Nyamasheke: Abantu babiri bafite urumogi bafatiwe mu modoka

Amakuru   Yanditswe na: Iyamuremye Janvier 28 July 2017 Yasuwe: 153

Ubukangurambaga bwo kwirinda kunywa no gucuruza ibiyobyabwenge n’ibindi byaha Polisi y’u Rwanda ihora iha abaturage, biragaragara ko bugenda butanga umusaruro kuko bakomeje gutanga amakuru y’abishora mu byaha bitandukanye.

Ni muri urwo rwego ku itariki ya 25 Nyakanga abaturage bo mu murenge wa Ruharambuga batanze amakuru yatumye abantu 2 bari bafite urumogi bafatwa, ubwo bari mu modoka yerekezaga i Kigali.

Umuvugizi wa Polisi mu Ntara y’Iburengerazuba Chief Inspector of Police (CIP) Theobard Kanamugire, yavuze ko abafashwe ari Akimpaye Delphine w’imyaka 37 wafatanywe ibiro 5, na Sindayigaya Silas w’imyaka 44 wafatanywe ibiro 6 byose hamwe bikaba 11.

CIP Kanamugire yavuze uko aba bombi bafashwe agira ati:”Umuturage w’inyangamugayo yabonye uyu Akimpaye yinjiranye urumogi mu modoka yerekeza i Kigali, ahamagara Polisi ya Ruharambuga ayimenyesha ibirango byayo, igeze mu murenge wa Bushekeri akagari ka Nyarusange barayihagarika, bayisatse basanga koko Akimpaye afite ibiro 5 byarwo, basangana n’uyu Sindayigaya umufuka hejuru bigaragara ko urimo ibitoki, ariko bamubwiye kubikuramo ngo barebe neza basanga imbere harimo ibiro 6 by’urumogi, niko kubafata ubu bakaba bafungiye kuri Sitasiyo ya Polisi ya Ruharambuga mu gihe iperereza rikomeje.”

CIP Kanamugire yakomeje ashimira abaturage batanze amakuru yatumye aba bombi bafatwa, anabasaba gukomeza guha Polisi amakuru y’ikintu cyose cyahungabanya umutekano.

Yanaboneyeho umwanya wo gukangurira abaturage kwirinda kwishora mu bikorwa bibi by’ubucuruzi bw’ibiyobyabwenge no kubinywa kuko bibagiraho ingaruka.

Gucuruza no kunywa ibiyobyabwenge bihanishwa igifungo kiri hagati y’imyaka 3 kugera kuri5, n’ihazabu yamafaranga 500,000 kugera kuri 5,000,00 z’amafaranga y’u Rwanda, nk’uko bikubiye mu ngingo ya 594 yo mu gitabo cy’amategeko ahana ibyaha cya Repubulika y’u Rwanda.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umuturage yasabye Uganda kwemerera imfungwa n’ abagororwa gutora

Umuturage wa Uganda yandikiye urukiko rukuru rwa Kampala arugaragariza...
20 February 2018 Yasuwe: 180 0

Abamotari ntibumva impamvu bacibwa amande bakuyeho umugenzi

Abamotari ntibumva impamvu bacibwa amande bakuyeho umugenzi Abamotari...
17 February 2018 Yasuwe: 649 0

Perezida Zuma bamwokeje igitutu ati ‘ntacyo nakoze gituma munyirukana shishi...

None tariki 14 Gashyantare 2018 byari byitezwe ko Perezida Jacob Zuma wa...
14 February 2018 Yasuwe: 509 0

Rusizi: Abantu 20 bafunzwe bakekwaho kuroga harimo uvugwaho kwihindura...

Abaturage barimo abagore n’abagabo bo mu midugudu itanu y’akagari ka Mpinga...
10 February 2018 Yasuwe: 2591 4

Umunya- Canada yitabye Imana bitunguranye avuye gusura ingagi mu...

Umukerarugendo James Trevor wari uvuye mu Birunga yafashwe n’ uburwayi bwo...
9 February 2018 Yasuwe: 3931 0

Pasiteri Mpyisi yasabye Niyibikora wibasiye abagore kumwegera...

Ezira Mpyisi, umupasiteri akaba n’ inararibonye yavuze ko kugereranya...
8 February 2018 Yasuwe: 6407 0