dnd

Nyabihu: Polisi yarashe umugabo ucuruza inkweto yahagaritse atwaye magendu akanga

Amakuru   Yanditswe na: Dusingizimana Remy 27 September 2019 Yasuwe: 6068

Umugabo witwa Habarurema Jean Claude bakundaga kwita Gasore wacuruza inkweto, yarasiwe mu karere ka Nyabihu mu murenge wa Bigogwe mu kagari ka Kijote ubwo yari mu modoka atwaye magendu y’inkweto polisi imuhagaritse yanga guhagarara.



Ahagana saa sita z’amanywa, kuri uyu wa Gatanu tariki 27 Nzeri 2019,nibwo uyu Habarurema yari mu modoka yavaga Rubavu yerekeza I Musanze afite agafuka karimo imiguru 10 y’inkweto, yabonye polisi ibahagaritse afata aka gafuka ke ariruka,umupolisi amwirukaho ari kumurasa.

Nkuko abaturage babitangarije Radio & TV1,uyu mupolisi yarashe amasasu ane Habarurema, arimo 2 yamufashe bimuviramo urupfu.

Abaturage bavuze ko ubwo umupolisi yamwirukankanaga yamurashe amasasu abiri amuhusha, nyuma akaza kumurasa andi abiri yamaze kumugeraho ndetse ngo akaba yabanje no kumukubita inshyi ebyiri.

Abaturage barakajwe n’urupfu rwa Habarurema bituma bashaka gukora igisa n’imyigaragambyo bahagarara mu muhanda banga ko umurambo w’uwishwe utwarwa, gusa ntibyamaze akanya.

Umuvugisi wa polisi y’u Rwanda CP John Bosco Kabera yatangaje ko ayo makuru ariyo, ko abapolisi bari bacunze umutekano wo mu muhanda bahagaritse imodoka hakavamo umuntu ufite igikapu akiruka umupolisi yamurasa isasu rigafata mu cyico.

Uyu mucuruzi w’inkweto,Habarurema, yari asanzwe atuye mu murenge wa Nyakiliba mu karere ka Rubavu, akaba asize umugore n’abana batatu.Polisi iri gukora iperereza ngo barebe ko uyu mupolisi warashe Habarurema atakoresheje ingufu z’umurengera.

Inkuru ya Radio&TV1

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble SIMBIZI

    reka dutakambire muzee wacu kuko ukuntu adukunda n’amahanga arabizi, icya mbere niri raswa rya bantu buri munsi, nyakubahwa! n’abazira urumogi bamwe mu babarasa nibo baba babahaye inzira, ntahandi runyura uretse ku mupaka no ku nkengero ryawo, iyo afashwe bihutira kumurasa basibanganya ibimenyetso, kimwe nuko hari ababyihishe inyuma ngo baharabike ubumwe bwacu, icya2 uku kwiyahura kwa buri munsi ko bimaze kuba inshyoberamahanga! nyakubahwa prezida wacu, cya cyizere cya police n’abaturage kirimo gukemangwa,

    2 months ago
  • chat_bubble nkubito

    ibyo umupolisi yakoze nibyo.kuki polish imihagarika akiruka?gufatanwa inkweto numvako ntacyo bagutwara.yari guhagarara.ikindi umupolisi ari mukazi afite imbunda tugomba kumenyako iyo bibaye ngombwa ikoreshwa.ntitukiruke baduhagaritse kuko nabo ntago baba bashaka kuturasa ahubwo nitwe tubyitera.

    2 months ago
  • chat_bubble Theoneste

    Birababaje kuba iyi nkuru itavuga ukuri neza,
    Uyu mugabo yirutse inkweto za caguwa arazita, umupolisi amurasa rimwe aragwa, amusanga aho yaguye amukubita inshyi, undi nawe amusaba imbabazi arazimwima, ahita amurasa amasasu arenga 2 mu murima amukandagiye hejuru. Birababaje ndetse cyane kuba umuntu asigaye yicwa nk’ikimonyo twese tureba. Abaturage turababaye kuko ibi bimaze gufata intera ndende. Abasirikare cyane cyane abapolisi birakabije, ubunyamwuga bushobora kuba bugenda bugabanuka cyane.

