Nyagatare:Umwana muto yishwe bamuciye umutwe banatwara bimwe mu bice by’umubiri we birimo igitsina n’ururimi

Amakuru   Yanditswe na: Martin Munezero 13 March 2020 Yasuwe: 2662

Abagizi ba nabi mu Karere ka Nyagatare mu Murenge wa Tabagwe bishe umwana w’imyaka ibiri n’igice bamuciye umutwe, banatwara bimwe mu bice by’umubiri we birimo igitsina n’ururimi.



Ibi byabaye kuwa Kabiri w’iki cyumweru mu Mudugudu wa Runyinya mu Kagari ka Nkoma mu Murenge wa Tabagwe.

Umunyamabanga Nshingwabikorwa w’Umurenge wa Tabagwe, Munyangabo Célestin yavuze ko uwo mwana bari bamubuze, aho abonekeye bagasanga yapfuye yakaswe ijosi.

Yagize ati “Yabuze kuwa Kabiri ku manywa ubwo nyina yari ari mu murima nawe ari iruhande rwe haruguru y’ingo zari zihari. Umwana yaje kubura baramushakisha ntaboneke. Yaje kuboneka bigeze ahagana saa yine z’ijoro ubwo umuntu yajyaga mu musarani akavuga ko abonyemo ikintu kidasanzwe barebye basanga ni umubiri wa wa mwana.”



Yakomeje agira ati “ Twaje gukurikirana umwana tumukuramo dusanga ni abagizi ba nabi bamwishe bamukase umutwe. Umutwe barawukase bawukuraho hari n’ibice by’umubiri tutabonye birimo igitsina cye n’ururimi.”

Uyu muyobozi yakomeje avuga ko ubugizi bwa nabi nk’ubu budasanzwe muri uyu murenge, ngo ni ibintu byatunguranye.

Hari abantu batatu bakekwaho ubwo bugizi bwa nabi bahise batabwa muri yombi mu gihe umurambo w’umwana wagejejwe mu bitaro bya Nyagatare kugira ngo upimwe.



Si ubwa mbere muri aka Karere hagaragaye amarorerwa nk’aya kuko mu mwaka ushize mu Murenge wa Katabagemu umugabo yasanganywe mu nzu imirambo y’abana bane b’abaturanyi be.

Source: IGIHE

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Nyarugenge:Abantu 2 bagaragaye mu mashusho bakubita ukekwaho kwiba Telefone...

Kuwa Gatatu tariki 1 Mata 2020 nibwo ku mbuga nkoranyambaga hasakajwe...
4 April 2020 Yasuwe: 2711 0

Abakorera Siporo hanze y’ingo zabo bagiriwe inama na Polisi

Polisi y’u Rwanda iributsa abaturarwanda ko nta muntu wemerewe gusohoka mu...
3 April 2020 Yasuwe: 1785 0

Covid-19:Rimenyande yatawe muri yombi n’abamufashaga kwakira abamutwerereye...

Tariki ya 29 Werurwe nibwo Polisi y’u Rwanda yafashe uwitwa Rimenyande Jean...
3 April 2020 Yasuwe: 2814 1

Kayonza:Icyuzi cya Ruramira kiri hafi gukamishwa kugira ngo hashakishwe...

Icyuzi cya Ruramira giherereye mu murenge wa Ruramira mu Karere ka...
31 March 2020 Yasuwe: 4281 0

Musanze:Abantu 7 bafunzwe bazira kugira akabari urugo muri ibi...

Abantu barindwi bafashwe bifungiranye mu gipangu cy’aho uwitwa Sam Kiruhura,...
30 March 2020 Yasuwe: 2629 0

Gisagara:Nzirorera Emmanuel yatemye umugore we n’umwana ndetse n’umuturanyi...

Mu karere ka Gisagara, umurenge wa Ndora, akagari ka Cyamukuza, mu mudugudu...
29 March 2020 Yasuwe: 4086 0