Nyamagabe: Batsinze ikizamini kibinjiza mu bakozi ba Leta barahamagarwa ariko ntibinjizwa mu kazi

Amakuru   Yanditswe na: Nsanzimana Ernest 22 September 2018 Yasuwe: 5056

Bamwe mu bakoze ibizamini byo kwigisha mu mashuri abanza mu karere ka Nyamagabe,baravuga ko barenganyijwe nyuma yo gutsinda ibizamini ariko bajya gutangira akazi bakabwirwa ko impamyabumenyi zabo zitabemerera kwigisha mu mashuri abanza.

Ushinzwe uburezi mu karere we aravugako iki kibazo cyatewe no kwibeshya mu gutoranya abemerewe gukora ikizamini,kuko bo ngo nubwo bize uburezi bw’amashuri abanza ariko bakurikiranye by’umwihariko ay’inshuke.

Aba bari batoranyijwe mu gukora ikizamini cy’ubwarimu cyo kwigisha amasomo anyuranye mu mashuri abanza,bakora ikizamini ,baragitsinda,ngo baranahamagarwa ku karere kuzana dosiye zuzuye kugira ngo batangire akazi ,nyamara ngo batungurwaga no kubwirwa ko bo batemerewe,ko nubwo bize uburezi ,ari ubwo mu mashuri y’inshuke.

Ku mpamyabumenyi zabo zigaragaza ko bize uburezi bw’amashuri abanza,agashami k’inshuke,ariko ngo baba barize byinshi by’uburezi bw’amashuri abanza,hakongeraho n’uburezi bw’inshuke,ngo bikanagaragazwa nanone n’amanota ya mbere bagize batsinda iki kizamini.

Aba harimo n’uwari wabaye uwa mbere mu kizamini ngo nyuma yo guhamagarwa ko batsinze ,bageze ku karere bajyanye ibyangombwa babwirwa ko ari ukwibeshya kwabayeho,kuko batari bakwiye gutoranywa mu bemerewe gukora ikizamini.

Gusa kuri bo ngo bararenganye bitewe n’uko batiyumvisha uburyo habaho kwibeshya mu gihe mbere no mu gukora ikizamini babanzaga kugenzura ibyangombwa byatanzwe n’abagiye kugikora.Ikindi bibaza ni uburyo bagenzi babo biganye bimwe ngo bakora mu tundi turere tutari Nyamagabe,bo nta kibazo bafite bigisha mu mashuri abanza,bagasaba guhabwa akazi batsindiye cg kubisobanurirwa neza niba ari ikibazo cya diplome.

NTEZIRYAYO Andre ushinzwe uburezi mu karere ka Nyamagabe,yemera ko iki kibazo cyatewe n’impande ebyiri,harimo uwabatoranyije mu bazakora ikizamini wabibeshyeho,ndetse ngo n’aba baje gukora ikizamini batacyemerewe kuko nubwo biga byose,diplome zabo zigaragaza ko bize uburezi bw’inshuke atari mu mashuri abanza.

Cyakora abize bimwe n’aba ariko bakora mu tundi turere nabo twavuganye,batubwiye ko ho nta kibazo bafite,ibyo aba batiyumvisha.Gusa umuyobozi ushinzwe uburezi muri aka karere ntashidikanya ko aba bize byose bakaba babyumva neza nk’uko bigaragazwa n’amanota ya mbere bagize mu kizamini,ariko ngo ni amabwiriza bafite ko aba bagomba kwigisha amashuri y’inshuke gusa kabone nubwo bafite izi diprome z’amashuri abanza.

Src: TV1

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble habumuremyi

    ibyose biracyabaho murwanda minister yabakozi bareta nibikurikirane imenye amakuru afatika

    September 2018
  • chat_bubble Gaterare

    Mwe murakina, mukarere ka KIREHE ko hari abarimu bari bakamazemo amezi arenga arindwi none bakaba baradusezereye ngo habayeho kwibeshya mu ikorwa ry ibizami?! Rwanda we

    September 2018
  • chat_bubble Leo

    Abashyinzwe uburezi muturere bagombye kumenya ko n’abize ubwarimu mumashuri abanza bakorerwa selection hashingiwe kubyo bize TSM, TSS, TML.Kubavanga night ikosa rikomeye.

    September 2018

Inzindi nkuru

Kigali: Ibihumbi by’abitabiriye inama babwirwa ko barayisaruramo amadolari...

Abantu babarirwa mu bihumbi bazindukiye kuri Kigali Convention Center...
25 June 2019 Yasuwe: 3995 1

Ibyemezo by’Inama y’Abaminisitiri yo kuwa Mbere tariki 24 Kamena...

Kuri uyu wa Mbere, tariki ya 24 Kamena 2019, Inama y’Abaminisitiri idasanzwe...
24 June 2019 Yasuwe: 3545 0

Nyarugenge: Imodoka ya Coaster yabuze Feri igonga imodoka nyinshi zari...

Imodoka yo mu bwoko bwa Coaster ya kompanyi itwara abagenzi ya RFTC,yabuze...
24 June 2019 Yasuwe: 5240 1

U Rwanda rwungutse inkura 5 z’umukara rwakuye I Burayi

Ku nshuro ya mbere mu mateka habaye iyimurwa ry’inkura z’umukara eshanu...
24 June 2019 Yasuwe: 1989 0

Perezida Kagame yasabye abanyaburayi kugabanya kumva ko bari hejuru mu...

Nyakubahwa perezida Paul Kagame yasabye ibihugu byo ku mugabane w’Uburayi...
24 June 2019 Yasuwe: 1928 1

Dore amwe mu mazina ajimije abantu basigaye bakoresha iyo bagiye kugura...

Ubusanzwe umuntu agura agakingirizo agamije kwikingira indwara zandurira mu...
22 June 2019 Yasuwe: 5990 1