    2 months ago
  • chat_bubble

    nyamara nibikomeza gutya abantu barashira, ubu se umuntu azongera kwizera police, buri munsi urusasu ruravuz’ubuhuha, biragaragara ko usibye kurasa abantu nta nyigishyo zindi bagihabwa, none ko bavuga ngo abaturage batangire amajuru ku gihe? ngo bakumire icyaha kitaraba? ubu nutanga amakuru adashimishije umwe muri police uzaba ucyizeye kubaho kandi afite imbunda, ndatse ari bushigikirwe n’umuvugizi wa police y’igihugu ko wirutse bakakurasa, cg turi mubihe bidasanzwe niba ntakibyihishe inyuma.

    2 months ago
  • chat_bubble

    nyamara nibikomeza gutya abantu barashira, ubu se umuntu azongera kwizera police, buri munsi urusasu ruravuz’ubuhuha, biragaragara ko usibye kurasa abantu nta nyigishyo zindi bagihabwa, none ko bavuga ngo abaturage batangire amajuru ku gihe? ngo bakumire icyaha kitaraba? ubu nutanga amakuru adashimishije umwe muri police uzaba ucyizeye kubaho kandi afite imbunda, ndatse ari bushigikirwe n’umuvugizi wa police y’igihugu ko wirutse bakakurasa, cg turi mubihe bidasanzwe niba ntakibyihishe inyuma.

    2 months ago
  • chat_bubble Evelyne

    Ibi birababaje kwica abantu ’!!!
    ubundise biremewe kurasa uta kurwanije?

    2 months ago
  • chat_bubble

    Uwomupolice rwose bamwirukane!!!

    2 months ago
  • chat_bubble kkkk

    Ariko mbabaze ubwo iyo bavuze ngo bagiye gukora iperereza barebeko atakiresheje imbaraga zumurengera ariko HE ko twakwitoreye tugukunze wadufashije abaturengsnya

    2 months ago
  • chat_bubble kkkk

    Ariko mbabaze ubwo iyo bavuze ngo bagiye gukora iperereza barebeko atakiresheje imbaraga zumurengera ariko HE ko twakwitoreye tugukunze wadufashije abaturengsnya

    2 months ago

Inzindi nkuru

Kicukiro:Polisi yafashe umushoferi washutse umuturage amwaka ruswa...

Ku mugoroba wo kuri uyu wa Gatatu tariki ya 11 Ukuboza nibwo Polisi y’u...
13 December 2019 Yasuwe: 2700 0

Abanyarwanda 2 bakubitiwe muri Uganda bajugunywa ku mupaka ari...

Kuri uyu wa 12 Ukuboza 2019 Guverineri w’intara y’Amajyaruguru abinyujije...
12 December 2019 Yasuwe: 3500 3

Nyagatare:Gitifu arashinjwa kwiba ihene

Umunyamabanga Nshingwabikorwa w’Akagari ka Nyarukamba mu Murenge wa Gatunda...
12 December 2019 Yasuwe: 2851 0

U Rwanda rwavanyeho imisoro ku bicuruzwa by’isuku y’abagore n’abakobwa bari mu...

U Rwanda rwavanyeho imisoro ku nyongeragaciro (TVA) ku bicuruzwa by’isuku...
11 December 2019 Yasuwe: 3381 1

Hafashwe uwari ufite ibicuruzwa bitemewe mu Rwanda birimo n’amavuta ya...

Polisi y’u Rwanda ikorera mu karere ka Nyamasheke mu murenge wa Ruharambuga...
11 December 2019 Yasuwe: 1893 0

BNR yaburiye abinjira muri konti zabo za banki bakoresheje Wi-fi

Banki Nkuru y’Igihugu (BNR), irahamagarira abantu bose guhagarika kwinjira...
11 December 2019 Yasuwe: 7668 0