Nyagatare: Umukozi wa REG yishwe n’ umuriro w’ amashanyarazi

Amakuru   Yanditswe na: 27 April 2017 Yasuwe: 2153

Maombi Evariste wari Umukozi w’Ikigo Gishinzwe Ingufu (REG) yishwe n’impanuka ubwo yafatwaga n’amashanyarazi ari mu kazi yuriye ipoto mu Karere ka Nyagatare.

Inkuru y’urupfu rwa Maombi yamenyekanye ku mugoroba wo kuri uyu wa 25 Mata 2017, ubwo yafatwaga n’amashanyarazi ari mu kazi ari kumwe na bagenzi be mu Murenge wa Nyagatare.

Abari aho iyo mpanuka yabereye babwiye RBA ko babanje kumva ikintu giturika, bakebutse basanga Maombi ari kunagana.

Umwe yagize ati “Hari nko mu ma saa kumi n’ebyiri, bari bakiri hejuru ya kiriya cyuma, nyuma tugiye kubona tubona arasa n’unaganye, abantu bati ‘buriya amashanyarazi aramukubise’, tubona agagariyeyo.”

Undi yagize ati “Kuva mu gitondo bano bakozi ba REG bari bari gukora amashanyarazi kugeza ku mugoroba nka saa kumi n’imwe, ku ipoto hari huriye abakozi batatu ba REG bari gukurura umuriro. Umwe agiye kumanuka gutya umuriro uba uramukubise, aguma mu kirere, tumugeza ku bitaro baratubwira ngo ashobora kuba yapfuye.”

Umuyobozi wa REG ishami rwa Nyagatare, Gasingirwa Justin, yavuze ko bari bakuyeho amashanyarazi, ku buryo hari kwibazwa uburyo byaba byagenze ngo Maombi yicwe n’iyi mpanuka.

Yagize ati “Muri rusange ntabwo higeze habaho kuba twasubizaho umuriro umukozi akiri mu kazi, ibyo byo ntabwo rwose bishoboka kuko amakipe yose ari mu kazi turabanza tukavugama tuti hari gukorwa iki, hagiye gukorwa iki, ku buryo noneho mbere y’uko hakorwa ikintu turi bubanze tuvugane. Niko byagenze.”

Yabanje kuvuga ko mu bumenyi bw’amashanyarazi cyane ku nzira ndende kandi zitwara amashanyarazi menshi, hari ingano nke y’umuriro isigara mu nsinga zitwara amashanyarazi.

Yakomeje agira ati “Indi mpamvu na none turi gukeka ni uko ahakorerwaga hari ibitaro, hakaba n’ikusanyirizo ry’amata. Muri icyo gihe umuriro utari uhari bakoreshaga moteri. Hari igihe rero izo moteri nazo zishobora gusunikira umuriro mu murongo wacu. Iyo nkomoko y’umuriro nayo ishobora guturuka aho ngaho, nabyo bikaba byateza impanuka nk’izo zabaye.”

Polisi mu Karere ka Nyagatare yatangiye iperereza kuri uru rupfu, REG ikaba ivuga ko igiye gufasha umuryango wa nyakwigendera ngo harebwe ibiteganywa n’ubwishingizi ku bakozi b’iki kigo.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Mbigenze nte ? Umugore wanjye yahukanye kuko nta kibasha gutera...

Umusomyi w’ UMURYANGO yatwandikiye agira ngo umugire inama y’icyo yakora...
15 November 2017 Yasuwe: 832 2

Nyarugenge: Abantu 3 bakurikiranyweho ubwambuzi bw’asaga Miliyoni...

Polisi y’u Rwanda mu karere ka Nyarugenge ifunze abagabo batatu bakekwaho...
13 November 2017 Yasuwe: 1533 0

Musanze: Umubyeyi w’ abana bane yakuyemo inda abeshya abaganga ko yagiye mu...

Umubyeyi Twahaye izina rya Mukanama wo mu murenge wa Muko mu karere ka...
13 November 2017 Yasuwe: 2396 0

Bishop Rugagi yashyize hanze amabanga ya Bahati uherutse ku mushinja...

Umupasiteri umaze kwamamara mu Rwanda no hanze yarwo biturutse ku...
11 November 2017 Yasuwe: 3167 0

Imyitozo y’Ingabo z’u Rwanda ubwo zagaragarizaga Perezida Kagame ubuhanga...

Perezida wa Repubulika y’u Rwanda Paul Kagame, kuri uyu wa Gatanu yitabiriye...
11 November 2017 Yasuwe: 4758 0

Bishop Rugagi yatamaje umusaza wamwiyitiriye

Umushumba mukuru w’ itorero Redeemed gospel church Bishop Innocent Rugagi...
11 November 2017 Yasuwe: 2999 0