana batsindiye ibizamini bya Leta muri...

Umukuru w’igihugu Nyakubahwa Paul Kagame yababariye abana abana 16 barimo...
16 January 2019 Yasuwe: 2247 0

Nyamirambo:Abanyerondo bategetswe kurinda irimbi kubera ibisambo bitaburura...

Abanyerondo b’I Nyamirambo bategetswe kurinda irimbi riherereye ahitwa mu...
16 January 2019 Yasuwe: 1718 0