Nyamasheke:Abagabo babiri barwanye bapfa 200 FRW umwe ahasiga ubuzima

Amakuru   Yanditswe na: Martin Munezero 28 December 2019 Yasuwe: 3122

Mu gitondo cyo kuri uyu wa Gatandatu abagabo babiri barwaniye mu gasantri ka Tyazo gaherereye mu murenge wa Kanjongo ho mu karere ka Nyamasheke bapfa amafaranga 200frw bari bahawe n’umushoferi maze umwe ahasiga ubuzima.



Ibi byabaye mu masaha ya saa mbiri za mu gitondo ubwo Habimana Jean Pierre na Muhire Samuel bafatanaga mu mashati bakarwana bapfa amafaranga 200frw bari bahawe n’umushoferi wari werekeje i Kamembe.

Umwe mu babonye aba bombi barwana yavuze ko aba bagabo babiri babanje guhamagara abagenzi babashyira mu modoka, ihagurutse umushoferi ahereza Habimana ibiceri bihwanye n’amafaranga 200frw y’u Rwanda nuko mugenzi we Muhire Samuel amusaba ko bayagabana mu kutabyumvikana batangira kurwana.

Yagize ati “Barwanye bapfa amafaranga magana abiri Habimana Jean Pierre yahawe n’umushoferi maze Samuel amusaba ko bayagabana undi arabyanga, barafatana maze Habimana Jean Pierre amuruma mu mutwe no ku kaboko, undi nawe amukubita ingumi.



Bagundaguranye cyane ntiwamenya aho yayimukubise abantu babakiza ubona ko Habimana Jean Pierre ubona ko yapfuye, yari ari kuva amaraso mu mazuru bamujyana kwa muganga ariko arapfa.”

Aya makuru kandi yemejwe n’umunyamabanga Nshingwabikorwa w’akagari ka Kibogora, Uwihoreye Providence wavuze ko Habimana w’imyaka 35 y’amavuko yapfuye umurambo we ukaba uri mu bitaro bya Kibogora naho Muhire Samuel akaba yashyikirijwe urwego rw’ubugenzacyaha RIB.

Yagize ati “Muhire yashyikirijwe RIB, bombi babahaye ibiceri bya 200frw nibyo bapfuye bari bayasigiwe n’umushoferi.”



Uwihoreye Providence avuga ko aba bantu badasanganywe imyitwarire myiza anemeza ko mu kurwana Habimana Jean Pierre yarumye Muhire Samuel nawe akamukubitagura ingumi bikekwa ko arizo zaba zamwishe.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abarwaye Coronavirus mu Rwanda bageze kuri 54

Minisiteri y’Ubuzima yatangaje ko kuri uyu wa Gatanu tariki ya 27 Werurwe...
27 March 2020 Yasuwe: 1028 0

Perezida Kagame yitabiriye inama idasanzwe y’abakuru b’ibihugu 20 bikize...

Kuri uyu wa 26 Werurwe, Perezida wa Repubulika y’u Rwanda Paul Kagame akaba...
27 March 2020 Yasuwe: 2572 0

Covid-19:Nta muntu wemerewe kubikuza amafaranga arenzi Miliyoni...

Banki Nkuru y’Igihugu yashishikarije abanyarwanda kurushaho gukoresha uburyo...
22 March 2020 Yasuwe: 1933 0

Umunyarwandakazi Mushimiyimana Delphine ukekwaho Coronavirus ari...

Ubuyobozi ku ruhande rw’u Rwanda na Uganda, bari gushakira hasi no hejuru...
21 March 2020 Yasuwe: 34777 1

Kigali:Abakora umwuga wo gutwara abagenzi kuri Moto baravugwaho kugira...

Abakora umwuga wo gutwara abagenzi kuri Moto mu Mujyi wa Kigali,...
21 March 2020 Yasuwe: 3918 0

COVID-19:Reba ubutumwa bwa Pasiteri Ezra Mpyisi yahaye abayoboke b’amadini...

Umuvugabutumwa Ezra Mpyisi ,ubimazemo igihe yagiriye abayoboke b’amadini...
21 March 2020 Yasuwe: 6951 1