Nyamagabe: Umusore akurikiranyweho gukubita Dasso igiti mu mutwe akamwica

Amakuru   Yanditwe na: Iyamuremye Janvier 9 August 2017 Yasuwe: 1167

Umusore utuye mu Kagari ka Karama mu Murenge wa Cyanika mu karere ka Nyamagabe, yatawe muri yombi na Polisi y’u Rwanda akurikiranyweho icyaha cyo gukubita Dasso igiti mu mutwe akamwica.

Uyu mukozi w’urwego rushinzwe umutekano rwa Dasso wakubiswe yitwa Jean Damascene Ntawuhigimana.Ku wa Kabiri tariki ya 8 Kanama 2017 mu masaha y’ijoro ahagana saa tanu z’ijoro, nibwo uyu musore yasanze Dasso mu kabari aho yari kunywera.

Umunyamabanga Nshingwabikorwa w’Umurenge wa Cyanika, Jean Chrisostome Ndorimana, yavuze ko uyu musore yari asanzwe azwi nk’umuntu wananiranye kuko yari amaze igihe afunzwe, akaba yakoze icyo cyaha yari amaze iminsi afunguwe.

Yagize ati “Asanzwe azwi nk’umuntu wanananiranye, amaze iminsi mike afunguwe. Yaje yinjira mu kabari asagararira umuturage noneho Dasso iravuga iti ‘ese uyu muntu uteza akavuyo hari n’inzego z’umutekano ninde?’ ubwo uwo muturage we yahise ahaguruka aritahira. Yagumye aho acunga Dasso asohotse ahita amukubita igiti cy’umuhembezo inshuro ebyiri mu mutwe”.

Inkuru ya Igihe ivuga ko, ubuyobozi bwihutiye kujyana Dasso kwa muganga ariko yagerayo akitaba Imana.

Umuvugizi wa Polisi mu Ntara y’Amajyepfo, IP Emmanuel Kayigi na we yemeje ayo makuru, avuga ko ukekwaho kwica umu-DASSO yabanje kugirana na we amakimbirane mu kabari, noneho atashye aramukurikira amukubita igiti mu mutwe aramwica.

Yavuze ko kuri ubu afungiye kuri sitasiyo ya polisi ya Gasaka aho akurikiranyweho icyaha cy’urugomo rwateye urupfu. Ngo agiye gukorerwa dosiye ashyikirizwe ubushinjacyaha, aramutse ahamwe n’icyaha yahanishwa igifungo cya burundu nkuko amategeko abiteganya.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Diane yongeye gusaba Kagame kubafungura, Adeline avuga ko batatoroka...

Urukiko rwisumbuye rwa Nyarugenge kuri uyu wa gatatu tariki ya 18 Ukwakira...
18 October 2017 Yasuwe: 4693 5

Menya impamvu abatuye ahubatswe umudugudu w’ ikitegererezo i Huye bawise...

Abahawe amazu mu mudugudu w’ ikitegererezo wubatswe mu murenge wa Simbi n’...
8 October 2017 Yasuwe: 2031 0

Uganda: Imfungwa irwariye mu bitaro nyuma yo kumira ibihumbi 50 by’...

Sengigwa Sendodie ufungiye mu gihugu cya Uganda arwariye mu bitaro bya...
4 October 2017 Yasuwe: 987 0

Kwa Sebarinda babonye umwana wabo baherukaga muri Jenoside

Sebarinda Leonard n’ umuryango batuye mu murenge wa Ntarama mu Karere ka...
4 October 2017 Yasuwe: 5263 0

U Rwanda na Malawi barimo kwiga ku ngingo yo kohererezanya abakekwaho...

Guverinoma y’ u Rwanda n’ iya Malawi bari mu biganiro biganisha ku gusinya...
3 October 2017 Yasuwe: 634 0

‘Imiyoborere myiza ni ukwegera umuturage ukamenya imibereho ye’...

Guverineri w’ intara y’ amagepfo Mureshyankwano Marie Rose yasuye abaturage...
1 October 2017 Yasuwe: 279 0